Job 36:1-33
36 Ilayu kɔntinyu fɔ tɔk se:
2 “Peshɛnt wit mi smɔl mɔ we a de ɛksplen,Bikɔs a stil gɛt tin dɛn fɔ tɔk fɔ Gɔd.
3 A go tɔk ɔl wetin a no,Ɛn a go sho se di Wan we mek mi de du wetin rayt.
4 Di tin dɛn we a de tɔk nɔto lay;Di Wan we no tin dɛn pafɛkt wan de ya bifo yu.
5 Fɔ tru, Gɔd pawaful, ɛn i nɔ de tɔn in bak pan ɛnibɔdi;I rili gɛt ɔndastandin.
6 I nɔ go mek di wan dɛn we de du bad kɔntinyu fɔ liv,Bɔt i go mek di wan dɛn we de sɔfa gɛt jɔstis.
7 I nɔ de pul in yay pan di wan dɛn we de du wetin rayt;I de mek dɛn sidɔm na tron wit kiŋ dɛn,* ɛn ɔnɔ dɛn sote go.
8 If pipul dɛn we de du wetin rayt sin, ɛn dɛn kech dɛn ɛn tay dɛn;If dɛn de sɔfa bikɔs dɛn chen dɛn,
9 I de mek dɛn no wetin dɛn dɔn du;Di sin dɛn we dɛn kɔmit bikɔs dɛn prawd.
10 I de opin dɛn yes fɔ tek kɔrɛkshɔnƐn tɛl dɛn fɔ lɛf fɔ du bad.
11 If dɛn obe am ɛn sav am,Bɛtɛ go fala dɛn te dɛn day,Ɛn dɛn go ɛnjɔy dɛn layf.
12 Bɔt if dɛn nɔ obe, dɛn go kil dɛn wit sɔd,*Ɛn dɛn go day we dɛn nɔ sabi natin.
13 Di wan dɛn we nɔ lɛk Gɔd na dɛn at de kip grɔj.
Dɛn nɔ de kray fɔ ɛp ivin we i tay dɛn.
14 Dɛn de day* we dɛn stil yɔŋ,Dɛn de spɛn dɛn layf wit man dɛn na di tɛmpul we de pan rare layf.
15 Bɔt Gɔd de sev di wan dɛn we de sɔfa we dɛn gɛt trɔbul;I de tɔk na dɛn yes di tɛm we dɛn de sɔprɛs dɛn.
16 I go pul yu kɔmɔt pan trɔbulƐn go wit yu na sef ples usay dɛn nɔ go sɔprɛs yu,Na ples we gɛt gud it na yu tebul fɔ kɔrej yu.
17 Dɔn yu go satisfay wit di we aw i jɔj di wan we wikɛd,We i go jɔj ɛn du tin fia wan.
18 Bɔt tek tɛm lɛ wamat nɔ mek yu nɔ sho rɛspɛkt,*Ɛn nɔ mek brayb mek yu go di rɔng we.
19 Fɔ se di kray we yu de kray fɔ ɛpƆ di tray we yu de tray tranga wan go mek yu nɔ gɛt prɔblɛm?
20 Nɔ wish fɔ nɛtWe pipul dɛn kin lɔs na dɛn ples.
21 Tek tɛm lɛ yu nɔ bigin du bad,Bikɔs yu nɔ want fɔ sɔfa.
22 Luk! Gɔd gɛt ɔnɔ bikɔs ɔf in pawa;Udat de we de tich lɛk am?
23 Udat dɔn dayrɛkt amƆ tɛl am se, ‘Na bad tin yu dɔn du’?
24 Mɛmba fɔ prez am fɔ di tin dɛn we i dɔn du,We pipul dɛn dɔn siŋ bɔt.
25 Ɔlman dɔn si am,Mɔtalman de tinap fa de wach am.
26 Fɔ tru, Gɔd big pas wetin wi no,Wi nɔ ebul fɔ ɔndastand aw lɔng i dɔn liv.
27 I de gɛda di wata dɛn we de drɔp;Di dyu de gɛda ɛn tɔn to ren;
28 Dɔn i mek di wata kam dɔŋ as ren;I de kam dɔŋ pan mɔtalman.
29 Ɛnibɔdi ebul ɔndastand aw di klawd dɛn de skata,Ɛn aw tɛnda de krak na in tɛnt?*
30 Si aw i flash in laytin* oba amƐn kɔba bɔtɔm di si wit wata.
31 Na dɛn tin ya i de yuz fɔ gi pipul dɛn wetin dɛn nid;I de gi dɛn bɔku bɔku it.
32 I de kɔba di laytin wit in an dɛn,Ɛn i de dayrɛkt am to in tagɛt.
33 In tɛnda de tɔk bɔt am,Ivin di animal dɛn de sho udat* de kam.
Futnot Dɛn
^ Ɔ i kin bi, “I kin mek pipul dɛn bi kiŋ dɛn.”
^ Ɔ “wit wɛpɔn.”
^ Ɔ “Dɛn sol de day.”
^ Ɔ “yu klap yu an fityay we.”
^ Insay Ibru, “bafa.”
^ Insay Ibru, “layt.”
^ Ɔ i kin bi, “wetin.”
