Шәʹдед Йаһоԝа ԝәʹде леколина щурә-щурә ԝәлгәрʹандьнед Кʹьтеба Пироз дьдьнә хәбате. Һʹәчʹи зәʹф әԝана «Ԝәлгәрʹандьна Дьнйа Тʹәзә» йа Ньвисаред Пироз дьдьнә хәбате, һәрге сәр зьмане ԝан һәйә, чьмки әԝ ԝәлгәрʹандьна рʹаст у зәлал ә, у теда наве Хԝәде те хәбьтандьне.

•   Хәбьтандьна наве Хԝәде. Һьнә нәшьркʹаред Кʹьтеба Пироз һӧрмәте надьнә ԝи кәси кʹе кӧ бь рʹасти һежайи ԝе йәке йә. Мәсәлә ԝәлгәрʹандьнәкә Кʹьтеба Пирозда, наве 70 мәрьва һатийә ньвисаре йед кӧ ԝи нәшьркьрьнеда кʹар кьрьнә. Ле ԝе нәшьркьрьнеда наве Авторе Кʹьтеба Пироз, Йаһоԝа Хԝәде, ԛә щарәки нәһатийә ньвисаре.

   Ле «Ԝәлгәрʹандьна Дьнйа Тʹәзәда» наве Хԝәде бь һʹәзара щара һатийә хәбьтандьне, хут ԝан щийа ль кʹидәре кӧ орижиналеда һәйә, ле наве тʹәрщьмана нәһатийә әʹйан кьрьне.

•   Ԝәлгәрʹандьна рʹаст. Нә һәр ԝәлгәрʹандьнед Кʹьтеба Пироз текста орижинале рʹаст т′әрщьмә дькьн. Мәсәлә, ԝәлгәрʹандьнәкеда Мәтта 7:13, ԝи щурʹәйи һатийә ԝәлгәрʹандьне: «Дәре тәнгрʹа бьк′әвьнә һьндӧрʹ, чьмки фьрә йә әԝ дәри у бәр ә әԝ рʹийа кӧ дьбә бәрбь «щәʹньме». Ле дь орижиналеда әԝ хәбәр һатийә ньвисаре ча «ԛьрʹкьрьн» нә кӧ «щәʹньм». Дьԛәԝьмә ԝәлгәрʹа хәбәра щәʹньм данә хәбате, чьмки баԝәр дькьрьн, ԝәки мәрьве хьраб ԝе һʹәта-һʹәтайе дь щәʹньмеда бьчәрчьрьн. Әԝ һинкьрьн ль сәр һʹиме Кʹьтеба Пироз нинә. «Ԝәлгәрʹандьна Дьнйа Тʹәзәда» әԝ рʹез ӧса һатийә ԝәлгәрʹандьне «Дәре тәнгрʹа бькʹәвьнә һьндӧрʹ, чьмки фьрә йә әԝ дәри у бәр ә әԝ рʹийа кӧ дьбә бәрбь «ԛьрʹкьрьне».

•   Ԝәлгәрʹандьна зәлал. Ԝәлгәрʹандьна баш нә тʹәне гәрәке рʹаст бә, ле ӧса жи зәлал бә у һеса бе фәʹм кьрьне. Соз мәсәлә, Рʹомайи 12:11-да, Паԝлосе шанди хәбәре дьдә хәбате йа кӧ рʹастә рʹаст те һʹәсабе «рʹӧһʹ да кʹәләгәрм бьн», ле чьмки әԝ ԝәлгәрʹандьн бона мәрьве иройин фәʹмдари нинә, дь «Ԝәлгәрʹандьна Дьнйа Тʹәзәда» бь ԝи щурʹәйи һатийә ԝәлгәрʹандьне «рʹӧһʹе хԝәда алав дьн».

 Хенщи ԝе йәке, кӧ әԝ «Ԝәлгәрʹандьна Дьнйа Тʹәзә» ,рʹастә, зәлал ә, һеса те фәʹм кьрьне у теда наве Хԝәде те хәбьтандьне, диса кʹарәкә ԝе һәйә, әԝ бепʹәрә йә, бь сайа ԝе йәке бь милйона мәрьв дькарьн Кʹьтеба Пироз сәр зьмане хԝә бьхуньн, ӧса жи әԝ мәрьв йед кӧ нькарьн Кʹьтеба Пироз бькʹьрьн.