UNA TULENDA KULULWILA E NTOKANI
Zingu kia Kondwa Ntokani
E malongi ma Bibila malenda kusadisa muna kulula e ntokani. Dialudi vo, ke tulendi fokola mambu mawonso ko metwasanga e ntokani muna zingu kieto. Kansi o mvangi eto olenda wo vanga. Wasola muntu olenda kutusadisa, o muntu ndioyo i Yesu. Vava kakala ova ntoto, Yesu wavanga mambu mayingi masivi. Kansi kuna ntwala, mayingi diaka kevanga mu kuma kia wantu. Kasikil’owu:
YESU OWUKA AMBEVO NZE UNA KAVANGA KUNA NZ’ANKULU.
“Bantwasidi awonso bakala ye yimbevo ya mpila mu mpila ye . . . , ubawukidi.”—MATAI 4:24.
YESU OVANA NZO YE MADIA KWA WANTU AWONSO.
“Betunga nzo yo zingila mo, Bekuna mpatu za vinyu yo dia e bundu yau. Ke betunga nzo ko, o muntu ankaka kazingila mo, ke bekuna mpatu ko, kimana akaka badia”—YESAYA 65:21, 22.
O LUYALU LWA YESU LUTWASA LUVUVAMU YE NGEMBA OVA NTOTO.
“Muna lumbu yandi, o nsongi osakumuka, Luvuvamu luwokela yavana e ngonde ke ikala diaka ko. Yala keyala tuka muna kalunga yamu kalunga tuka mu Nzadi, yakuna nsuka za nza. . . . E mbeni zandi bevenda ntoto.”—NKUNGA 72:7-9.
YESU OFOKOLA E FU KIA KONDWA UNSONGI.
“Ofwila mumbona-mpasi e nkenda yo nsukami, ovuluza mioyo miau. Okubakûla muna lubangamu ye nsoki.”—NKUNGA 72:13, 14.
YESU OFOKOLA E MPASI YO LUFWA.
“O lufwa ke lukala diaka ko, ngatu kala diaka dilu, yovo kazu ngatu mpasi.”—LUSENGOMONO 21:4.
