Ahkyohkye ac ahksrihkye puhsrem. In ahkkahlwemye mwe lutlut yohk ac in pihrihk insiacn mwet suc lohng kom an, kom enenuh in ahkyohkye puhsrem. Oruh oacpacna ke kom riti kahs in nuhnuhnkuh ma sihmlac in Bible. Ahksrihkyelah puhsrem ke kihtin pacl in oruh mwet suc lohng kom an in lohacng ahkwoyac tuh eltahl in tuhpan ma kom ac fah sruhmuhn an, kuh ke pacl ma kom ahkkahlwemye ke mwe fosrngah kuh sahngweng.

Ikihl Puhsrem. Fin wo ke kahs lom an, ahkyohkye puhsrem in ahkkahlwemye engan, kuh ke kom ahkkahlwemye luhpan sie ma kuh lusac an. Ahksrihkyelah puhsrem in ahkkahlwemye ahsor kuh mwe fosrngah.

Ikihl pihsrpihsriyen sramsram lom an. Sramsram in pihsrpihsr in ahkkahlwemye lah kom engan. Ahksihpihsrpihsrye sramsram lom an ke pacl kom ahkkahlwemye ke mwe lutlut yohk srihpac.