DISÁ 36
Kala u Muthu Wakidi mu Ima Yoso
Athu oso amesena kukala ni dikamba dya kidi. Jihova ukingila kwila, o makamba mê akala athu akidi. Maji kubhonza kukala muthu wakidi kumundu yú wezala ni athu ka akwa kidi. Maji né kiki mukonda dyahi kima kyambote kukala tu athu akidi?
1. Kyebhi o kima kyabeta o kota kitubhangesa kukala tu athu akidi?
Kyoso kitukala tu athu akidi, tulondekesa kwila twazolo Jihova, ni kwila tumuxila. Xinganeka: Jihova wejiya o ima yoso itubanza ni ima itubhanga. (Jihebelewu 4:13) Mwene umona kyoso kitusola kukala tu athu akidi, ubhana valolo mukima kiki. O Maka mê amba: ‘Jihova wadizembe ni athu abhukumuka, maji o kikutu kyê u kijitwina athu oso ayuka muxima.’—Jisabhu 3:32.
2. Kyebhi kitutena kukala tu athu akidi izuwa yoso kumwenyu wetu?
Jihova wamesena kwila, tuzwela “o kidi muthu ni mukwa.” (Zakadiya 8:16, 17) Kiki kilombolola ihi? Kiki kilombolola kwila, kitwanda zwela makutu kyoso kitwamuzwela ni jindandu jetu, jikolega jasalu, jiphange jetu mu kilunga ni yó ala ni maungana. O muthu wakidi kanyana, kasoto we kukatula o mbote ya akwa. (Tanga Jisabhu 24:28 ni Efezu 4:28.) O muthu wakidi ufuta we o malubhaku moso. (Loma 13:5-7) Kifwa tulondekesa kwila tu ‘athu afiyele ithangana yoso.’—Titu 2:10.
3. Mukonda dyahi kima kyambote kukala tu athu akidi?
Kyoso kyatwijiya kyambote mu kukala tu athu akidi, o athu atudyelela. Tukwatekesa athu oso mu kilunga kudivwa kyambote kala tumwiji wakidi. Twandakala we ni kitongolwelu kyazele. O kukala tu athu akidi ku fwamesa o “ulongelu wa Nzambi, Mubhuludi wetu,” kubhangesa we o athu kumesena kudilonga ya lungu ni Jihova.—Titu 2:10.
DILONGE DINGI
Dilonge kyebhi kyadivwa Jihova kyoso kitukala tu athu akidi ni mbote yahi itukatula mukukala tu athu akidi. Dilonge we kyebhi kitutena kukala tu athu akidi mu ima yoso ku mwenyu wetu.
4. Kukala tu athu akidi kusangulukisa Jihova
Tanga Jisálamu 44:21 ni Malakiya 3:16, mukusuluka bhanga o ibhwidisu ya kayela:
-
Mudyé, mukonda dyahi kitutokala kubanza kwila tutena kusweka kima bhu pholo ya Jihova?
-
Mudyé, kyebhi Jihova kyadivwa kyoso kitusola kuzwela o kidi, né mwene se kubhonza kubhanga kiki?
Kyoso twana kyazwela o kidi, o jitata asanguluka. Kyoso kituzwela o kidi, Jihova usanguluka
5. Kala umukwa kidi mu ima yoso
Athu avulu abanza kwila katena kukala athu akidi mu ima yoso. Maji tala se mukonda dyahi twatokala kukala tu athu akidi mu ima yoso. Tala OVIDYU.
Tanga Titu 2:10, mukusuluka zwelenu kyebhi kitutena kukala fiyele ni athu akidi . . .
-
ku mwiji wetu.
-
kusalu ni mu xikola.
-
ni mu ithangana yamukwa.
6. Kukala tu athu akidi, kutubhekela mbote
Mukukala tu athu akidi tutena kudibhana ni maka. Maji mukidi kyene o kima kitwatokala kubhanga ithangana yoso. Tanga Jisálamu 34:12-16, mukusuluka bhanga o kibhwidisu kya kayela:
-
Kyebhi o kukala muthu wakidi, kutena kukwatekesa o mwenyu wé?
-
O munumi ni muhatu ala athu akidi, akolesa o ukaza wâ
-
O akalakadi akidi a adyelela dingi kwa patala yâ
-
O athu akidi a axila dingi kwala yó ala ni maungana
ATHU AVULU AMBA: “Sayi ithangana kimake kutanga makutu, kikikwame akwenu.”
-
Mukonda dyahi ubanza kwila, Jihova wazembe o makutu oso?
IHI IWADILONGO
Jihova wamesena kwila, o makamba mê akala athu akidi mu ima yoso ya zwela ni yabhanga.
Kubhitulula
-
Mu maukexilu ebhi ututena kulondekesa kwila, tu athu akidi?
-
Mukonda dyahi kitutena kubanza kwila, tutena kusweka kima kyayibha bhu pholo ya Jihova?
-
Mukonda dyahi eye wandala kukala u muthu wakidi mu ima yoso?
TOKWESA DINGI
Kyebhi o jitata kyatena kulonga o twana twâ kukala athu akidi?
Mukonda dyahi kima kyambote kukumbidila o kima kitwakanena?
Tala se mukonda dyahi twatokala kufuta o lubhaku ne mwene se ka mu kingaxtala kyambote.
“Eye Watokala Kufuta Lubhaku?” (O Mulangidi, 1 wa Katutu wa 2011)
Ihi yakwatekesa diyala kulungulula o mwenyu wé ni kukala muthu wakidi?
“Nga di Longo Kuila Jihova Mukua Henda Mukua Kuloloka” (O Mulangidi, 1 wa Kasambwadi wa 2015)
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
