Tink bɔt wetin mek yu de rid di skripchɔ. Introdyus ɛni skripchɔ di kayn we, we go ɛp di pipul dɛn fɔ no di men pɔynt we yu want fɔ tɔk bɔt na da skripchɔ de.

Mek di pɔsin no se na frɔm di Baybul yu de tɔk. We yu de tɔk to pipul dɛn we biliv Gɔd, tray fɔ mek dɛn no se di Baybul na Gɔd in Wɔd. We yu de du dis, yu de sho se wetin yu de tich kɔmɔt frɔm Gɔd.

Se sɔntin we go mek di pipul dɛn want fɔ no wetin de na di skripchɔ. Aks kwɛstyɔn we yu go yuz di skripchɔ fɔ ansa, tɔk bɔt prɔblɛm we di skripchɔ go ɛp fɔ sɔlv, ɔ tɔk bɔt wan prinsipul we di skripchɔ go ɛp dɛn fɔ ɔndastand.