КʹЬТЕБА ПИРОЗ ЩАБА ВЕ ПЬРСЕ ДЬДӘ: «Ԝәхт незик дьбә, кӧ һʹәмуйед тʹьрбада ԝе дәнге [Иса] бьбьһен . . . рʹабьн» (Йуһʹәнна 5:28, 29).

Ӧса Иса пʹехәмбәрти кьр, кӧ ахьрийеда бьн сәрԝертийа Пʹадшатийа ԝида ԝе Ԝаре Мьрийа вала бә. Фернандо, дәрһәԛа кʹижани тʹема дьнда һатьбу готьне гьлийе ӧса дьбежә: «Әз пʹьрʹ әʹщебмайи мам чахе мьн щара пешьн хԝәнд Йуһʹәнна 5:28, 29. Әԝе йәке гӧмана реали да мьн, у мьн дәстпекьр бь оптимисме бьньһерʹьм сәр ахьрийе».

Ԝәʹде бәре, мерәки амьн бь наве Ибо, гӧман бу кӧ Хԝәде ԝе әʹсә ԝи вәгәрʹинә жийине, паши мьрьна ԝи. Әԝи пьрсәкә ӧса да: «Һәгәр мәрьв бьмьрә, гәло дькарә диса бьжи?» Паше әԝи гот: «Әзе тʹәмамийа рʹожед ԛултийа хԝәда һивийе бьм [дь Ԝаре Мьрийада] һʹәта азабуна мьн бе. Те гази мьн бьки, әзе жи щаба тә бьдьм» (Ибо 14:14, 15, ДТʹ).

Мәртʹа хушка Лазар жи дәрһәԛа рʹабуна мьрийа заньбу. Чахе Лазар мьр, Иса готә Мәртʹайе: «Бьре тәйе жь мьрьне рʹабә». Мәртʹайе щаба Иса да у гот: «Әз заньм Рʹожа Ахрәте, Рʹожа Рʹабуне әԝе рʹабә». Паши ԝан гьлийа Иса жерʹа гот: «Әз ьм рʹабун у жийин! Әԝе кӧ мьн баԝәр бькә, һәгәр бьмьрә жи ԝе бьжи» (Йуһʹәнна 11:23-25). Паше Иса Лазар сах кьр. Әԝ ԛәԝьмандьна әʹщебмайи, дьдә кʹьфше ԛәԝьмандьнед гьринг ахьрийеда. Бьдьнә бәр чʹәʹве хԝә, кӧ рʹабуна мьрийа ԝе нав тʹәмамийа дьнйайе бьԛәԝьмә!

КʹЬТЕБА ПИРОЗ ЩАБА ВЕ ПЬРСЕ ДЬДӘ: Хәбәра Хԝәде әʹйан дькә кӧ рʹабуна Иса жь мьрьне, жь рʹабуна йед дьн кӧ Кʹьтеба Пирозда тенә гьликьрьне, щӧдә дьбә. Чьмки әԝ һʹәйшт мәрьв һʹәмушк рʹабун бона жийина сәр әʹрде. Ле дәрһәԛа Иса Кʹьтеба Пироз ӧса дьбежә: «Иса Мәсиһә . . . йе кӧ чуйә әʹзмен, ль мьле Хԝәдейи рʹасте йә» (1 Пәтрус 3:21, 22). Ле гәло тʹәне Иса бона жийина ль әʹзмана жь мьрьне рʹабу? Иса готә шагьртед хԝә: «Гава әз һәрʹьм у ԝәрʹа щи һазьр кьм, әзе диса бем у ԝә бьбьмә щәм хԝә, ԝәки әз ль кʹӧ бьм, һун жи ль ԝе дәре бьн» (Йуһʹәнна 14:3).

Иса Мәсиһ чу ль әʹзмана у бона һатьна һьнә шагьртед хԝә һʹәму тьшт һазьр кьр. Һәжмара әԝед кӧ ԝе бона жийина сәр әʹзмана жь мьрьне  рʹабьн 144 000 ә (Әʹйанти 14:1, 3). Ле гәло әԝед кӧ ԝе тʹәви Иса ль әʹзмана бьн, ԝе дәре ԝе чь бькьн?

