Һьнә ԝәлгәрʹандьнед Кʹьтеба Пирозда те хәбьтандьне хәбәра «щәʹньм» (Мәтʹәлок 15:24; Мәтта 5:30). Жь шькьле религи, кӧ ве готареда һәйә, те кʹьфше ԝәки гәләк мәрьв баԝәр дькьн кӧ щәʹньм әԝ щи йә, кʹидәре мәрьвед гӧнәкʹар һʹәта-һʹәтайе дьчәрчьрьн. Ле гәло Кʹьтеба Пироз бь рʹасти әве йәке һин дькә?

Ве готареда

•  Щәʹньм щийе чәрчьрандьна һʹәта-һʹәтайе йә?

•  Иса бь мәтʹәлока дәрһәԛа мәрьве дәԝләти у Лазар чь дьхԝәст бьгота?

•  Щәʹньм те һʹәсабе жь Хԝәде ԛәтийайи бьн?

•  Гәло кәсәк жь щәʹньме вәгәрʹийайә?

•  Рʹезед Кʹьтеба Пироз дәрһәԛа щәʹньме йан Дийаре Мьрийа

•  Хәбәред жь Кʹьтеба Пирозә орижинал

•  Һинкьрьна дәрһәԛа агьре щәʹньме жь кʹӧ пешда һатийә?

 На. Хәбәра орижинал, (бь Ибрани «Шеол», бь Йунани «Һадис») йа кӧ һатийә ԝәлгәрʹандьне ча «щәʹньм», ԝәлгәрʹандьнед кәвьнда дьһатә һʹәсабе «Дийаре Мьрийа», демәк мәзәле инсанәте бь тʹәмами. Кʹьтеба Пирозда әʹйан те готьне кӧ мәзәлда мәрьв тʹӧ тьшти тʹәхмин накьн, чьмки сах ниньн.

•   Йед мьри тʹӧ тьшти тʹәхмин накьн, ләма жи нькарьн жь еше бьчәрчьрьн. «Ль дийаре мьрийа йе кӧ тӧ дьчи кʹар у шеԝьр, занәбун у шәһрәзайи тʹӧнәйә» (Ԝаиз 9:10, ИМ). Щәʹньмеда тʹӧ кәс жь еше накә ԛарʹә-ԛарʹ. Кʹьтеба Пирозда те готьне: «Бьра нәпʹак шәрми бьн дийаре мьрийада [һьнә ԝәлгәрʹандьнада «щәʹньмеда»] кәрʹ бьминьн» (Зәбур 31:17; 115:17).

•   Щәзакьрьна бона гӧнә, мьрьн ә, нә кӧ щәʹньмеда чәрчьрандьн. Хԝәде мәрьве пешьн, Адәмрʹа, гот ԝәки бона тʹәрʹьбандьна ԛануна Ԝи, әԝе бьмьрә (Дәстпебун 2:17). Хԝәде дәрһәԛа чәрчьрандьна щәʹньмеда тʹӧ тьшт нәготийә. Чахе Адәм гӧнә кьр, Хԝәде готә ԝи: «Тӧ ах и у те диса бьби ах» (Дәстпебун 3:19). Адәм ида гәрәке әʹмьр нәкьра. Һәрге Хԝәде бьхԝәста Адәм щәʹньмеда бьчәрчьранда, әԝи ԝе дәрһәԛа ԝе йәке рʹастә-рʹаст бьгота. Щәзакьрьна бона тʹәрʹьбандьна ԛанунед Хԝәде нәһатийә гӧһастьне. Гәләк ԛьрʹнә паши гӧнәкьрьна Адәм, Хԝәде ньвискʹарәки Кʹьтеба Пироз һелан кьр кӧ бьньвисә: «Маше гӧнә мьрьн ә» (Рʹомайи 6:23). Бона гӧнәкьрьне щәзакьрьна дьһа сәрт тʹӧнә йә, «чьмки әԝе кӧ мьрийә, әԝ жь гӧнә азабуйи йә» (Рʹомайи 6:7).

