БЬДӘ бәр чʹәʹве хԝә кӧ тӧ ниве шәве кʹучерʹа дьчи. Ньшкева тӧ ӧса тʹәхмин дьки кӧ кәсәк пәй тә те. Чахе тӧ дьсәкьни әԝ жи дьсәкьнә. Тӧ ләз дьчи әԝ жи ләз те. Тӧ дәстпедьки дьрʹәви у дьчи мала һәвале хԝә, кʹижан дьһа незик ә. Чахе һәвале тә дәри вәдькә, тӧ дькʹәви һӧндӧрʹ, бина хԝә дькʹьшини у зани кӧ ида бехофийеда ни.

Дьбәкә бь рʹастийе тӧ нәкʹәти дәрәща ӧса, ле тӧ хәмгин дьби бона тьштед дьн. Мәсәлә, дьбәкә тӧ пешийа сьстбунед хԝә шәрʹ дьки, дьхԝази алт ки, ле нькари? Дьбәкә тӧ бе хәбати у ԛәԝате хәрщ дьки хәбате дьгәрʹи, ле нькари бьвини? Дьбәк хәмгин дьби кӧ кал йан пир дьби у дьтьрси кӧ дькарә проблемед сьһʹәт-ԛәԝатева гьредайи пешда бен? Йан жи дьбәкә тӧ бона тьштед дьн хәмгин дьби?

Чь проблемед тә жи һәбьн, һеса йә чахе һәваләки тәйи незик һәйә, кʹижанирʹа кӧ тӧ дькари проблемед хԝә гьли ки. Ле һәваләки тәйи ӧса һәйә? Әре, һьлбәт һәйә! Йаһоԝа йә бона тә һәвале ӧса, чаԝа кӧ бона Бьраһим бу, чаԝа те готьне кʹьтеба Ишайа 41:8-13-да. Рʹеза 10 у 13-да Йаһоԝа соз дьдә гьшка: «Тӧ нәтьрсә, жь бәр кӧ әз бь тәрʹа мә; ль дора хԝә нәньһерʹә, жь бәр кӧ Хԝәдайе тә әз ьм; әзе тә зәхм бькьм; бәле, әзе али тә бькьм; бәле, әзе бь дәсте рʹасте дадийа хԝә жь тәрʹа бьбьм аликʹар! . . . Жь бәр кӧ әз, Хԝәдайе тә Хӧдан, әзе бь дәсте тә йи рʹасте бьгьрьм у жь тәрʹа бьбежьм: ‹Нәтьрсә, әзе аликʹарийе бь тәрʹа бькьм!›»

Гәло әԝ гьлийед Хԝәде мә дьлгәрм накьн? Бьдә бәр чʹәʹве хԝә Йаһоԝа чь мәрʹа соз дьдә. Рʹезеда найе готьне кӧ тӧ тʹәви Йаһоԝа рʹе дьчи у дәсте тә дәсте ԝида нә. Чьмки һәрге тӧ кʹеләка Йаһоԝа рʹе бьчуйайи, әԝи ԝе бь дәсте хԝәйи рʹасте, дәсте тәйи чʹәпе бьгьрта. Ле дәԝсе, Йаһоԝа бь дәсте хԝәйи рʹасте, «дәсте тә йи рʹасте» дьгьрә, ԝәки тә жь чәтьнайа дәрхә. Чахе Йаһоԝа дәсте тәйи рʹасте дьгьрә, әԝ тә ԛәԝи дькә у дьбежә: «Нәтьрсә, әзе аликʹарийе бь тәрʹа бькьм!»

