ಕೀರ್ತನೆ 80:1-19
ಗಾಯಕರ ನಿರ್ದೇಶಕನಿಗೆ ಸೂಚನೆ, “ಲಿಲಿ” ಅನ್ನೋ ರಾಗದಲ್ಲಿ ಹಾಡಬೇಕು. ನೆನಪಲ್ಲಿಡೋಕೆ ಆಸಾಫನ+ ಮಧುರ ಗೀತೆ.
80 ಇಸ್ರಾಯೇಲಿನ ಕುರುಬನೇ,
ಯೋಸೇಫನನ್ನ ಕುರಿಗಳ ತರ ನಡೆಸುವವನೇ ಕೇಳು.+
ಕೆರೂಬಿಗಳ ಮೇಲೆ* ಕೂತಿರುವವನೇ+
ನಿನ್ನ ಬೆಳಕನ್ನ ಪ್ರಕಾಶಿಸು.*
2 ಎಫ್ರಾಯೀಮ್‌, ಬೆನ್ಯಾಮೀನ್‌ ಮತ್ತು ಮನಸ್ಸೆಯ ಮುಂದೆ,ನೀನು ನಿನ್ನ ಶಕ್ತಿಯನ್ನ ತೋರಿಸು,+ಬಂದು ನಮ್ಮನ್ನ ಕಾಪಾಡು.+
3 ದೇವರೇ, ಇನ್ನೊಂದು ಸಾರಿ ದಯೆ ತೋರಿಸು,+ನಮಗೆ ರಕ್ಷಣೆ ಸಿಗೋ ಹಾಗೆ ನಿನ್ನ ಮುಖದ ಕಾಂತಿಯನ್ನ ನಮ್ಮ ಮೇಲೆ ಪ್ರಕಾಶಿಸು.+
4 ಸೈನ್ಯಗಳ ದೇವರಾದ ಯೆಹೋವನೇ, ನೀನು ನಿನ್ನ ಜನ್ರನ್ನ ಎಲ್ಲಿ ತನಕ ವಿರೋಧಿಸ್ತೀಯ?
ಅವ್ರ ಪ್ರಾರ್ಥನೆಗಳನ್ನ ಎಲ್ಲಿ ತನಕ ಕೇಳದೆ ಇರ್ತಿಯ?+
5 ನೀನು ಅವ್ರಿಗೆ ಕಣ್ಣೀರನ್ನ ಊಟವಾಗಿ ಕೊಟ್ಟೆ,ಕಣ್ಣೀರಧಾರೆಯನ್ನ ಕುಡಿಯೋ ತರ ಮಾಡಿದೆ.
6 ನಮ್ಮ ಅಕ್ಕಪಕ್ಕದವರು ನಮ್ಮ ಜೊತೆ ಜಗಳ ಆಡೋಕೆ ಬಿಟ್ಟೆ,ನಮ್ಮ ಶತ್ರುಗಳು ಮನಸ್ಸಿಗೆ ಬಂದ ಹಾಗೆ ಮಾತಾಡಿ ನಮಗೆ ಗೇಲಿಮಾಡ್ತಾ ಇದ್ದಾರೆ.+
7 ಸೈನ್ಯಗಳ ದೇವರೇ, ಇನ್ನೊಂದು ಸಾರಿ ದಯೆ ತೋರಿಸು,ನಮಗೆ ರಕ್ಷಣೆ ಸಿಗೋ ಹಾಗೆ ನಿನ್ನ ಮುಖದ ಕಾಂತಿಯನ್ನ ನಮ್ಮ ಮೇಲೆ ಪ್ರಕಾಶಿಸು.+
8 ಒಂದು ದ್ರಾಕ್ಷಿ ಬಳ್ಳಿನ+ ಕಿತ್ಕೊಂಡು ಬರೋ ತರ ನೀನು ನಿನ್ನ ಜನ್ರನ್ನ ಈಜಿಪ್ಟಿಂದ ಕರ್ಕೊಂಡು ಬಂದೆ.
ನೀನು ಜನಾಂಗಗಳನ್ನ ಅವುಗಳ ದೇಶದಿಂದ ಓಡಿಸಿ ಆ ದೇಶದಲ್ಲಿ ಅದನ್ನ ನೆಟ್ಟೆ.+
9 ನೀನು ಅದಕ್ಕಾಗಿ ನೆಲವನ್ನ ಹದ ಮಾಡಿದೆ,ಅದು ಬೇರು ಬಿಟ್ಟು ದೇಶದಲ್ಲೆಲ್ಲ ಹಬ್ಬಿತು.+
10 ಅದ್ರ ನೆರಳಿಂದ ಬೆಟ್ಟಗಳು ಮುಚ್ಚಿಹೋದ್ವು,ಅದ್ರ ಕೊಂಬೆಗಳಿಂದ ದೇವರು ನೆಟ್ಟ ದೇವದಾರು ಮರಗಳು ಮರೆಯಾದ್ವು.
