Adieyi Nkand’a Nzambi Uvovanga?
Nga wantu basoka mabundu?
AKAKA BEVOVANGA VO wantu basoka e mabundu; akaka bebanzanga vo Nzambi osadilanga e mabundu kimana wantu bamfinama. Azeyi i ngindu zaku?
ADIEYI NKAND’A NZAMBI UVOVANGA?
“E nsambila ina yavelela yo kondwa usafu vana ndose a Nzambi wa Se dieto i yayi.” (Yakobo 1:27) E nsambil’avelela ye yaludi kwa Nzambi yatuka.
NKIA MAMBU MANKAKA TULENDA LONGOKA MU NKAND’A NZAMBI?
Muna yangidika Nzambi, malongi ma dibundu mafwete tuka muna Nkand’a Nzambi.—Yoane 4:23, 24.
Mabundu mesadilanga e ngindu za wantu ke mena mfunu ko.—Maku 7:7, 8.
Okala ye dibundu mfunu dina?
AZEYI I MVUTU ZAKU?
Ingeta
Ve
Nanga
ADIEYI NKAND’A NZAMBI UVOVANGA?
“Yambula twayindulaziananga kimana twasikamesa o zola ye mavangu mambote kwa muntu yo nkw’andi, ke tuyambula kutakana ko.” (Ayibere 10:24, 25) Nzambi ozolele vo asambidi andi bansambila kumosi ye muna kintwadi.
NKIA MAMBU MANKAKA TULENDA LONGOKA MU NKAND’A NZAMBI?
Ana besambilanga Nzambi komosi bafwete kwikila mambu mau mosi.—1 Korinto 1:10, 11.
Wana bena muna nsambila ina Nzambi ke tondanga i yau bena muna kintwadi kia wana-ngudi.—1 Petelo 2:17.
Nanga Oyangalela Mpe Malongi Mama
EYINGIDILU DIA NKANGU
Nga Vena ye Dibundu Dilenda Bundwa Vuvu?
Nga wakendalala kala mu kuma kia diambu diambi diabwa muna dibundu? Avo i wau, dilenda kala diampasi muna bunda dibundu e vuvu. Aweyi elongi dia Nkand’a Nzambi dilenda kusadisila?