•   Һәла һе әв фькьр жи кӧ мәрьв һʹәта-һʹәтайе бьчәрчьрьн, бәр чʹәʹве Хԝәде рʹәш ә (Йерәмйа 32:35). Фькьра дәрһәԛа чәрчьрандьна мәрьва бь тʹәмами щӧдә дьбә жь ԝе йәке, кӧ Кʹьтеба Пирозда те готьне ԝәки «Хԝәде һʹьзкьрьн ә» (1 Йуһʹәнна 4:8). Әԝ дьхԝазә ԝәки әм жь һʹьзкьрьне ԝирʹа хьзмәт кьн, нә кӧ жь тьрса чәрчьрандьна һʹәта-һʹәтайе (Мәтта 22:36-38).

•   Мәрьвед ԛәнщ жи дькʹәвьнә щәʹньме. Һьнә ԝәлгәрʹандьнед Кʹьтеба Пирозда кʹижанада кӧ хәбәра «щәʹньм» те хәбьтандьне, ньвисар ә ԝәки мәрьвед Хԝәдерʹа амьн жи заньбун кӧ паши мьрьне ԝе һәрʹьнә щәʹньме. Мәсәлә, Аԛуб у Ибо әв йәк готьнә (Дәстпебун 37:35; Ибо 14:13). Һәла һе дәрһәԛа Иса жи ньвисар ә, ԝәки паши мьрьне һʹәта кӧ нәһата сахкьрьне, әԝ щәʹньмеда бу (Кʹаред Шандийа 2:31, 32). Жь ԝан мәсәла те кʹьфше, ԝәки ԝан ԝәлгәрʹандьнада хәбәра «щәʹньм» те һʹәсабе мәзәл йан Дийаре Мьрийа. a

 Әв мәтʹәлока Иса Луԛа 16:19-31-да ньвисар ә. Мәтʹәлок те һʹәсабе мәсәлә, бь сайа кʹижане алийе рʹӧһʹани йан намусийеда дәрс тенә дайине. Мәтʹәлока дәрһәԛа мәрьве дәԝләти у Лазар сәрһатийа реали нибу (Мәтта 13:34). Сәва кӧ һе зедә дәрһәԛа ԝе мәтʹәлоке пебьһʹәсьн, бьньһерʹьн готар «Кʹе бун Мәрьве Дәԝләти у Лазар?»

 На. Әв һинкьрьн кӧ мьри заньн, ԝәки жь Хԝәде ԛәтийайи нә, мьԛабьли һинкьрьна Кʹьтеба Пироз ә. Ԝедәре зәлал те готьне, ԝәки йед мьри тʹӧ тьшти ньзаньн (Зәбур 146:3, 4; Ԝаиз 9:5).

 Әре. Кʹьтеба Пирозда те готьне дәрһәԛа нәһә мәрьвед кӧ мьрьбун, демәк кʹәтьбун Дийаре Мьрийа (һьнә ԝәлгәрʹандьнада ньвисар ә «щәʹньм»), у паше жи һатьбун сахкьрьне. b Һәрге әԝана щәʹньма агьрда буна, паши сахкьрьне ԝана ԝе әʹсәйи дәрһәԛа ԝе йәке гьли кьра. Ле ԛә йәки жь ԝан тʹӧ тьшт дәрһәԛа чәрчьрандьне нәготьнә. Ԝана нә жи готийә, ԝәки ԝедәре тьштәк тʹәхмин кьрьнә. Ле чьрʹа? Чьмки Кʹьтеба Пирозда те готьне ԝәки йед мьри тʹӧ тьшти нькарьн фәʹм бькьн йан тʹәхмин кьн, чаԝа кӧ мәрьве хәԝа кʹурда (Йуһʹәнна 11:11-14; 1 Корьнтʹи 15:3-6).