Sam 49:1-20
To di wan we de dayrɛkt. Korah in bɔypikin dɛn siŋ.
49 Lɛ ɔlman yɛri dis.
Lɛ ɔlman we de na di wɔl pe atɛnshɔn,
2 Ilɛksɛf una impɔtant ɔ una nɔ impɔtant,Ilɛksɛf una po ɔ una jɛntri.
3 A go tɔk sɛns tɔk dɛn,Ɛn di tin dɛn we a de tink bɔt na mi at go sho se a gɛt ɔndastandin.
4 A go pe atɛnshɔn to parebul;A go yuz ap fɔ ɛksplen mi ridul.
5 Wetin mek a fɔ fred di tɛm we trɔbul de,We di bad tin dɛn we di wan dɛn we de tray fɔ dɔnawe wit mi de rawnd mi?
6 Di wan dɛn we abop pan dɛn prɔpati dɛn,Ɛn di wan dɛn we de bost bɔt dɛn bɔku bɔku jɛntri,
7 Dɛn nɔn nɔ go ɛva ebul fɔ sev dɛn brɔdaƆ gi Gɔd di prayz fɔ fri am,
8 (Di prayz fɔ fri dɛn layf rili valyuNa dat mek dɛn nɔ go ɛva ebul fɔ pe am);
9 We fɔ mek dɛn de sote go ɛn nɔ go na di ol.*
10 I de si se ivin di wan dɛn we gɛt sɛns de day;Di wan dɛn we ful ɛn di wan dɛn we nɔ de tink de day togɛda,Ɛn dɛn lɛf dɛn jɛntri fɔ ɔda pipul dɛn.
11 Di tin we dɛn rili want na fɔ mek dɛn os dɛn go de sote go,Fɔ lɛ dɛn tɛnt dɛn de frɔm jɛnɛreshɔn to jɛnɛreshɔn.
Dɛn dɔn put dɛn nem pan dɛn prɔpati dɛn.
12 Bɔt pan ɔl we mɔtalman gɛt ɔnɔ, dɛn nɔ go de sote go;I nɔ bɛtɛ pas wayl animal dɛn we de day.
13 Na dis go apin to di wan dɛn we fulƐn di wan dɛn we de fala dɛn, we de gladi fɔ dɛn ɛmti wɔd dɛn. (Sila)
14 Dɛn go kil dɛn lɛk ship, ɛn dɛn go go na di Grev.*
Na day go bi dɛn shɛpad;Di wan dɛn we de du wetin rayt go rul oba dɛn na mɔnin.
Dɛn nɔ go no ɛnitin bɔt dɛn igen;Na di Grev* go bi dɛn os, nɔto pales.
15 Bɔt Gɔd go fri mi frɔm di pawa* we di Grev* gɛt,I go pul mi kɔmɔt de sef wan.(Sila)
16 Nɔ fred bikɔs wan man dɔn jɛntri,Bikɔs di prɔpati dɛn na in os dɔn bɔku,
17 We i day, i nɔ go kɛr go natin;I nɔ go go wit in prɔpati dɛn na di grev.
18 We i de alayv, i bin de prez insɛf.
(Pipul dɛn kin prez yu we yu de go bifo.)
19 Bɔt faynali, i jɔyn in gret gret granpa dɛn jɛnɛreshɔn.
Dɛn nɔ go ɛva si layt igen.
20 Pɔsin we nɔ ɔndastand dis pan ɔl we i gɛt ɔnɔ,Nɔ bɛtɛ pas wayl animal dɛn we de day.
Futnot Dɛn
^ Ɔ “grev.”
^ Ɔ “Shiol.” Dis tinap fɔ di ples usay dayman dɛn de. Dis nɔto tru tru ples. Rid Baybul Wɔd dɛn Minin.
^ Ɔ “Shiol.” Dis tinap fɔ di ples usay dayman dɛn de. Dis nɔto tru tru ples. Rid Baybul Wɔd dɛn Minin.
^ Insay Ibru, “an.”
^ Ɔ “Shiol.” Dis tinap fɔ di ples usay dayman dɛn de. Dis nɔto tru tru ples. Rid Baybul Wɔd dɛn Minin.
