တၢ်သးဝံၣ် ၁၅၀
ဃုယွၤဒ်သိး နကန့ၢ်တၢ်အုၣ်က့ၤခီၣ်က့ၤ
-
၁. ဟီၣ်ခိၣ်စီၤလိၢ်စီၤပၤ
ထီဒါကစၢ်ယွၤဖိခွါ.
ယွၤပာ်ပနီၣ်တၢ်ဆၢကတီၢ်,
စံၣ်ညီၣ်မုၢ်နံၤဟဲဘူးထီၣ်.
တယံာ်ဘၣ်ယွၤဖိခွါ
ကယီၢ်တံၢ်အဒုၣ်အဒါ,
ဟီၣ်ခိၣ်တၢ်ပၢကကတၢၢ်ကွံာ်ဝဲ
ခရံာ်န့ၣ်ကတီခိၣ်ရိၤမဲ.
(ခိရၢာ်)
ယွၤကစံၣ်ညီၣ်ဟီၣ်ခိၣ်ဘူးထီၣ်,
ဘၣ်ခိးကွၢ်တၢ် ဒီးနာ်န့ၢ်အီၤ.
မၤတၢ်တီတၢ်လိၤ,
တီဒီးယွၤထီဘိ,
ဆီၣ်ထွဲယွၤဘီမုၢ်အတၢ်ပၢ
ဒီးကစၢ်ယွၤတၢ်မၤပူၤဖျဲး
ကထံၣ်လၢနမဲာ်.
-
၂. ပှၤအိၣ်ဒီးတၢ်ခွဲးယာ်,
ကဆၢတဲာ်တၢ်ဖဲအသး.
မ့ၢ်ဃုယွၤတၢ်အုၣ်က့ၤခီၣ်က့ၤ
ဒိးန့ၢ်ဘီမုၢ်တၢ်ဆိၣ်ဂ့ၤ.
ကထံၣ်ဘၣ်တၢ်မၤကွၢ်,
တလိၣ်လၢပပျံၤတၢ်ဘၣ်.
ဃ့တၢ်မၤစၢၤလၢယဟိဝၤယွၤ,
ယွၤဒိကနၣ် မၤစၢၤပှၤ.
(ခိရၢာ်)
ယွၤကစံၣ်ညီၣ်ဟီၣ်ခိၣ်ဘူးထီၣ်,
ဘၣ်ခိးကွၢ်တၢ် ဒီးနာ်န့ၢ်အီၤ.
မၤတၢ်တီတၢ်လိၤ,
တီဒီးယွၤထီဘိ,
ဆီၣ်ထွဲယွၤဘီမုၢ်အတၢ်ပၢ
ဒီးကစၢ်ယွၤတၢ်မၤပူၤဖျဲး
ကထံၣ်လၢနမဲာ်.
(ကွၢ်စ့ၢ်ကီး ၁ မူၤ. ၂:၉; စံး. ၂:၂, ၃, ၉; ကတိၤ. ၂:၈; မး. ၆:၃၃ တက့ၢ်.)
