មេរៀនទី០៥

គម្ពីរជាសំបុត្រពីព្រះសម្រាប់យើង

លេង

ព្រះយេហូវ៉ាបានឲ្យអំណោយពិសេសមួយសម្រាប់យើង អំណោយនោះគឺគម្ពីរបរិសុទ្ធ ដែលមានសៀវភៅតូចៗ៦៦ក្បាល។ ប៉ុន្តែ អ្នកប្រហែលជាឆ្ងល់ថា ‹តើព័ត៌មានក្នុងគម្ពីរមកពីអ្នកណា?›។ ដើម្បីដឹងចម្លើយចំពោះសំណួរនេះ សូមយើងពិចារណាមើលថា តើគម្ពីរដែលជាព័ត៌មានមកពីព្រះបានមកដល់យើងតាមរបៀបណា?

១. បើមនុស្សជាអ្នកសរសេរគម្ពីរ ហេតុអ្វីនិយាយថាព័ត៌មានក្នុងគម្ពីរមកពីព្រះ?

មនុស្សប្រហែលជា៤០នាក់បានសរសេរគម្ពីរ។ សៀវភៅដំបូងក្នុងគម្ពីរបានត្រូវសរសេរប្រហែល៣.៥០០ឆ្នាំមុន ហើយសៀវភៅចុងក្រោយបានត្រូវសរសេរប្រហែល១.៩០០ឆ្នាំមុន។ ពួកអ្នកសរសេរគម្ពីរមានប្រវត្តិនិងមកពីមជ្ឈដ្ឋានខុសៗគ្នា ប៉ុន្តែអ្វីដែលពួកគេបានសរសេរក្នុងគម្ពីរគឺស្របគ្នាទាំងអស់។ ហេតុអ្វីនេះអាចកើតឡើងបាន? ដោយសារអ្វីដែលពួកគេសរសេរគឺមកពីព្រះ។ (សូមអាន ថែស្សាឡូនិចទី១ ២:១៣) ពួកអ្នកសរសេរគម្ពីរមិនបានកត់ទុកគំនិតរបស់ពួកគេទេ។ ផ្ទុយទៅវិញ ពួកគេ«បាននិយាយអ្វីដែលមកពីព្រះ ដោយមានឫទ្ធានុភាពបរិសុទ្ធដឹកនាំពួកគេ»។ a (ពេត្រុសទី២ ១:២១) ព្រះបានប្រើឫទ្ធានុភាពបរិសុទ្ធដើម្បីដឹកនាំ ឬជំរុញចិត្តពួកគេឲ្យកត់ទុកគំនិតរបស់លោក។—ធីម៉ូថេទី២ ៣:១៦

២. តើអ្នកណាខ្លះអាចទទួលប្រយោជន៍ពីគម្ពីរ?

«គ្រប់ប្រជាជាតិ គ្រប់កុលសម្ព័ន្ធ គ្រប់ភាសា និងគ្រប់ជនជាតិ» អាចទទួលប្រយោជន៍ពីដំណឹងល្អក្នុងគម្ពីរ។ (សូមអាន ការបើកបង្ហាញ ១៤:៦) ព្រះបានចាត់ចែងឲ្យប្រាកដថាមានគម្ពីរជាភាសាផ្សេងៗ គឺឲ្យមានភាសាច្រើនជាងសៀវភៅឯទៀតទាំងអស់ក្នុងប្រវត្តិសាស្ត្រ។ ដូច្នេះ មនុស្សស្ទើរតែទាំងអស់នៅសព្វថ្ងៃនេះអាចមានគម្ពីរអានជាភាសារបស់ខ្លួន ទោះជាពួកគេរស់នៅកន្លែងណា ឬនិយាយភាសាអ្វីក៏ដោយ។

៣. តើព្រះយេហូវ៉ាថែរក្សាគម្ពីរតាមរបៀបណា?