11 ಅದ್ರ ಕೊಂಬೆಗಳು ಸಮುದ್ರದ ತನಕ ಚಾಚಿಕೊಂಡ್ವು,ಅದ್ರ ಚಿಗುರುಗಳು ನದಿ ತನಕ* ಹರಡಿಕೊಂಡ್ವು.+
12 ದಾರಿಹೋಕರೆಲ್ಲ ದ್ರಾಕ್ಷಿತೋಟದ ಹಣ್ಣನ್ನ ಕಿತ್ಕೊಂಡು ಹೋಗೋ ಹಾಗೆ,+ನೀನು ಯಾಕೆ ಅದ್ರ ಕಲ್ಲಿನ ಗೋಡೆಗಳನ್ನ ಬೀಳಿಸಿಬಿಟ್ಟೆ?+
13 ಕಾಡುಹಂದಿಗಳು ಅದನ್ನ ನಾಶಮಾಡುತ್ತೆ,ಬಯಲಿನ ಕಾಡು ಪ್ರಾಣಿಗಳು ಅದನ್ನ ತಿಂದುಹಾಕುತ್ತೆ.+
14 ಸೈನ್ಯಗಳ ದೇವರೇ, ದಯವಿಟ್ಟು ವಾಪಸ್‌ ಬಾ.
ಸ್ವರ್ಗದಿಂದ ಕೆಳಗೆ ನೋಡು!
ಈ ದ್ರಾಕ್ಷಿ ಬಳ್ಳಿ ಕಡೆ ಕಾಳಜಿ ತೋರಿಸು.+
15 ನಿನ್ನ ಬಲಗೈ ನೆಟ್ಟ ಆ ಸಸಿಯನ್ನ,+ನೀನು ನಿನಗಾಗಿ ಬಲಪಡಿಸಿದ ಆ ಮಗನನ್ನ* ನೋಡು.+
16 ಆ ಕೊಂಬೆಯನ್ನ ಕಡಿದಿದ್ದಾರೆ, ಬೆಂಕಿಯಿಂದ ಸುಟ್ಟು ಹಾಕಿದ್ದಾರೆ.+
ನಿನ್ನ ಗದರಿಕೆಯಿಂದ ಅವರು ನಾಶ ಆಗ್ತಾರೆ.
17 ನಿನ್ನ ಬಲಗೈಯಲ್ಲಿರೋ ವ್ಯಕ್ತಿಗೆ,ನೀನು ನಿನಗಾಗಿ ಬಲಪಡಿಸಿದ ಮನುಷ್ಯಕುಮಾರನಿಗೆ ಸಹಕಾರ* ಕೊಡು.+
18 ಆಗ ನಾವು ನಿನ್ನನ್ನ ಬಿಟ್ಟು ಬೇರೆ ಕಡೆ ತಿರುಗಿಕೊಳ್ಳಲ್ಲ.
ನಾವು ನಿನ್ನ ಹೆಸ್ರನ್ನು ಕರಿಯೋಕೆ ನಮ್ಮ ಜೀವವನ್ನ ಕಾಪಾಡು.
19 ಸೈನ್ಯಗಳ ದೇವರಾದ ಯೆಹೋವನೇ, ಇನ್ನೊಂದು ಸಾರಿ ದಯೆ ತೋರಿಸು,ನಮಗೆ ರಕ್ಷಣೆ ಸಿಗೋ ಹಾಗೆ ನಿನ್ನ ಮುಖದ ಕಾಂತಿಯನ್ನ ನಮ್ಮ ಮೇಲೆ ಪ್ರಕಾಶಿಸು.+
ಪಾದಟಿಪ್ಪಣಿ
^ ಬಹುಶಃ, “ಮಧ್ಯದಲ್ಲಿ.”
^ ಅಥವಾ “ನಿನ್ನ ತೇಜಸ್ಸನ್ನ ತೋರಿಸು.”
^ ಅದು, ಯೂಫ್ರೆಟಿಸ್‌.
^ ಅಥವಾ “ಈ ರೆಂಬೆಯನ್ನ.”
^ ಅಕ್ಷ. “ನಿನ್ನ ಕೈ ಬೆಂಬಲಿಸಲಿ.”
