“Boka o Njimbu Yambote!”
Kyônge Kya Dikota Kya Jimbangi ja Jihova Kya 2024
Muthu woso woso uyé • Kikubhingi kufuta kitadi
Ima Yandabhita mu Kyônge Kiki
Kya Sesa: Tala kyebhi o njimbu yambote yalungu ni mwenyu wa Jezú itusanga mu divulu dya Matesu, Máluku, Luka ni Nzwá, njimbu ya kidi mwene. Dilonge kyebhi o misoso yiyi ya Bibidya itena kutukwatekesa lelu.
Kya Sabhalu: Ima yahi yatangele kya o Bibidya yalungu ni uvwalukilu ni undenge wa Jezú? O kwila o ima yiyi yadikumbidila mwene?
Kya Lumingu: Mu diskulusu dya Bibidya ni dyambu “Mukonda Dyahi Kitukala ni Woma wa Kwivwa Njimbu Yaibha?” Wandadilonga-mu se mukonda dyahi mazunda a athu lelu amutena kukala ni kidyelelu kya kwila ku hadya o ima yanda kala kyambote, nemwene o kuyibha kwa mundu yu kwa muya ni kudibandekesa ithangana ni ithangana.
DRAMA
O Njimbu Yambote Yalungu ni Jezú: Mbandu 1
O Mukengeji wa Kidi Umwikina o Mundu
Mu undenge wa Jezú mwabhiti madiwanu avulu, o wadyanga o madiwanu alungu ni uvwalelu wê. Kwexile sobha wamesenene ku mujibha, mukonda-phe dya kiki phala kamujibhe, o jitata jê alenge-nê ku ixi ya Ijitu. Mu kusuluka, Jezú wabhangesa kudiwana isunji o jimesene jabetele kota mu kwijiya mu izuwa yê. Tala o ima yiyi ni ima yamukwa mu vidyu ya mbandu jiyadi kya Sesá ni kya Sabhalu.
Tala o vidyu yiyi yalungu ni kyônge kya dikota kya muvu yu
Ihi Yenemubhita mu Yônge Yetu ya Makota?
Ijiya kyebhi kikala o kyônge kya dikota kya Jimbangi ja Jihova.
Kyônge Kya Dikota Kya Jimbangi ja Jihova Kya 2024: “Boka o Njimbu Yambote!”
Tala yoso itwanda dilonga mu kyônge kya dikota kya muvu yu.
Kambandu ka Vidyu ya Drama: O Njimbu Yambote Yalungu ni Jezú
Athu avulu ejiya yalungu ni madiwanu a uvwalukilu wa Jezú. Maji ihi yabhiti ande dya Jezú kumuvwala ni kyoso kyazubha kumuvwala?