Рʹожа иройин нучәйада тʹьме те әʹламкьрьне дәрһәԛа ве йәке, кӧ мәрьв жь бо щӧдәбуна мьләти һәвдӧ нәфрʹәт дькьн у ӧса жи дәрһәԛа шәрʹед дьнйайе.

•   «Иро жь бо шәрʹе ортʹа Исраеле у Газайеда у ӧса жи жь бо ве йәке, кӧ мәрьв зӧлмийе дькьн у һәвдӧ нәфрʹәт дькьн, малпәред сосйалида хәбәрдана бь нәфрʹәти дьһа зедә буйә»—The New York Times, Мьждар 15, 2023.

•   «Дәстпебуйи жь 7 Щотмәһе, сәр дьне зӧлми дьһа зедә буйә у жь бо нәфрʹәтийе у фьрԛикьрьна ортʹа мәрьвада, гәләка дәстпекьрьнә дьһа зедә тьштед нәбаш хәбәр дьн»—United Nations General Assembly, Мьждар 3, 2023.

 Гьлийед кӧ нәфрʹәтийе дьдьнә кʹьфше, зӧлми у шәрʹ тʹьме жи һәбун. Кʹьтеба Пирозда те готьне, ԝәки ԝәʹде бәре жи мәрьва «готьнед тәʹл» «мина тира» дьданә хәбате (Зәбур 64:3; 120:7; 140:1). Ле ӧса жи Кʹьтеба Пирозда те готьне, ԝәки әв зӧлмийа кӧ иро те кьрьне, тьштәки фәрз избат дькә.

 Кʹьтеба Пирозда дӧ мәʹни һатьнә дайине, кӧ чьрʹа рʹожед мәда һаԛас нәфрʹәти һәйә.

1.   Ль гора пʹехәмбәртийа Кʹьтеба Пироз, «жь бо зедәбуна беԛанунийе, һʹәзкьрьна гәләка ԝе сар бә» (Мәтта 24:12). Дәԝса һʹәзкьрьне, мәрьв бь кьред хԝә дьдьнә кʹьфше, кӧ әԝана һәвдӧ нәфрʹәт дькьн (2 Тимотʹейо 3:1-5).

2.   Әв йәк кӧ иро нәфрʹәти зедә буйә, дьдә кʹьфше, ԝәки дьне бьн һʹӧкӧме Мире-щьнада йә, йе кӧ гәләк зӧлм ә. Кʹьтеба Пирозда те готьне, ԝәки «тʹәмамийа дьнйайе бьн һʹӧкӧме Йе Хьрабда йә» (1 Йуһʹәнна 5:19; Әʹйанти 12:9, 12).

 Ле Кʹьтеба Пирозда ӧса жи те готьне, ԝәки зутьрәке Хԝәде ԝе нәфрʹәтийе кʹокева бьдә һьлдане. Хенщи ве йәке, Хԝәде ԝе һʹәму кӧл-дәрда, кӧ жь бо нәфрʹәтийе пешда тен бьдә һьлдане. Кʹьтеба Пироз соз дьдә:

•   Хԝәде ԝе «жь чʹәʹвед ԝан һʹәму һесьред ԝан паԛьж кә у иди мьрьне тʹӧнәбә, нә шин, нә гьри, нә еш-ешук, чьмки тьштед бәре дәрбаз бун» (Әʹйанти 21:4).