Гәләк щар информасийа дәрәԝ дьбә сәбәба ԝе йәке, кӧ фьрԛийе дькьн ортʹа мәрьва. Дина хԝә бьдьн һьнә мәсәла:

• Һьнә мәзьнед хәбате дьфькьрьн, ԝәки жьн нькарьн шьхӧле зандарийе у текʹники бькьн.

• Гәләк щар бьнәлийед ԝәлет хәриба нәһәԛ дькьн, кӧ әԝана бьнәлийарʹа хәбате наһельн.

• Гәләк мәрьв дьфькьрьн кӧ һʹәму мәрьвед ньвишкан зӧлм у дьлтәнг ьн.

Мәрьвед кӧ ԝан тьшта баԝәр дькьн, һәла һе дькарьн мәсәлед ӧса жи биньн, кӧ ньһерʹандьна хԝә избат кьн. У ԝана тʹьре, ԝәки һәр кәсе кӧ тʹәви ԝан ԛайил нинә, нәрʹаст ә.

«Мәрьве бе занәбун хер тʹӧнә» (МӘТʹӘЛОК 19:2).

Әв гьли чь тенә һʹәсабе? Әме бейи избаткьрьна нькарьбьн сафикьрьна рʹаст бькьн. Чахе әм баԝәрийа хԝә чʹирока тиньн нә кӧ избатийа, әм дәстпедькьн нәрʹаст сәр мәрийа бьфькьрьн у ԝана нәһәԛ кьн.

Һәрге әм дәрһәԛа мәрьва рʹастийе бьзаньбьн, әме гӧһ нәдьн ԝан тьштед дәрәԝ, кӧ дәрһәԛа ԝан бәла дькьн. Чахе әм педьһʹәсьн кӧ бӧхдан авитьнә кʹомәкә мәрьва, әме ида нәкʹәвьн бәр байе гьли-готьнед бӧхданбежа у һәр тьшти баԝәр нәкьн.

• Һьлдә һʹәсаб, ԝәки чахе тьштәки хьраб дәрһәԛа кʹомәкә мәрийа дьбежьн, әв найе һʹәсабе кӧ мәрьвед ве кʹоме гьшк ӧса ньн.

• Бир нәкә, ԝәки тӧ дәрһәԛа ԝан мәрийа һʹәму информасийа ньзани.

• Ԛәԝате бьдә хәбате, кӧ жь канийа бь итʹбар избатийа бьвини.