ATƐNDANT DƐN Di atɛndant dɛn de fɔ ɛp yu. Duya na fɔ du ɔl wetin dɛn tɛl yu bɔt usay fɔ pak motoka, usay fɔ waka, usay fɔ sidɔm, ɛn ɔda tin dɛn.

BAPTIZIM Dɛn go kip sit fɔ di wan dɛn we gɛt fɔ baptayz na di sit dɛn we de bifo di stej, pas nɔmɔ if dɛn tɛl dɛn fɔ sidɔm ɔdasay. Dɛn fɔ dɔn sidɔm de bifo di baptizim tɔk bigin Satide mɔnin. Ɔl di wan dɛn we de baptayz fɔ briŋ tawɛl ɛn klos we nɔ go mek dɛn bɔdi de na do.

KƆNTRIBYUSHƆN Di brɔda dɛn dɔn yuz plɛnti mɔni fɔ arenj fɔ say fɔ sidɔm, fɔ sawnd sistɛm, tin dɛn fɔ wach vidio, ɛn bɔku ɔda tin dɛn fɔ mek yu ɛnjɔy di kɔnvɛnshɔn ɛn ɛp yu fɔ kam nia Jiova. Di mɔni we yu go gi, go ɛp fɔ pe fɔ dɛn tin dɛn de ɛn mek di prichin wok go bifo. Dɛn dɔn put kɔntribyushɔn bɔks dɛn na difrɛn say dɛn fɔ mek am izi fɔ yu if yu want fɔ du dat. Bɔt if i pɔsibul, duya na fɔ yuz di Intanɛt fɔ gi kɔntribyushɔn bay we yu go na donate.isa4310.com. Wi tɛl yu plɛnti tɛnki fɔ ɛni kɔntribyushɔn we yu go gi. Di Gɔvnin Bɔdi de tɛl yu tɛnki fɔ ɛnitin we yu gi fɔ ɛp kɛr di wok go bifo.

FƐST ED Duya mɛmba se dis dipatmɛnt de nɔmɔ fɔ ɛni siriɔs tin we go ambɔg yu wɛlbɔdi wan na di kɔnvɛnshɔn.

LƆS ƐN FƐN DIPATMƐNT If yu fɛn ɛnitin na di kɔnvɛnshɔn ɛn yu nɔ no udat gɛt am, duya na fɔ kɛr am go na dis dipatmɛnt. If na sɔntin yu lɔs, na fɔ go na dis dipatmɛnt ɛn sho wetin yu lɔs. If yu si ɛni pikin we nɔ si in mama ɛn papa ɛn i nɔ sabi aw fɔ go bak to dɛn, na fɔ kɛr am go na dis dipatmɛnt. Bɔt fɔ mek dis kayn tin nɔ apin, duya mama ɛn papa dɛn, una mek shɔ se una pikin dɛn de wit una ɔltɛm ɛn una no wetin dɛn de du.

SAY FƆ SIDƆM Duya na fɔ tink bɔt ɔda pipul dɛn we yu want fɔ put sɔntin na chia fɔ pɔsin we nɔ kam yet. Mɛmba se di wan dɛn nɔmɔ we yu go du dat fɔ na di wan dɛn we de na yu famili, di wan dɛn we una ɔl yuz di sem motoka, we una de na di sem os, ɔ pɔsin we yu de stɔdi di Baybul wit. Duya nɔ put ɛnitin na chia we yu no se yu nɔ de kip da chia de fɔ pɔsin.

DIPATMƐNT FƆ ƐP FƆ WOK If yu go want fɔ ɛp fɔ du ɛni wok na di kɔnvɛnshɔn, na fɔ go na di Dipatmɛnt fɔ No Bɔt Sɔntin ɛn di Dipatmɛnt fɔ Ɛp fɔ Wok.