O athu a mesena kukala athu a tululuka, akua kidi, athu a bhanga mbote. Maji mukonda diahi tuene mu mona o ujibhangânga ni ima ia mukua ia iibha? Tuene mu kuivua njimbu ia iibha ku mundu uoso. O kuila saí muthu uene mu funhisa o athu ku mundu kubhanga ima ia iibha?—Tanga 1 Nzuá 5:19.

O kuila Nzambi muéne ua te ku mixima ia athu kubhanga ima ia iibha? Kana, Jihova ua bhange o athu mu kidifuanganu kiê, ni vondadi ia kukaiela o ifua iê kála o henda. (Dimatekenu 1:27; Jobe 34:10) Maji Nzambi ua bhange ué o athu ni ufolo ua kusola o ima ia uabha mu ia iibha. Kioso o jitata jetu ja dianga kia solo kubhanga o kima kia iibha, ene a ditunu kuivua Nzambi, mukonda dia kiki a kituka akua ituxi. Etu tua lundula o kituxi kiâ.—Tanga Matendelelu 32:4, 5.

Nzambi ua mesena kuila tueha o ukexilu uetu ua kubhanga ima ia iibha. (Jisabhu 27:11) Mukonda dia kiki muéne u tu longa kiebhi ki tu tena kueha kubhanga ima ia iibha phala tu tene kuzediua. Maji lelu ki tu tena hanji ku kaiela o henda ia Nzambi mu ukexilu uoso.—Tanga Jisálamu 32:8.Sumbala lelu kuene kuiibha kuavulu, Nzambi ua mu kueha o ukexilu iú, phala o athu kumona o hadi i bheka o kuiibha. (2 Phetele 3:7-9) Kua kambe ngó bhofele o ixi ia-nda kuizala ni athu a sanguluka, a belesela Nzambi.—Tanga Jisálamu 37:9-11.