សំណួរនិងចម្លើយពីគម្ពីរ
សំណួរនិងចម្លើយពីគម្ពីរ
ហេតុអ្វីគួរអធិដ្ឋានសុំឲ្យរាជាណាចក្រព្រះមកដល់?
រាជាណាចក្រព្រះគឺជារដ្ឋាភិបាលនៅស្ថានសួគ៌។ លោកយេស៊ូបានប្រាប់អ្នកកាន់តាមលោកឲ្យអធិដ្ឋានសុំឲ្យរាជាណាចក្រព្រះមកដល់ ពីព្រោះរាជាណាចក្រនោះនឹងនាំឲ្យផែនដីមានសេចក្ដីសុចរិតនិងសន្ដិភាពឡើងវិញ។ គ្មានរដ្ឋាភិបាលមនុស្សណាអាចបំបាត់ចោលទាំងស្រុងនូវអំពើហិង្សា ភាពអយុត្ដិធម៌ ឬជំងឺបានឡើយ។ ប៉ុន្តែរាជាណាចក្រព្រះអាចធ្វើបាន ហើយនឹងធ្វើពិតមែននៅថ្ងៃអនាគត។ ព្រះបានជ្រើសរើសបុត្ររបស់លោក គឺលោកយេស៊ូឲ្យធ្វើជាស្តេចក្នុងរាជាណាចក្រលោក។ បន្ថែមទៅទៀត ព្រះយេហូវ៉ាបានជ្រើសរើសអ្នកកាន់តាមលោកយេស៊ូមួយក្រុមឲ្យធ្វើជាអ្នកគ្រប់គ្រងក្នុងរាជាណាចក្រព្រះជាមួយនឹងលោកយេស៊ូ។—សូមអាន លូកា ១១:២; ២២:២៨-៣០
នាពេលឆាប់ៗខាងមុខនេះ រាជាណាចក្រព្រះនឹងបំផ្លាញចោលអស់អ្នកដែលប្រឆាំងនឹងសិទ្ធគ្រប់គ្រងរបស់លោក។ ដូច្នេះសេចក្ដីអធិដ្ឋានសុំឲ្យរាជាណាចក្រព្រះមកដល់ គឺជាសំណូមពរមួយដើម្បីឲ្យរដ្ឋាភិបាលព្រះមកគ្រប់គ្រងជំនួសរដ្ឋាភិបាលរបស់មនុស្សទាំងអស់។—សូមអាន ដានីយ៉ែល ៧:១៣, ១៤; ការបើកបង្ហាញ ១១:១៥, ១៨
ហេតុអ្វីរាជាណាចក្រព្រះនឹងផ្ដល់ប្រយោជន៍ដល់មនុស្ស?
លោកយេស៊ូគឺជាបុគ្គលតែមួយគត់ដែលសមនឹងធ្វើជាស្តេច ពីព្រោះលោកមានសេចក្ដីអាណិតអាសូរ។ បន្ថែមទៅទៀត ដោយសារលោកជាបុត្ររបស់ព្រះ លោកមានអំណាចដើម្បីជួយអស់អ្នកដែលអង្វរសុំជំនួយពីព្រះ។—សូមអាន ទំនុកតម្កើង ៧២:៨, ១២-១៤
រាជាណាចក្រព្រះនឹងផ្ដល់ប្រយោជន៍ដល់អស់អ្នកដែលអធិដ្ឋានដោយស្មោះត្រង់សុំឲ្យរាជាណាចក្រនោះមកដល់ និងផ្ដល់ប្រយោជន៍ដល់អស់អ្នកដែលរស់នៅស្របតាមគោលបំណងរបស់ព្រះ។ លោកអ្នកនឹងមិនខកបំណងទេ បើលោកអ្នករៀនអំពីអ្វីដែលគម្ពីរបង្រៀនអំពីរាជាណាចក្រព្រះ។—សូមអាន លូកា ១៨:១៦, ១៧; យ៉ូហាន ៤:២៣
សម្រាប់ព័ត៌មានបន្ថែម សូមមើលជំពូកទី៨ ក្នុងសៀវភៅនេះដែល បោះពុម្ពផ្សាយដោយ សាក្សីព្រះយេហូវ៉ា
អាចថតចម្លងតាមគេហទំព័រwww.isa4310.com/km
[រូបភាពនៅទំព័រ១៦]
តើលោកអ្នកចង់ដឹងថែមទៀតអំពីរាជាណាចក្រព្រះនិងអ្វីដែលរាជាណាចក្រនោះនឹងសម្រេចឬទេ?
