STƆDI 7
Tich di Kɔrɛkt Tin
Lyuk 1:3
WETIN FƆ DU: Yuz rɛfrɛns dɛn we kɔrɛkt we go ɛp di wan dɛn we de lisin to yu fɔ biliv wetin yu de se.
AW FƆ DU AM:
-
Fɛn rɛfrɛns dɛn we tru ɛn yuz dɛn. Yuz Gɔd in Wɔd we yu de tɔk, ɛn if i pɔsibul rid frɔm am. If yu de tɔk bɔt sayɛns, nyuz, ɛkspiriɛns, ɔ ɔda tin dɛn we de sɔpɔt wetin yu de tɔk, chɛk am bifo tɛm fɔ no if na tru ɛn if dɛn nɔ dɔn chenj sɔntin pan am.
-
Yuz rɛfrɛns dɛn di rayt we. Ɛksplen di skripchɔ dɛn akɔdin to di ɔda vas dɛn we de arawnd de, di mɛsej we de na di Baybul, ɛn di buk, magazin dɛn, ɛn ɔda tin dɛn we di “slev we fetful ɛn gɛt sɛns” de gi wi. (Mat. 24:45, NW) Yuz rɛfrɛns dɛn we nɔ de na di Baybul kɔrɛkt wan ɛn nɔ tɔk sɔntin we difrɛn frɔm wetin dɛn rayt.
-
Tɔk bɔt di rɛfrɛns. Afta yu rid wan skripchɔ ɔ tɔk bɔt ɛni rɛfrɛns, tek tɛm aks kwɛstyɔn dɛn ɔ gi ɛgzampul so dat yu go ɛp di wan dɛn we de lisin to yu fɔ si di pɔynt.
