Jizɔs no wetin i min fɔ sɔfa bikɔs ɔf kraym ɛn we pipul dɛn nɔ de du tin fia wan. Dɛn bin lay pan am, bit am di we we de agens di lɔ, dɛn pas jɔjmɛnt pan am we nɔ fia, dɛn kɔndɛm am fɔ wetin i nɔ du, ɛn dɛn mek i sɔfa bad bad wan we dɛn kil am. Pan ɔl we i nɔ du ɛni bad tin, i bin sho se i nɔ jɔs bisin bɔt insɛf bay we i bin rɛdi fɔ sakrifays “in layf as prayz fɔ fri bɔku pipul dɛn.” (Matyu 20:​28; Jɔn 15:​13) As Kiŋ na Gɔd in Kiŋdɔm, i nɔ go te, Jizɔs go mek jɔstis de ɔlsay na di wɔl ɛn mek kraym nɔ de igen igen.—Ayzaya 42:​3.

 Di Baybul tɔk bɔt aw di wɔl go tan afta Jizɔs du in wok. I se:

•   “Di wikɛd wan dɛn nɔ go de igen; yu go luk fɔ dɛn usay dɛn bin de, bɔt dɛn nɔ go de de. Bɔt di wan dɛn we ɔmbul go de na di wɔl, ɛn dɛn go gladi bikɔs dɛn gɛt bɔku bɔku pis.”—Sam 37:​10, 11.

 Aw wi go sho se wi gladi fɔ ɔl wetin Jizɔs dɔn du fɔ wi ɛn wetin i go du jisnɔ? Insay Lyuk 22:​19, Jizɔs bin tɛl in disaypul dɛn fɔ mɛmba in day. Na dat mek ɛni ia, we di det we i bin day rich, Jiova Witnɛs dɛn de gɛda togɛda. Wi de invayt yu fɔ jɔyn wi fɔ mɛmba Jizɔs in day Sɔnde, Mach 24, 2024.

Fɛn Usay Dɛn Go Gɛt di Mɛmorial