1. Yehowa me dawet dike

ku em bibin mîna wî.

Madem ku ew hezkirin e,

nabe bê vî sifetî.

Roj bi roj em jî dixwazin

hez bikin mîna Xwedê.

Qet rêyeke baştir tune

ji rêya hezkirinê.

2. Hezkirin tim sebir dike,

dilovaniyê dike.

Hezkirin xwe mezin nake,

çavnebariyê nake.

Îsa Mesîh nîşan daye

hezkirineke mezin.

Tenê bi zimên çênabe,

gerek em ya rast bikin.

3. Nekeve ber bayê Îblîs,

ji nefretê bireve.

Kînê ji dilê xwe derxe,

mirovan efû bike.

Li hemû warên jiyanê

emrê Xwedê pêk bîne.

Ji Xwedê û ji însanan

bi dilgermî hez bike.