Ibhuidisu ia Bibidia io Tambuijile
O Kuila Jezú ua fukununa muene o athu a fuile?
Jezú ua fukununa kamba diê Lázalu, ua fuile kiá izuua iuana
O Bibidia i tanga kuila Jezú ua fukununa o athu a fuile. Iú ki musoso ngó; ua bhiti mu ididi ni ithangana ia kidi. Mu kifika, ku muvu ua 31 K.K. mundu uavulu uendele ni Jezú tundé ku Kafanau katé ku Naini. Kioso kia bhixila ene a sange ué mundu uavulu. U tena ku dielela ku difukunukinu dia bhiti mukonda diosoneke mu Mikanda Ikola, ni kuila dia bhiti bhu pholo ia jimbangi javulu.—Tanga Luka 7:11-15.
Jezú ua fukununa ué kamba diê Lázalu, ua fuile kiá izuua iuana. U tena ku xikina mu madiuanu a bhange Jezú, mukonda bhua kexile ué athu avulu mu kizuua kieniókio.—Tanga Nzuá 11:39-45.
Mukonda diahi Jezú ua fukununa o athu?
Jezú ua fukununa o athu, mukonda ua kexile ni henda. Muéne ua ki bhange ué phala kulondekesa kuila o Tat’ê, Mukua ku bhana o muenhu, ua mu bhana o kutena kua ku tolola o kalunga.—Tanga Nzuá 5:21, 28, 29.
O difukunukinu dia bhange Jezú, di tu bhana kidielelu ku ikanenu iê ia lungu ni hádia. Muéne ua-nda fukununa athu avulu, katé muene ni athu kejidile kima kia lungu ni Nzambi ia kidi. Ene a-nda ku a bhana o ujitu ua kuijiia Jihova ni ku mu zola.—Tanga Ikalakalu 24:15.
Eye Nange Wandawabhela we o Maka Yá
IBHWIDISU YA BIBIDYA YO TAMBWIJILE
O Difukunukinu Ihi?
Eye nange wanda diwana mu kwijiya se nanyi wanda vutuka ku mwenyu ku hádya.
O MULANGIDI
Mukonda Diahi Eie u Tena Kuxikina Kuila o Athu Afu A-nda Vutuka Dingi?
O Bibidia i tu londekesa ima iiadi i tu kuatekesa kudielela ku difukunukinu.
