Иса занә чь те һʹәсабе жь бо ԛачахти у нәрʹастийе бьчәрчьрьн. Чьмки дәрәԝа авитьнә Иса, ԝи бе мәʹни кʹӧтан, бе мәʹни диԝана ԝи кьрьн, нәһәԛ кьрьн у бь щәфа щәза кьрьн. Рʹаст ә Иса тʹӧ тьштида нәһәԛ нибу, ле әԝ һазьр бу «әʹмьре хԝә бәр гәләкава бьдә, сәва ԝана аза кә» (Мәтта 20:28; Йуһʹәнна 15:13). Чаԝа Пʹадшә Пʹадшатийа Хԝәде, Иса ԝе зутьрәке ԛачахтийе сәр һʹәта-һʹәтайе бьдә һьлдане у һәԛийе бинә сәр әʹрде (Ишайа 42:3).

 Кʹьтеба Пирозда те шьровәкьрьне, кӧ чахе Иса дәстпекә сәрԝертийе бькә, дьнйа ԝе чь щурʹәйи бә:

•   «Бәле һьнәки шунда нәпʹаке бәтавәбә, те ль щийе ԝи бьгәрʹи у ԝи нәбини. Ле бәле мьлуке әʹрде ԝар бьн, хер-хԝәшийева ԝе хьне бьн у ша бьн» (Зәбур 37:10, 11).

 Әм чаԝа дькарьн рʹазибуна хԝә бьдьнә кʹьфше бона һәр тьшти, чь кӧ Иса бона мә кьрийә у диса ԝе бькә? Жь хәбәред кӧ Луԛа 22:19-да ньвисар ьн, әм дьвиньн кӧ Иса готә пәйчуйед хԝә, ԝәки мьрьна ԝи биньнә бира хԝә. Ләма жи һәр сал Шәʹдед Йаһоԝа тʹәвайи тʹоп дьбьн, сәва кӧ мьрьна ԝи бькьнә бира хԝә. Әм ԝә тʹәглиф дькьн, кӧ рʹожа Ләʹде, 24 Адаре, сала 2024, тʹәви мә Евара Биранина Мьрьна Иса дәрбаз кьн.

Бьстиньн информасийа дәрһәԛа Евара Биранине