Шәʹдед Йаһоԝа начьн шәрʹ жь бо ԝан мәʹнийа:

1.   Гӧһдарикьрьн һьндава Хԝәде. Кʹьтеба Пирозда те готьне, ԝәки хьзмәткʹаре Хԝәде «ԝе жь шуред хԝә гисьна чекьн» у «ԝе һин нәбьн кӧ шәрʹ кьн» (Ишайа 2:4).

2.   Гӧһдарикьрьн һьндава Иса. Иса готә Пәтрусе шанди: «Шуре хԝә бькә щи. Чьмки һәр кәсе кӧ шур һьлдьдә ԝе бь шур бе кӧштьне» (Мәтта 26:52). Бь ԝе йәке Иса да кʹьфше, ԝәки шагьртед ԝи ԝе чʹәк һьлнәдьнә дәсте хԝә.

    Шагьртед Иса пьрсед политикида тʹәвнәбуйине хԝәй дькьн бь ве йәке, ԝәки гӧһ дьдьнә тʹәмийа Иса кӧ «пʹара ве дьнйайе ниньн» (Йуһʹәнна 17:16). Әԝана һьмбәри ԝан дәрнайен кʹе сафи кьрийә һәрʹә шәрʹ.

3.   Һʹәзкьрьна һьндава мәрьва. Иса тʹәми да шагьртед хԝә «һәвдӧ һʹәз бькьн» (Йуһʹәнна 13:34, 35). Бь ԝи щурʹәйи ԝана гәрәке бьратийа һʹәмдьнйайе саз кьрьна, нава кʹижанида тʹӧ кәс ԝе һьмбәри хушк-бьред хԝә шәрʹ нәкьра (1 Йуһʹәнна 3:10-12).

4.   Мәсәла Мәсиһийед рʹожед бәре. Әнсиклопедийа Религийайе у Шәрʹа, ӧса дьбежә: «Шагьртед Иса йед пешьн инкʹар дькьрьн шәрʹ бькьн у һәрʹьнә әскәрийе», чьмки ԝана һʹәсаб дькьр «кӧ әв йәк һьмбәри һинкьрьна Иса дәрдькʹәт дәрһәԛа ве йәке кӧ дьжмьнед хԝә һʹәз бькьн». Дәрһәԛа Мәсиһийед бәре у ԛӧльхкьрьна әскәрийе теологе Алмани, Питер Майнхолд ӧса гот: «Набә кӧ мәрьв бьбә Мәсиһи жи у әскәр жи».

 Шәʹдед Йаһоԝа хофийе пешда найньн ԝан ԝәлатада кʹидәре әԝана дьжин, ле аликʹарийе дьдьнә мәрьва. Әм ԛәдьре дәԝләте дьгьрьн у гӧһ дьдьнә ԝан принсипа:

•   «Һәр мәрьвәк бьра гӧрʹа ԝан һʹӧкӧмәтийада бә» (Рʹомайи 13:1).

•   «Тьштед Ԛәйсәр бьдьнә Ԛәйсәр, ле тьштед Хԝәде бьдьнә Хԝәде» (Мәтта 22:21).

 Ләма жи, әм гӧра ԛануне дькьн, хәрщед дәԝләте дьдьн у тʹәви дәԝләте кʹар дькьн гава әԝана бона бажарванед хԝә хәм дькьн.