Sam 115:1-18
115 Wi nɔ gɛt natin, E Jiova, wi nɔ gɛt natin,Bɔt yu nem gɛt gloriBikɔs ɔf yu nem we nɔ de chenj ɛn di we aw yu fetful.
2 Wetin mek di neshɔn dɛn de aks se:
“We dɛn Gɔd?”
3 Wi Gɔd de na ɛvin;I de du ɛnitin we i want.
4 Dɛn aydɔl dɛn na silva ɛn gold,We mɔtalman mek wit in an.
5 Dɛn gɛt mɔt, bɔt dɛn nɔ ebul tɔk;Dɛn gɛt yay, bɔt dɛn nɔ ebul si;
6 Dɛn gɛt yes, bɔt dɛn nɔ ebul yɛri;Dɛn gɛt nos, bɔt dɛn nɔ ebul smɛl;
7 Dɛn gɛt an, bɔt dɛn nɔ de fil;Dɛn gɛt fut, bɔt dɛn nɔ ebul waka;Dɛn nɔ ebul mek no sawnd wit dɛn trot.
8 Di pipul dɛn we mek dɛnƐn di wan dɛn we abop pan dɛn, go tan jɔs lɛk dɛn.
9 E Izrɛl, abop pan Jiova;Na in de ɛp una, ɛn in na una shild.
10 E Erɔn in famili, una abop pan Jiova;Na in de ɛp una, ɛn in na una shild.
11 Una we de fred Jiova, una abop pan Jiova;Na in de ɛp una, ɛn in na una shild.
12 Jiova go mɛmba wi, ɛn i go blɛs wi;I go blɛs Izrɛl in famili;I go blɛs Erɔn in famili.
13 Jiova go blɛs di wan dɛn we de fred am,Di wan dɛn we impɔtant ɛn di wan dɛn we nɔ impɔtant.
14 Jiova go mek una bɔku,Una ɛn una pikin* dɛn.
15 Lɛ Jiova we mek ɛvin ɛn di wɔlBlɛs una.
16 Na Jiova gɛt ɛvin,Bɔt i dɔn gi di wɔl to mɔtalman.
17 Dayman ɔ ɛnibɔdi we de go dɔŋ na di ples we kwayɛt,Nɔ de prez Ja.
18 Bɔt wi go prez JaNaw ɛn sote go.
Prez Ja!*
