Etu ki tu batula ukamba ni Jimbangi ja Jihova a a batizala kiá, ka mu boka dingi o njimbu iambote mba ku dilunga n’etu mu kilunga. Mu kidi, tu sota o athu enhá phala ku a suínisa dingi o ku kolesa o ukamba uâ ni Nzambi.

 Etu ki tu kaie ni lusolo o muthu ua te kituxi kia dikota. Maji se mbangi ia Jihova a mu batizala kiá, u jijidila ku ta kituxi mu ku bhukumukina o ijila ia Bibidia anga ka diela o ituxi iê, a mu kaia mu kilunga mba ki tu di lungu nê dingi. O Bibidia ni kidi kioso i zuela: “Muthu ió ua bhukumuka mu tubhudienu mudienu.”—1 Kolindu 5:13.

 Ihi i tuamba se diiala uala ni muhatu ni tuana, Jimbangi ja Jihova, a mu kaia mu kilunga? Sumbala ka-nda kala dingi kala kia kexile m’ukulu ni muiji uê, o undandu ki u bhu kana. O ukamba mu ukaza, ni ku di zola, ni maka alungu ni muiji, ki u bhu kana.

 O athu a a kaie mu kilunga a tena kuia mu iônge. Se ene a mesena, a tena ku a bhana milongi ku tufunga tua kilunga. A bhanga kiki phala ku kuatekesa o muthu ua te o kituxi ku diela o ituxi iê ni ku vutuka mu kilunga phala ku kala dingi Mbangi Jihova. O athu a a kaie mu kilunga, a diela o ituxi iâ anga alondekesa vondadi ia ku kaiela o itumu ia Bibidia, a a tambulula kiambote mu kilunga kioso kia vutuka mu kilunga.