Әԝана ԝе гәләк шьхӧлкʹарийе бькьн. Кʹьтеба Пироз дьбежә: «Хԝәзьли у бӧһӧрти-жьбарә йә, әԝе кӧ пʹара ԝи тʹәви рʹабуна мьрийайә пешьн һәйә. Мьрьна дӧда ль сәр ԝан һʹӧкӧм накә, ле әԝе бьбьнә кʹаһинед Хԝәде у Мәсиһ у ԝе тʹәви ԝи һʹәзар сали пʹадшатийе бькьн» (Әʹйанти 20:6). Әԝед кӧ бона жийина сәр әʹзман ԝе бенә сахкьрьне, ԝе чаԝа кʹаһин у пʹадша тʹәви Иса сәрԝертийе сәр әʹрде бькьн.

КʹЬТЕБА ПИРОЗ ЩАБА ВЕ ПЬРСЕ ДЬДӘ: Бь рʹебәрийа Хԝәде Кʹьтеба Пирозда гьлийед ӧса һатьнә ньвисаре: «Әз Хԝәдеда жи гӧман ьм, чаԝа кӧ әԝ жи ԝе гӧмане нә, кӧ һʹәму һәԛ у нәһәԛе жь мьрьне рʹабьн» (Кʹаред Шандийа 24:15).

Ле кʹе нә мәрьве «һәԛ» дәрһәԛа кʹижани Паԝлос гот? Ԝәрә әм бьньһерʹьн мәсәләке. Данийеле амьнрʹа пешийа мьрьна ԝи һатә готьне: «Тӧйе бьгьһиже рʹьһʹәтийе у дь даԝийа рʹожанда тӧйе жь бо стандьна мьраза хԝә һʹьшйар бә» (Данийел 12:13). Ле кʹидәре Данийел ԝе жь хәԝа мьрьне һʹьшйар бә? «Кәсед рʹаст ԝе рʹуйе әʹрде, бь мьрази бьстиньн у һәр у һәр ль сәр бьжин» (Зәбур 37:29, АБ). Иса жи пʹехәмбәрти кьр у гот: «Хԝәзи ль шкәстийа, чьмки дьнйайе пʹара ԝан бә» (Мәтта 5:5). Данийел у жьн меред майинә амьн, ԝе жь мьрьне рʹабьн, сәва кӧ диса ль сәр әʹрде бьжин, ле ида һʹәта-һʹәтайе.

Ле кʹе нә мәрьве «нәһәԛ» кӧ Паԝлос нав кьр? Әԝ бь милйарда мәрьв ьн, йед кӧ дьжитьн у мьрьн, у мәщала һʹәчʹи зәʹф жь ԝан тʹӧнә бу, кӧ фәʹм кьн у бьдьнә хәбате рʹастийа Кʹьтеба Пироз. Паше чахе әԝана вәгәрʹьнә жийине, ида ԝе мәщала ԝан һәбә кӧ дәрһәԛа Йаһоԝа a у Иса пебьһʹәсьн у рʹази бьн жь ԝан (Йуһʹәнна 17:3). Әԝ һʹәму мәрьвед кӧ сафи кьн Хԝәдерʹа ԛӧльх кьн, ԝе бькарьбьн һʹәта-һʹәтайе бьжин, чаԝа Хԝәде һʹәта-һʹәтайе дьжи.

КʹЬТЕБА ПИРОЗ ЩАБА ВЕ ПЬРСЕ ДЬДӘ: Хԝәде ԝе «жь чʹәʹвед ԝан һʹәму һесьред ԝан паԛьж кә у иди мьрьне тʹӧнәбә, нә шин, нә гьри, нә еш-ешук, чьмки тьштед бәре дәрбаз бун» (Әʹйанти 21:4). «У ԝе ханийан ава бькьн у рʹуньн у рʹәзан дайньн у меԝа ԝе бьхԝьн» (Ишайа 65:21).

Һәла бьдьнә бәр чʹәʹве хԝә әԝи әʹмьри, кӧ һуне тʹәви мәрьвед хԝәйи һʹьзкьри бьн, кʹижан кӧ ԝе жь мьрьне рʹабьн! Ле пьрсәк дьминә: «Һун ча дькарьн баԝәр бьн кӧ бь рʹастийе жи мьри ԝе рʹабьн?»