DISÁ 28
Ihi i tu Tena Kusanga mu Kijimbuete Kietu Kia Internete?
França
Polônia
Rússia
Jezú Kristu ua tangela o akaied’ê: “O mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.” (Matesu 5:16) Phala tu tene kubhanga kiki, tua mu kalakala kiambote ni ima ia bhange o jingijiie, kála o internete. O kijimbuete kietu, jw.org, muene mu tu sanga maka alungu ni kixikanu ni ikalakalu ia Jimbangi ja Jihova. Kiebhi kia bhanga kiki?
O ibhuidisu ia beta-kota i tambuijila o Bibidia. Eie u tena ku sanga-mu o itambuijilu ia ibhuidisu ia beta-kota ia bhange o athu. Mu kifika, o kamukanda O Kuila ku Hádia o Hadi Ia-nda ku Bhua? ni O Kuila o Athu Afú Kia a ka Vutuka Dingi? Tu ka sanga mu internete mu 600 ja madimi ndenge. Eie u tena ué kusanga o Bibidia Tradução do Novo Mundo mu 130 a madimi, tu sanga-mu ué madivulu a tu kuatekesa kudilonga o Bibidia, kála o divulu Mu Kidi Ihi i Longa o Bibidia? milongi ia Mulangidi, ni Despertai! O madivulu enhá, tu tena ku a tanga mba ku a evua mu Internete, mba ku a katula ni jifoto mu ukexilu a uixana MP3, PDF, mba EPUB. Eie u tena ué kukatula jikopia phala kukuatekesa muthu ua mesena kuijiia mu dimi diê! O madivulu mu vídeo, mu dimi dia maxilu ni mabubu tu a sanga ué mu internete. Eie u tena kukatula milongi ia kuívua ia Bibidia, drama ia Bibidia ni mimbu i ximana Jihova.
Tu sanga-mu ué misoso ia kidi ia lungu ni Jimbangi ja Jihova. Tu sanga-mu njimbu ia ubhe ni ji vídeo ja lungu ni kikalakalu kietu ku mundu uoso, izulukutu ia tokala ku Jimbangi ja Jihova ni maka alungu ni nguzu i tu bhanga phala kukuatekesa o athu a bhindama. Eie u tena kusanga-mu ué jingolokela ja lungu ni izuua ia iônge ia makota ni ijimbuete ia jifiliiale jetu.
Bhu kaxi ka ima íii, tua mu bhenha o mukengeji ua kidi katé ku maxokololo a jixi. Athu a jixi joso, kála o Antártida, a mu katula ué mbote. Tua mu samba phala o ‘maka a Jihova a sambuke ni lusolo,’ mu ixi ioso phala kubhana kijingu kua Nzambi.
-
Kiebhi o kijimbuete jw.org, kia mu kuatekesa athu avulu kuijiia o kidi kia Bibidia?
-
Ihi i ua mesena kusanga mu kijimbuete kietu kia Internete?
Eye Nange Wandawabhela we o Maka Yá
KIKUATEKESU ONLINE
Kukalakala ni JW.ORG
Ijiia kiebhi ki u tena kukalakala ni kijimbuete jw.org. Kaiela o jindunge phala ku ku kuatekesa kutokuesa, kutokuesa, ni kukatula milongi. Ijiia o itambuijilu ia lungu ni jw.org.
KIKALAKALU KIA KUBOKA
Kalakala ni Jw.Org phala ku boka o njimbu ia Bibidia
O Jimbangi ja Jihova, minzangala ni adiakimi a zolo o kijimbuete kietu, kiki bhonzo phala ku kalakala na-kiu, ene mu tangela athu avulu ni njimbu iambote ia Utuminu ua Nzambi