គម្ពីរបានត្រូវសរសេរនៅលើក្រដាសឬវត្ថុដែលងាយខូច ដូចជាក្រដាសធ្វើពីរុក្ខជាតិជាដើម។ ប៉ុន្តែ ពួកអ្នកដែលស្រឡាញ់គម្ពីរបានចម្លងគម្ពីរដោយដៃម្ដងហើយម្ដងទៀតយ៉ាងយកចិត្តទុកដាក់ និងយ៉ាងត្រឹមត្រូវ។ ទោះជាអ្នកគ្រប់គ្រងនិងអ្នកដឹកនាំសាសនាខ្លះខំព្យាយាមបំផ្លាញគម្ពីរក៏ដោយ តែមនុស្សខ្លះទៀតសុខចិត្តប្រថុយជីវិតដើម្បីការពារគម្ពីរ។ ព្រះយេហូវ៉ាមិនអនុញ្ញាតឲ្យអ្នកណាឬអ្វីក៏ដោយ មករារាំងមនុស្សមិនឲ្យមានគម្ពីរនោះទេ។ គម្ពីរចែងថា៖ «បណ្ដាំរបស់ព្រះនៃយើងនៅស្ថិតស្ថេរជាដរាប»។—អេសាយ ៤០:៨

បង្កើនចំណេះ

សូមរៀនថែមទៀតអំពីរបៀបដែលព្រះបានដឹកនាំមនុស្សឲ្យសរសេរគម្ពីរ របៀបដែលលោកថែរក្សាគម្ពីរ និងរបៀបដែលលោកបានផ្ដល់គម្ពីរដល់មនុស្សទាំងអស់។

៤. គម្ពីរបញ្ជាក់ឲ្យដឹងថាអ្នកណាជាអ្នកនិពន្ធគម្ពីរ

លេងវីដេអូ។ បន្ទាប់មក សូមអាន ធីម៉ូថេទី២ ៣:១៦ រួចពិភាក្សាសំណួរដូចតទៅ៖

វីដេអូ: តើអ្នកណាជាអ្នកនិពន្ធគម្ពីរបរិសុទ្ធ? (ឈុតខ្លី) (២:៤៨)

បើមនុស្សជាអ្នកសរសេរគម្ពីរ ហេតុអ្វីនិយាយថាគម្ពីរជាបណ្ដាំរបស់ព្រះ?
តើអ្នកគិតថាព្រះអាចបញ្ជូនគំនិតរបស់លោកឲ្យមនុស្សសរសេរទុកឬទេ?

លេខាធិការសរសេរសំបុត្រតាមអ្វីដែលចៅហ្វាយរបស់គាត់ប្រាប់។ ដូចគ្នាដែរ មនុស្សសរសេរគម្ពីរតាមព័ត៌មានដែលព្រះបានផ្ដល់ឲ្យ

៥. គម្ពីរបានត្រូវការពារឲ្យរួចផុតពីការបំផ្លាញ

ប្រសិនបើគម្ពីរមកពីព្រះ លោកច្បាស់ជានឹងថែរក្សាគម្ពីរ។ ក្នុងប្រវត្តិសាស្ត្រ ពួកអ្នកមានអំណាចបានខំព្យាយាមបំផ្លាញគម្ពីរ។ ពួកអ្នកដឹកនាំសាសនាបានខំរារាំងមនុស្សមិនឲ្យអានគម្ពីរ។ ប៉ុន្តែ ទោះជាមានការប្រឆាំងនិងការគំរាមកំហែងដល់ជីវិតយ៉ាងណាក៏ដោយ មនុស្សជាច្រើនបានប្រថុយជីវិតដើម្បីការពារគម្ពីរ។ ដើម្បីដឹងថាពួកគាត់បានប្រថុយជីវិតយ៉ាងណា សូមលេងវីដេអូ រួចពិភាក្សាសំណួរនេះ៖