Mutindu beto kena kumona yau na mvita ya Ukraine, bamfumu ya mabundu mingi kena kukindisa bantu banuana mvita. Tala mutindu bamfumu ya mabundu ya babuala yango nionso zole kena kupesa maboko na mvita:

•   “Beto kena kupesa lokumu mpe beto kele na butondi na bantu nionso yina kena kukotila buala na bau ya Ukraine na bantu ya yimbi . . . bantima na beto, bisambu na beto, mpe lusadusu na beto kele kintuadi na beno.”—Metropolitan Epiphanius I ya Kiev, mutindu zulunalo The Jerusalem Post memonisa yau, 16 Mars 2022.

•   “Na kilumbu ya lumingu, mfumu ya dibundu ya Orthodoxe ya Russie bongisaka kisalu mosi samu na basoda ya Russie mpe yandi lombaka bau bakotila buala na bau ‘mutindu bantu ya buala ya Russie kaka lenda sala yau’ lokola Moscou kena kutatamana kunuanisa Ukraine.”—Reuters, 3 Avril 2022.

 Baklisto fueti kota na bamvita? Yinki Biblia metuba?

 Biblia memonisa ti bantu yina kele banlonguki ya kedika ya Yesu Klisto fueti kota ve na bamvita.

•   ‘Vutula mupanga na nge na kisika na yau, samu bantu nionso yina kebakaka mupanga kekufua na mupanga.’—Matayo 26:52.

   Muntu yina kekindisaka mvita to kekotaka na mvita kezitisaka mpenza bampova ya Yesu?

•   ‘Munu kena kupesa beno nsiku mosi ya yimpa, ti beno zolanaka beno na beno; mutindu kaka munu zolaka beno, beno diaka beno zolanaka beno na beno. Na mutindu yango, bantu nionso kezaba ti beno kele banlonguki na munu—kana beno kele na nzola kati na beno.’—Yoane 13:34, 35.

   Muntu yina kena kupesa maboko na mvita kemonisaka mpenza mutindu ya nzola yina Yesu tubaka ti yakemonisa banlonguki na yandi?

 Samu na kuzaba mambu yankaka, tanga disolo “Bitumba ezali malamu mpo na bakristo?”

 Yakele mbote kundima ti Baklisto fueti manga kukota na mambu metadila bamvita bubu yayi? Ee. Na nguizani na malongi ya Yesu, Biblia samunaka ti ntangu na beto, “bilumbu ya nsuka,” kevuanda na bantu ya babuala nionso yina ‘kelonguka diaka ve bamvita.’—Yezaya 2:2, 4, nyp.

•   Samu na kuzaba mambu mingi, tanga disolo ya Linɔ́ngi ya Mosɛnzɛli yina metuba “Ndenge nini Nzambe atalelaka bitumba?”

 Ntama mingi ve Yehova, a ‘Nzambi ya kiyenge’ kesadila Kimfumu ya mazulu samu na kuvukisa bantu na ‘bampasi mpe na kinkesi.’—Bafilipi 4:9; Nkunga 72:14.

•   Samu na kuzaba mutindu yakesalamina, tala video Bokonzi ya Nzambe ezali nini?