နဒိးန့ၢ် တၢ်ဆိၣ်ဂ့ၤတဖၣ် လီၤထူလီၤယိာ်လၢ တၢ်ဘၣ်တ့ကစၢ်အအိၣ်သ့
ကစၢ်ယွၤအၢၣ်လီၤဝဲ ဝံအၤဘြၤဟၣ်လၢ အစၢၤအသွဲၣ်တဂၤန့ၣ် ကဟဲစိးန့ၢ်ပှၤ တၢ်ဆိၣ်ဂ့ၤလၢ “ကယဲၢ်ပှၤကညီလၢ ဟီၣ်ခိၣ်ချၢ” ခဲလၢာ်လီၤ. (၁ မိၤၡ့ ၂၂:၁၈) ပှၤတဂၤလၢ ဟဲလီၤစၢၤလီၤသွဲၣ်လၢအီၤန့ၣ် ကမ့ၢ်မတၤလဲၣ်.
အပူၤကွံာ်ကအိၣ်လၢအနံၣ် ၂,၀၀၀ န့ၣ်, ကစၢ်ယွၤဟ့ၣ်လီၤယ့ၣ်ၡူး လၢအဟဲလီၤစၢၤလီၤသွဲၣ်လၢစီၤအၤဘြၤဟၣ်တဂၤ အတၢ်စိတၢ်ကမီၤလၢ ကမၤဝဲတၢ်လီၤလးလၢ အလီၤကမၢကမၣ်တဖၣ်န့ၣ်လီၤ. တၢ်လီၤလးတဖၣ်န့ၣ် ပာ်ဖျါထီၣ်လၢ တၢ်အၢၣ်လီၤအီလီၤလၢ ကစၢ်ယွၤမၤဝဲဒီး စီၤအၤဘြၤဟၣ်န့ၣ် ကဟဲလၢထီၣ်ပှဲၤထီၣ်ဝဲ ခီဖျိလၢ ယ့ၣ်ၡူးန့ၣ်လီၤ.—ကလၤတံ ၃:၁၄.
ယ့ၣ်ၡူးမၤ တၢ်လီၤလးသ့ၣ်တဖၣ်န့ၣ် မၤစၢၤဝဲပှၤအါဂၤလၢ ကသ့ၣ်ညါထီၣ်လၢ ကစၢ်ယွၤဃုထၢအီၤ လၢကဆိၣ်ဂ့ၤ ပှၤဟီၣ်ခိၣ်ဖိန့ၣ်လီၤ. တကးဒံးဘၣ် ပာ်ဖျါထီၣ်စ့ၢ်ကီးလၢ ကစၢ်ယွၤကသူအီၤလၢ ကဆိၣ်ဂ့ၤဝဲပှၤဟီၣ်ခိၣ်ဖိ လီၤထူလီၤယိာ်န့ၣ်လီၤ. ပာ်သူၣ်ပာ်သး ယ့ၣ်ၡူးမၤတၢ်လီၤလးသ့ၣ်တဖၣ်န့ၣ် ပာ်ဖျါထီၣ်န့ၣ်ပှၤလၢ အအိၣ်ဒီးတၢ်ဂ့ၤတၢ်ဝါလၢ အထုးန့ၣ်ပသးဒိၣ်မးလီၤ.
တၢ်သးကညီၤ—ယ့ၣ်ၡူးမၤဘျါက့ၤ ပှၤလၢအိၣ်ဒီးတၢ်ဆါ.
ဘၣ်တဘျီ ပှၤဘၣ်တၢ်ဆါအၢတဂၤန့ၣ် ဃ့ကညးဝဲ ယ့ၣ်ၡူးလၢ ကမၤဘျါက့ၤအီၤလီၤ. ယ့ၣ်ၡူးဖီၣ်အီၤဒီး တဲအီၤလၢ “ယသးအိၣ်” န့ၣ်လီၤ. တဘျီဃီန့ၣ် ပှၤလၢအဘၣ်တၢ်ဆါအၢတဂၤန့ၣ် အတၢ်ဆါဘျါကွံာ်ဝဲလီၤ.—မၢ်ကူး ၁:၄၀-၄၂.
ဟ့ၣ်တၢ်ညီ—ယ့ၣ်ၡူးဒုးအီၣ်ဒုးအီဝဲ ပှၤလၢအသၣ်ဝံၤတဖၣ်.
ယ့ၣ်ၡူးတအဲၣ်ဒိးလၢ ပှၤတဂၤဂ့ၤတဂၤဂ့ၤ ကသၣ်ဝံၤလီၤဒိးဘၣ်. အဃိယ့ၣ်ၡူးမၤတၢ်လီၤလးလၢ ကဒုးအီၣ်ဒုးအီဝဲ ပှၤလၢအကထိတဖၣ်လၢ ကိၣ်ဒီးညၣ်န့ၣ် တမ့ၢ်ထဲတဘျီဧိၤဘၣ်. (မးသဲ ၁၄:၁၇-၂၁; ၁၅:၃၂-၃၈) အဝဲသ့ၣ်သးမံဒီး တၢ်လၢအဝဲသ့ၣ် အီၣ်ဘၣ်တဖၣ် ဝံၤတၢ်အီၣ်န့ၣ် အိၣ်တီၢ်ဝဲဒီဒူၣ်ညါန့ၣ်လီၤ.
တၢ်ဒိသူၣ်ဒိသး—ယ့ၣ်ၡူးမၤသမူထီၣ်က့ၤ ပှၤသံ.
ယ့ၣ်ၡူး “သးကညီၤ” ဒီးမၤသမူထီၣ်ဝဲ မုၣ်ကမဲလၢ ပှၤကွၢ်ထွဲအီၤ တအိၣ်နီတဂၤလၢၤဘၣ် တဂၤအဖိခွါန့ၣ်လီၤ.—လူၤကၣ် ၇:၁၂-၁၅.
တၢ်ဂ့ၤအဂၤလၢ နကဘၣ်သး
လံာ်စီဆှံ အတၢ်သိၣ်လိလၢ အရ့ဒိၣ်တဖၣ်
ဘၣ်မနုၤအဃိ ကစၢ်ယွၤတ့လီၤဟီၣ်ခိၣ်လဲၣ်.
ဟီၣ်ခိၣ်လၢပအိၣ်အံၤ ပှဲၤဝဲဒီးတၢ်ဃံတၢ်လၤလီၤ. ကစၢ်ယွၤပာ်လီၤဝဲဟီၣ်ခိၣ်ဒီး မုၢ်အတၢ်ဒ့ၣ်စၢၤန့ၣ် တယံၤတလၢ ဒီးတဘူးတလၢဘၣ်. ဒီးယွၤဒုးဒ့ခံဝဲဟီၣ်ခိၣ်အံၤ ဖဲအကြၢးအဘၣ်. ဒီးဟီၣ်ခိၣ်အံၤ တရံးဝဲမုၢ်န့ၣ် တချ့တလၢ ဒီးတကဘှၢတလၢ စ့ၢ်ကီးဘၣ်. ဘၣ်မနုၤအဃိ ကစၢ်ယွၤ တ့လီၤဝဲဟီၣ်ခိၣ်အံၤ ဂ့ၤထဲအံၤညါလဲၣ်.
