Na kilumbu ya 19 Mai 2022, bamfumu 75 ya nene tubaka na nkubukulu ya ONU yina ketadilaka luvuvamu ya bantu (Conseil de sécurité des Nations Unies) ti “bima ya kudia mekuma mpasi na yinza ya mvimba, samu na COVID-19 mpe kusoba ya klima, yamekuma diaka mpasi kuluta samu na mvita ya Ukraine, nsatu kena kukota na bisika yankaka.” Ntama mingi ve, Mukanda The Economist tubaka ti “yinza yayi kele deja na mambu mingi ya mpasi, kasi yakevuanda diaka na bantu mingi yina kekufua nsatu samu na mvita.” Biblia samunaka ti nsatu ya plina kevuanda na bilumbu na beto, kasi yakena kupesa beto diaka lusadusu samu beto nunga yau.

•   Yesu samunaka ti: ‘Yinsi mosi kenuanisa yinsi yankaka mpe kimfumu mosi kenuanisa kimfumu yankaka, mpe nsatu kevuanda.’—Matayo 24:7.

•   Mukanda ya Kusonga (Nzaikusu) kena kumonisa banati ya mpunda yiya ya kifuani. Mosi ya banati ya mpunda yango kena kumonisa mvita. Nati ya mpunda yankaka yina kena kulanda yau kena kumonisa nsatu, kilokola mosi yina bima ya kudia kevuanda mpasi mpe ntalu samu bantu sumba yau. “Munu monaka mpunda mosi ya ndombe, mpe muntu yina vuandaka na zulu na yau vuandaka na kilo na diboko na yandi. Munu kuwaka lokola ndinga mosi . . . tubaka, ‘litre mosi ya ble kevuanda na ntalu ya salere ya kilumbu mosi! Bakilo tatu ya orje kebaka nge diaka salere ya kilumbu mosi.’”—Kusonga 6:5, 6, Contemporary English Version.

 Bambikudulu yango ya Biblia yina metadila nsatu kena kukokisama bubu yayi na kilokola yina Biblia mebokidila “bilumbu ya nsuka.” (2 Timoteo 3:1) Samu na kuzaba mambu yankaka na diambu metadila “bilumbu ya nsuka” mpe kutambula ya banati mpunda yiya yina Kusonga metubila, tala video Mokili ebongwaná banda 1914 mpe tanga disolo “Batambwisi-mpunda minei yango bazali banani?”

•   Biblia kele na malongi ya mfunu yina lenda sadisa beto samu beto nunga mambu ya mpasi, kubuelama ya ntalu ya bima ya kudia, to kukondua bima ya kudia. Tala ndambu ya bifuani na disolo “Okosala nini soki ozali lisusu na mbongo mingi te?”

•   Biblia mepesa beto diaka kivuvu ti mambu kekuma mbote. Yamelaka beto ntangu yina ‘Mbuma kevuanda mingi mpenza na ntoto’ mpe konso muntu kevuanda na kima ya kudia. (Nkunga 72:16) Samu na kuzaba mambu yankaka samu na kivuvu ya Biblia na bilumbu kena kuiza mpe mfunu yina beto lenda tudila yau kivuvu, tanga disolo “Elikya ya solosolo mpo na mikolo ezali koya.”