တၢ်သံကွၢ် ၁၅
ဒ်သိးနကအိၣ်ဒီး တၢ်သးခုနီၢ်ကီၢ်အဂီၢ် နကဘၣ်မၤတၢ်မနုၤလဲၣ်
“ပှၤအီၣ်သကိး တၢ်ဒိးတခွးလၢ တၢ်အဲၣ်တၢ်ကွံအပူၤန့ၣ် ဂ့ၤဒိၣ်န့ၢ်ဒံး ပှၤအီၣ်သကိး တၢ်ညၣ်လၢ အဝံၣ်ကတၢၢ် လၢတၢ်သးဟ့အပူၤလီၤ.”
“ယမ့ၢ် သုကစၢ် ယဟိဝၤယွၤလီၤ. ယမ့ၢ်ပှၤတဂၤလၢ အသိၣ်လိသုလၢ တၢ်လၢအဂ့ၤကတၢၢ်လၢသုဂီၢ် ဒီးပှၤတဂၤလၢ အဟံးစုနဲၣ်ကျဲသုလၢ ကျဲလၢ သုကြၢးလဲၤလီၤ.”
“ပှၤလၢ အသ့ၣ်ညါလီၤအသးလၢ အလိၣ်ဘၣ် ကစၢ်ယွၤ အတၢ်ဟံးစုနဲၣ်ကျဲန့ၣ် ကသးခုဝဲ, မ့ၢ်လၢ မူခိၣ်အဘီအမုၢ်န့ၣ် မ့ၢ်အဝဲသ့ၣ် အတၢ်အဃိလီၤ.”
“နကဘၣ်အဲၣ် ပှၤလၢနဃၢၤ ဒ်နအဲၣ်လီၤ နနီၢ်ကစၢ်အသး အသိးလီၤ.”
“ဒ်သုအဲၣ်ဒိးလၢ ပှၤဂၤကမၤသုအသိးန့ၣ် မၤအဝဲသ့ၣ် ဒ်န့ၣ်အသိးစ့ၢ်ကီးတက့ၢ်.”
“ပှၤလၢအနၢ်ဟူ ကစၢ်ယွၤ အကလုၢ်ကထါဒီး မၤထွဲဝဲန့ၣ် ကသးခုဝဲလီၤ.”
“ပှၤတဂၤ အတၢ်ထူးတၢ်တီၤ မ့ၢ်အိၣ်အါအါ သနာ်က့ တၢ်လၢ အအိၣ်ဒီးအီၤတဖၣ်န့ၣ် ဟ့ၣ်အီၤ တၢ်မူတသ့ဘၣ်.”
“အဃိ ပတၢ်အီၣ်တၢ်အီ ဒီးပတၢ်ကူတၢ်သိး မ့ၢ်အိၣ်န့ၣ် ပကသးမံလီၤ.”
“ဟ့ၣ်တၢ်န့ၣ် ဒုးအိၣ်ထီၣ် တၢ်သးခုအါန့ၢ်ဒံး ဒိးန့ၢ်ဘၣ်တၢ်ဒံးလီၤ.”
