O Utuminu ua Nzambi, unguvulu ku diulu. Jezú ua tendelesa o akaiedi’ê ku samba phala uene uíze, mukonda uene ua-nda bheka o kuiuka ni ku tululuka mu ixi. Se-ku nguvulu u tena ku zubha o usuéia, o kuiibha ni mauhaxi, maji o Utuminu ua Nzambi u tena iu ua-nda zubha o ima íii ia iibha. Nzambi ua solo Mon’ê, Jezú phala ku kala Sobha ia Utuminu uê. Jihova ua solo ué athu a mukuá phala ku tumina kumoxi ni Jezú—Tanga Luka 11:2; 22:28-30.

Hádia, o Utuminu ua Nzambi ua-nda buikisa oso ió ene mu zukutisa o ungana ua Nzambi. Kienhiki-phe, tua tokala ku samba ni ku bhinga o Utuminu ua Nzambi phala uene u bhingane o mautuminu moso ku mundu.—Tanga Daniiele 7:13, 14; Dijingunuinu 11:15, 18.

Jezú, Sobha ia tokala, mukonda muéne muthu ua henda. Kuma muéne Mon’â Nzambi, Jezú uala ué ni kutena kua ku kuatekesa oso ió a dikola kua Nzambi.—Tanga Jisálamu 72:8, 12-14.

O Utuminu ua Nzambi ua-nda bheka mbote ku athu ene mu samba ni kidi, mu ku bhinga kuila uene uíze, ene mu lungulula uá o mienhu iâ phala ku bhanga o vondadi ia Nzambi. Eie nuka ua-nda diela mu ku di longa o milongi ia Bibidia ia lungu ni Utuminu ua Nzambi.—Tanga Luka 18:16, 17; Nzuá 4:23.