Ле тӧ Йаһоԝа һʹәсаб дьки ча Баве хԝәйи һʹьзкьри у Досте хԝә, кʹижан кӧ ԝе али тә бькә ԝәʹде чәтьнайа? Йаһоԝа бь рʹастийе дькʹәвә һь рʹастийе дькʹәвә хԝәйи һʹьзкьри у Досте хԝә, кʹижан кӧ ԝе Йаһоԝа дьхԝазә ԝәки тӧ бьзаньби, кӧ әԝ тә наһелә чьмки әԝ тә гәләк һʹьз дькә. Бь рʹастийе жи «Хԝәде һез у сьтʹаргәһа мә йә, дь тәнгасийеда тʹьм бона аликʹарийе амадә йә» (Зәб. 46:1).

Һьнә мәрьв хәмгин дьбьн бона шашийед хԝәйә бәре, у дьфькьрьн гәло Хԝәде ԝе  бьбахшинә ԝан. Һәрге тӧ жи һʹаләки ӧсада ни, бьфькьрә дәрһәԛа Ибойе амьн, кʹижан кӧ гӧне хԝә ани рʹуйе хԝә, сәва шашийед кӧ әԝи щаһьлтийеда кьр (Иб. 13:26). Даԝьде зәбурбеж жи һʹаләки ӧсада бу у жь Йаһоԝа һиви кьр: «Гӧнед мьн йед хортанийе у сәрһьлданед мьн бьбир нәйнә» (Зәб. 25:7, ИМ). Әм һʹәму гӧнәкʹар ьн, ләма жи «һʹәмуйа гӧнә кьр у нәгьһиштьнә рʹумәта Хԝәде» (Рʹом. 3:23).

Гьлийед кʹьтеба Ишайа сәре 41-да, һатьбун ньвисаре бона Исраела бәре. Гӧнед ԝан ӧса мәзьн бун, кӧ Йаһоԝа әԝана щәза кьрьн у гот кӧ әԝана ԝе Бабилонеда бьбьнә дил (Иша. 39:6, 7). Йаһоԝа ӧса жи соз да, кӧ кʹе гӧне хԝә бьдә рʹуйе хԝә у пʹошман бә, әԝе ԝан хьлаз кә у пашда вәгәрʹинә (Иша. 41:8, 9; 49:8). Рʹожа иро жи Йаһоԝа дьлрʹәʹмтийе дьдә кʹьфше һьндава ԝанда, кʹе пʹошман дьбә у гӧне хԝә дьдә рʹуйе хԝә у дьхԝазә дьле Йаһоԝа ша кә (Зәб. 51:1).

Ԝәрә шеԝьр кьн мәсәла Такуйә. * Әԝ порнографийа дьньһерʹи у мастурбасийа дькьр, ле гәләк дьхԝәст кӧ әԝ хәйсәтед хԝәйи хьраб бьтʹәрькинә. Ле ԝәʹдә пәй ԝәʹдәрʹа әԝ диса у диса дькʹәтә ве тʹәльке. Ле әԝи хԝә ча тʹәхмин дькьр жь бо ԝе йәке? «Мьн хԝә гәләк ньмьз тʹәхмин дькьр, ле чахе мьн Йаһоԝарʹа дӧа дькьр у һиви дькьр кӧ бьбахшинә мьн, әԝи әз жь ԝи һʹали дәрдьхьстьм». Ле ча? Рʹуспийед щьвата ԝи жерʹа готьбун кӧ һәрге хԝәстьнед ԝийә ӧса пешда тен, әԝ ԝанарʹа тʹелехә. Әԝи гот: «Мьнрʹа һеса нибу ԝанрʹа тʹелехьм, ле чахе мьн ԝанрʹа тʹеле дьхьст әз ԛәԝи дьбум». Паше рʹуспийед щьвата Такуйе тʹәви бәрпьрсийаре мьһале хәбәрдабун, ԝәки әԝ сәрики Такуйе хьн. Бәрпьрсийаре мьһале гот: «Әв жь мьн нинә кӧ әз вьр ьм. Әва хԝәстьна Йаһоԝа йә. Әԝи тӧ жьбарти кӧ бем у тә ԛәԝи кьм». Такуйә дьбежә: «Мьн гӧнә дькьр, ле йәкә Йаһоԝа али мьн дькьр». Ахьрийеда Такуйә хәйсәтед хԝәйи хьраб тʹәрьканд, бу пешәнг у ньһа әԝ Бәйтʹәледа хьзмәт дькә. Йаһоԝа чаԝа кӧ али ԝи бьрайи кьр, ԝе ӧса жи али тә бькә һәрге тӧ жи шашийа дьки.

