O Utuminu ua Nzambi Ihi?

BUETA

Ihi i u banza, o kuila . . .

kima kiala ku muxima uê?
kizuelu ngó?
unguvulu ua diulu?

IHI IZUELA O BIBIDIA

“O Nzambi ia diulu ua kà bheka-ku o utuminu ki u xikina dingi ku u jikinisa.”—Daniele 2:44.

“A tu bhana mona ua diiala; o kutumina a mu tuika-ku bhu isuxi iê.”—Izaia 9:6.

O IZUELU ÍII ILOMBOLOLA IHI PHALA EIE?

Unguvulu u tena ku u kuatekesa.—Izaia 48:17, 18.
Ku mundu uobhe ua zukama, kua ka kala muenhu uambote, sauidi ia mbote ni kisangusangu.—Dijinguininu 21:3, 4.

TUA TOKALA KU XIKINA MU MILONGI IA BIBIDIA?

Tua tokala, mukonda dia ima iiadi:

Jezú ua londekesa ihi ia-nda bhanga o Utuminu ua Nzambi. Jezú ua longo o akaiedi’ê o ku samba, phala o Utuminu ua Nzambi uize, o vondadi ia Nzambi, n’a i bhange mu ixi. (Matesu 6:9, 10) Jezú ua londekesa kiebhi kia-nda tambuijila o musambu iú.

Kioso kia kexile mu ixi, Jezú ua disa mundu uavulu, akexile ni nzala, ua sake o jihaxi, ua fukununa o athu a fuile! (Matesu 15:29-38; Nzuá 11:38-44) Kala Sobha ia Utuminu ua Nzambi, Jezú uedikisa o ima iambote ia-nda bhanga o Utuminu ua Nzambi.—Dijingunuinu 11:15.
O ima ia mu bhita ku mundu, ilondekesa kuila o Utuminu ua Nzambi ua zukama. Jezú ua kanena kuila, o Utuminu ua Nzambi uene ngó u tena ku bheka o ku tululuka mu ixi, ua kanene ué kuila mu ixi mua-nda kala ita, nzala, o ixi ia-nda tunguta.—Matesu 24:3, 7.

Lelu tua mu mona o ima íii. Tu tena ku dielela kuila, o Utuminu ua Nzambi, ua-nda zubha o ima ia iibha ia mu bhita lelu.

XINGANEKA

Kiebhi kia-nda kala o muenhu mu Utuminu ua Nzambi?

O Bibidia i tambuijila o kibhuidisu kiki mu divulu dia JISÁLAMU 37:29 ni IZAIA 65:21-23.

Eye Nange Wandawabhela we o Maka Yá

ESSENTIAL BIBLE TEACHINGS

O Utuminu wa Nzambi Ihi?

Mu kithangana kya ukunji wê mu ixi, Jezú wa zwela dingi ya lungu ni Utuminu mak’engi ndenge. Mu mivu yavulu, athu ene mu samba mu kubhinga kwila utuminu yu wize.