တၢ်ကိးအံၤ ဘၣ်လိာ်ဖိးဒ့လိာ်သးလၢ တၢ်ဂ့ၢ်တနီၤအဃိလီၤ–

•   တၢ်သူၣ်ထီၣ်အံၤ မ့ၢ်ဘျီၣ်တဖျၢၣ်, မ့တမ့ၢ် တၢ်စူးရိအိၣ်ဖှိၣ်အလီၢ်လီၤ.

•   ပစူးရိအိၣ်ဖှိၣ်လၢ တၢ်ဘူၣ်ထီၣ်ဘါထီၣ် ယဟိဝၤ, ယွၤလၢအဟ့ၣ်ပှၤလံာ်စီဆှံ, ဒီးလၢပကအုၣ်ပသးလၢ ဘၣ်ဃးဒီးကစၢ်အဂ့ၢ်အဂီၢ်လီၤ.—စံးထီၣ်ပတြၢၤ ၈၃:၁၈; ယၡါယၤ ၄၃:၁၂.

•   ပစူးရိအိၣ်ဖှိၣ်စ့ၢ်ကီးလၢ ပကဃုသ့ၣ်ညါတၢ် ဘၣ်ဃး ကစၢ်ယွၤအဘီအမုၢ်, လၢညီနုၢ်ယ့ၣ်ၡူးစံးဝဲန့ၣ်လီၤ.—မးသဲ ၆:၉, ၁၀; ၂၄:၁၄; လူၤကၣ် ၄:၄၃.

 ပကွဲမုာ်နၤလၢ နကဟဲဟးလၢ ဘီမုၢ်ဘျီၣ်ရိဖှိၣ်လၢ အအိၣ်ဘူးဒီးနၤလီၤ. ယဟိဝၤပှၤအုၣ်အသးတဖၣ် မၤဝဲအတၢ်စူးရိအိၣ်ဖှိၣ် ဒ်လဲၣ်န့ၣ် ဟဲကွၢ်လၢနနီၢ်ကစၢ်တက့ၢ်.