Һьнә мәрьв хәмгин дьбьн, чьмки хәбата хԝә ӧнда кьрьнә у нькарьн хԝәрʹа хәбате бьвиньн. Бьдә бәр чʹәʹве хԝә, чьԛас чәтьн ә кӧ тӧ хәбате дьгәрʹи, ле тʹӧ кәс тә һьлнадә сәр хәбате. Дәрәщед ӧсада һьнә мәрьв ԛәдьре хԝә ӧнда дькьн. Ле Йаһоԝа ча дькарә али тә бькә? Дьбәкә әԝ дәрберʹа али тә накә кӧ хәбатәкә пʹак бьвини, ле әԝ дькарә бинә бира тә гьлийед Даԝьд: «Щьԝан [щаһьл] бум, ньһа әз пир ьм, мьн нәдит кӧ йе рʹаст һат бәрдан, ан дундана ԝи парс кьр, жь бо нан» (Зәб. 37:25, ИМ). Тӧ чʹәʹве Йаһоԝада ԛимәт и, у әԝ «дәсте рʹасте» дьрежи тә дькә кӧ һʹәму тьшт чьда жи тӧ һʹәԝщәйи, бал тә һәбьн сәва тӧ бәрдәԝам ки ԝирʹа хьзмәт ки.

Сәра, кʹижан кӧ Колумбйайеда дьжи, хԝәха избат бу кӧ Йаһоԝа али ԝе кьр. Хәбата ԝе рʹьнд бу у пʹәре рʹьнд жи дьстанд. Ле әԝе дьхԝәст һе зедә Хԝәдерʹа хьзмәт кә, ләма жи әԝе хәбата хԝә һишт у дәстпекьр хьзмәт кә ча пешәнг. Әԝе нькарьбу хәбатәкә ӧса хԝәрʹа бьдита, кӧ бона  хьзмәтийе ԝәʹдә бьма. Әԝе хԝәрʹа дькʹанәкә бьчʹук вәкьр у теда гӧлмаст дьфьрот, пʹәре ԝе һеди-һеди хьлаз бу у әԝ мәщбур бу дькʹане дадә. Әԝ дьбежә: «Се сал дәрбаз бун, ле шькьр жь наве Хԝәдерʹа кӧ әз йолә чум». Әԝ һин бу кӧ тедәрхә бь рʹастийе чь жерʹа лазьм ә у бона рʹожа сьбе хәмгин нәбә (Мәт. 6:33, 34). Ахьрийеда, әԝ бәре бал кʹе дьхәбьти, әԝи диса гази ԝе кьр, кӧ әԝ диса хәбата хԝә бькә. Ле әԝе ԝирʹа гот ԝе бьхәбьтә, һәрге әԝ бькарьбә һьн жи һәрʹә щьвате у хьзмәтийе. Рʹаст ә әԝ ижар һаԛас пʹәрә настинә чьԛас бәре, ле әԝ дькарә бәрдәԝам кә хьзмәт кә ча пешәнг. Әԝ дьбежә кӧ ԝи ԝәʹде чәтьн, әԝе аликʹарийа Йаһоԝа сәр хԝә тʹәхмин кьр.

