Jiova Witnɛs dɛn kin gɛda wan tɛm ɛni ia wit di bɔku bɔku pipul dɛn we dɛn invayt ɔlsay na di wɔl fɔ mɛmba Jizɔs in day jɔs lɛk aw i bin dɔn tɛl dɛn fɔ du. (Lyuk 22:​19) Dis program de ɛp wi fɔ ɔndastand aw di tin we Jizɔs du impɔtant fɔ mɔtalman. I de mek wi no bak wetin in sakrifays min fɔ wi naw ɛn tumara bambay.—John 3:​16.

 Ilɛksɛf yu atɛnd di Mɛmorial dis ia ɔ yu nɔ atɛnd, aw yu go bɛnifit frɔm Jizɔs in day? Jizɔs bin tich se wi fɔ du tu impɔtant tin dɛn:

1.  1. Lan bɔt Gɔd ɛn Jizɔs. We Jizɔs bin de pre to in Papa na ɛvin, i bin se: “Fɔ gɛt layf we go de sote go, dɛn fɔ no yu, we na di wangren tru Gɔd, ɛn di wan we yu sɛn, Jizɔs Krays.”—Jɔn 17:​3.

2.  2. Du wetin yu de lan. Jizɔs bin tɔk bɔku tɛm se wi nid fɔ aplay di tin dɛn we i de tich na wi layf. Fɔ ɛgzampul, we i bin de dɔn fɔ tɔk ɔp wan mawntin, i bin tɔk fayn bɔt ɛnibɔdi we “yɛri [in] wɔd ɛn du am.” (Lyuk 6:​46-48) Semweso, wan ɔda tɛm i bin tɔk se: “If una no dɛn tin ya, una go gladi if una du dɛn.”—Jɔn 13:​17.

 Yu go lɛk fɔ lan mɔ bɔt Gɔd ɛn Jizɔs? Yu want fayn advays bɔt aw fɔ aplay wetin yu de lan? Luk sɔm tin dɛn we go ɛp yu.

 Wi fri Baybul stɔdi dɔn ɛp bɔku pipul dɛn fɔ lan wetin di Baybul se ɛn aplay am na dɛn layf.

•   Go na di say we nem Guided Bible Study Course fɔ lan mɔ bɔt dis program.

•   Wach di vidio we gɛt di taytul, Wɛlkɔm to Yu Baybul Stɔdi fɔ si aw Jiova Witnɛs dɛn kin stɔdi di Baybul wit pipul dɛn.

 Jiova Witnɛs dɛn kin mit togɛda tu tɛm insay di wik na dɛn ples fɔ wɔship we dɛn de kɔl Kiŋdɔm Ɔl. We wi kin go dɛn mitin dɛn de, wi kin tɔk bɔt aw fɔ aplay wetin wi de lan na wi layf.

Ɛnibɔdi kin atɛnd dɛn mitin dɛn ya nɔto pas yu bi Jiova Witnɛs.  Pɔsin kin disayd fɔ atɛnd di mitin na Kiŋdɔm Ɔl ɔ jɔyn na Zoom, i lɛf to wetin de apin to am.

•   Wach di vidio we gɛt taytul, Wetin Kin Apin na Kiŋdɔm Ɔl? fɔ si wetin yu go ɛkspɛkt na wi mitin dɛn.

•   Fɔ fɛn wan mitin ples nia yu, go na di pej we nem Congregation Meetings of Jehovah’s Witnesses.

 Bɔku atikul ɛn vidio dɛn de na dis wɛbsayt we go ɛp yu fɔ lan mɔ bɔt di tin dɛn we Jizɔs tich ɛn di valyu we in day gɛt.

 Fɔ ɛgzampul, fɔ lan aw i pɔsibul fɔ lɛ wan pɔsin in day bɛnifit bɔku bɔku pipul dɛn, rid di atikul dɛn we gɛt di taytul, “Jesus Saves—How?” and “Why Did Jesus Suffer and Die?” ɔ wach di vidio we gɛt di taytul Wetin Mek Jizɔs bin Day?