Һәр сал сәр тʹәмамийа дьнйайе Шәʹдед Йаһоԝа у бь милйона меванед дьн тʹәвайи тʹоп дьбьн, ԝәки Биранина Мьрьна Иса Мәсиһ дәрбаз кьн, чаԝа кӧ тʹәми һатийә дайине (Луԛа 22:19). Әв щәжьн али мә дькә фәʹм кьн у бьшекьриньн, кӧ Иса бона инсанәте әʹмьре хԝә бәрва дайә. Әв ӧса жи нишани мә дькә, кӧ ԛӧрбана Иса бона мә ньһа чь те һʹәсабе, у ахьрийеда ԝе чь кʹаре мәрʹа бинә (Йуһʹәнна 3:16).

 Тӧ исал чуйи сәр Евара Биранине йан на? Тӧ чаԝа дькари жь ԛӧрбана Иса кʹаре бьстини? Иса әм һин кьрьн, кӧ әм гәрәке ԝан дӧ тьштед фәрз бькьн:

1.  1. Дәрһәԛа Хԝәде у Иса Пебьһʹәсә. Чахе Иса баве хԝәйи Әʹзманарʹа дӧа кьр, әԝи гот: «Әв ә жийина һʹәта-һʹәтайе, ԝәки әԝ тә нас кьн, чаԝа Хԝәдейе рʹасти бешьрики-беһәвал у ӧса жи Иса Мәсиһе кӧ тә шандийә» (Йуһʹәнна 17:3).

2.  2. Ль гора ве йәке бьжи, чь кӧ пеһʹәсийайи. Иса гот кӧ әм гәрәке һинкьрьнед ԝи жийина хԝәда бьдьнә хәбате. Мәсәлә, әԝи ԝәʹде Хьзмәтийа сәр Чʹийе гьлийед хԝә хьлаз кьр бь ве йәке, кӧ пʹайе ԝан мәрьва да, кʹи кӧ «готьнед [ԝи] дьбьһе у дьԛәдинә» (Луԛа 6:46-48). У дәрәщәкә дьнда жи әԝи гот: «Һәгәр һун ве йәке заньн, һуне хԝәзьли бьн гава бьԛәдиньн» (Йуһʹәнна 13:17).

 Тӧ дьхԝази дәрһәԛа Хԝәде у Иса һе зедә пебьһʹәси? Тӧ дьхԝази пебьһʹәси кӧ ча жийина хԝәда бьди хәбате чь кӧ пеһʹәсийайи? Вьра һьнә информасийа һатьнә дайине кӧ чаԝа ве йәке бьки.

 Курса һинбуна Кʹьтеба Пирозә бепʹәрә, ида али гәләк мәрьва кьрийә кӧ Кʹьтеба Пироз леколин кьн у чь кӧ пеһʹәсийанә, әʹмьре хԝәда бьдьнә хәбате.

•   Бькʹәвә сәр рʹупʹела Курса Һинбуна Кʹьтеба Пироз, кӧ һе зедә дәрһәԛа ве бәрнаме пебьһʹәси.

•   Бьньһерʹә видео Жь Һинбуна Хԝәйә Кʹьтеба Пироз Шабуне Бьстинә, кӧ бьвиньн Шәʹдед Йаһоԝа чаԝа һинбуне дәрбаз дькьн.

 Шәʹдед Йаһоԝа һʹәфте дӧ щара сәр щьвата тʹоп дьбьн, әв щи тенә навкьрьне Одед Щьвата. Сәр щьвата әм Кʹьтеба Пироз шеԝьр дькьн у һин дьбьн, кӧ ча ван һинкьрьна әʹмьре хԝәда бьдьнә хәбате.

 Дәре Одед Щьвата бона гьшка вәкьри нә, әʹсәйи нинә кӧ тӧ Шәʹде Йаһоԝа би ԝәки бейи ԝедәре. Жь дәрәщед ви мьһалива гьредайи йә, һәла тӧ дькари һәрʹи оде, йан пе видеоконференсийайе текли би.

•   Бьньһерʹә видео Чь Дьԛәԝьмә Ода Щьватеда?, сәва кӧ һаш пе һәби кӧ ԝедәре чь дьԛәԝьмә.

•   Сәр малпәра мә, бь сайа рʹупʹела Щьватед Шәʹдед Йаһоԝа, бьвинә Ода Щьвате кӧ незики ԝә йә.

 Бь сайа готар у видеойед сәр ве малпәре, һуне бькарьбьн дьһа зедә дәрһәԛа һинкьрьнед Иса у кʹара ԛӧрбанбуна ԝи пебьһʹәсьн.

 Мәсәлә, сәва кӧ пебьһʹәсьн, кӧ чаԝа мьрьна мәрьвәки бь милйона мәрьварʹа кʹар анийә, бьхуньн готар «Чь Щурʹә Иса Хьлазкʹаре Мә йә?» у «Сәва Чь Иса Чәрчьри у Мьр?» йан жи бьньһерʹә видео Чьма Иса Мьр?