Диса проблемәкә мәзьн, әԝ һәйә калбун-пирбун. Гәләк мәрьв чахе мәзьн дьбьн у ида гәрәке тʹошәке бьстиньн, әԝана хәмгин дьбьн кӧ пʹәрә ԝе тәрʹа ԝан нәкә сәва рʹьнд бьжин. Әԝана ӧса жи хәмгин дьбьн бона сьһʹәт-ԛәԝата хԝә, кӧ чьԛас мәзьн бьн ԝе проблемед сьһʹәт-ԛәԝатева гьредайи пешда бен. Мәсәлә, чаԝа кӧ әԝ йәк бал Даԝьд ԛәԝьми у әԝи калбунеда жь Йаһоԝа һиви кьр: «Тӧ мьн жь хԝә навежә, гава кӧ әз жь тʹаԛәте кʹәтьм тӧ мьн бәрнәдә!» (Зәб. 71:9, 18, ИМ).

Ча хьзмәткʹаред Йаһоԝа йед әʹмьрда мәзьн, дькарьн хԝә бесьтʹар тʹәхмин нәкьн? Әԝана гәрәке баԝәрийа хԝә һьндава Йаһоԝа ԛәԝи кьн, кӧ әԝ ԝе али ԝан бькә. Һәрге бәре әԝана дәԝләти бунә у рʹьнд житьнә, ньһа әԝана гәрәке пʹәра һьндьки хәрщ кьн, у рʹази бьн ԝе йәкерʹа чь кӧ щәм ԝан һәйә. Әԝана дькарьн бьвиньн кӧ «хԝарьна сәԝзә» һе баш ә бона сьһʹәт-ԛәԝате, нә кӧ гоште «гайе дәрмалә» (Мәтʹлк. 15:17). Һәрге тӧ һʹьш-аԛьле хԝә бьди сәр хьзмәтийа Йаһоԝарʹа, әԝ ԝәʹде калбун йан пирбуна тә, ԝе бона тә хәм кә, сәва кӧ чь тәрʹа лазьм ә, бал тә һәбә.

Ԝәрә әм бьфькьрьн дәрһәԛа Хосе у Роус кʹижан кӧ 65 сала зедәтьр ә ԝәки Йаһоԝарʹа хьзмәт дькьн ча пешәнг. Әԝана ӧса жи бь сала мьԛати баве Хосе дьбун, кʹижанирʹа 24 сьһʹәта лазьм бу пәй бьньһерʹьн. Хенщи ԝе йәке, нәхԝәшийа Хосе рʹәԛ һәбу у әԝи дәрбаз кьр операси у химиотерапи. Ле гәло Йаһоԝа дәсте хԝәйи рʹасте дьрежи ԝан кьр? Бәле. Ле чь щурʹәйи? Әԝи али ԝана кьр бь щотәки зәԝаще Тони у Ԝенди. Әԝи щоти там данә ԝан кӧ теда бьминьн. Тони у Ԝенди дьхԝәстьн кӧ таме ԝанда пешәнг беһәԛ бьминьн. Пешийа ԝе йәке, чахе Тони мәкʹтәбеда һин дьбу, әԝ һәргав жь пʹәнщәра мәкʹтәба хԝә, дьдит кӧ ча Хосе у Роус тʹьме дәртенә сәр хьзмәтийе. Хьзмәтийа ԝанә бь хирәти гәләк ԝи хԝәш дьһат у дьле ԝи гьрт. Тони у Ԝенди дьдитьн кӧ ча ԝана әʹмьре хԝә пʹешкʹеши Йаһоԝа кьрьнә, у ләма әԝана һелан бун ԝана бькьнә таме хԝә. Ида 15 сал ә кӧ әԝ щоте зәԝаще али Хосе у Роус дькьн, кʹижан кӧ ньһа ԝәкә 80 сали нә. Әԝана дьбежьн кӧ әԝ щоте зәԝащейә щаһьл бона ԝана ча пʹешкʹеш ьн.

Хԝәде дәсте хԝәйи рʹасте дьрежи тә жи дькә. Ле тӧйе дәсте ԝи бьгьри, йе кӧ тәрʹа дьбежә: «Нәтьрсә, әзе аликʹарийе бь тәрʹа бькьм»?