អត្ថបទអំពីក្របទស្សនាវដ្ដី | ទេវតា តើពិតជាមានឬទេ? ហេតុអ្វីសំណួរនេះសំខាន់?
តើអ្នកមានទេវតាតាមថែរក្សាឬទេ?
គម្ពីរមិនបានបង្រៀនថាបុគ្គលម្នាក់ៗមានទេវតាតាមថែរក្សាទេ។ ពិតមែនតែលោកយេស៊ូធ្លាប់មានប្រសាសន៍ថា៖ «ចូរប្រយ័ត្ន កុំឲ្យមើលងាយអ្នកតូចបែបនេះ[អ្នកកាន់តាមគ្រិស្ដ]ឡើយ ព្រោះខ្ញុំប្រាប់អ្នករាល់គ្នាថា ទេវតារបស់អ្នកទាំងនោះ ដែលនៅស្ថានសួគ៌តែងតែឃើញមុខបិតារបស់ខ្ញុំដែលស្ថិតនៅស្ថានសួគ៌»។ (ម៉ាថាយ ១៨:១០) ប៉ុន្ដែលោកយេស៊ូមិនបានមានប្រសាសន៍ថាបុគ្គលម្នាក់ៗមានទេវតាតាមថែរក្សាទេ លោកគ្រាន់តែចង់ថាពួកទេវតាយកចិត្ដទុកដាក់នឹងអ្នកកាន់តាមលោកនីមួយៗ។ ដូច្នេះ អ្នកគោរពប្រណិប័តន៍ពិតរបស់ព្រះមិនធ្វើអ្វីដែលប្រថុយជីវិតដោយរំពឹងថាទេវតារបស់ព្រះនឹងការពារពួកគេនោះទេ។
តើនេះមានន័យថាទេវតាមិនជួយមនុស្សឬទេ? មិនមែនទេ។ (ទំនុកតម្កើង ៩១:១១) មនុស្សខ្លះជឿថាព្រះបានឲ្យទេវតាការពារនិងណែនាំពួកគេ។ ខេណិតដែលរៀបរាប់នៅអត្ថបទដំបូង គឺជាអ្នកដែលជឿដូច្នោះ។ ទោះជាយើងមិនអាចដឹងប្រាកដក្ដី ប៉ុន្ដែប្រហែលជាគាត់ជឿត្រឹមត្រូវ ដោយសារច្រើនដងសាក្សីព្រះយេហូវ៉ាឃើញភ័ស្ដុតាងដែលបង្ហាញថា ទេវតាបានជួយពួកគេកាលដែលពួកគេចូលរួមក្នុងកិច្ចផ្សព្វផ្សាយ។ ប៉ុន្ដែដោយសារយើងមើលទេវតាមិនឃើញ នោះយើងមិនអាចនិយាយថាព្រះប្រើពួកគាត់ដល់កម្រិតណាដើម្បីជួយមនុស្សទេ។ ទោះជាយ៉ាងណាក៏ដោយ គឺតែងតែជាការល្អ បើយើងអរគុណព្រះដែលមានឫទ្ធានុភាពខ្លាំងក្លាបំផុតចំពោះជំនួយដែលលោកបានផ្ដល់ឲ្យយើង។—កូឡុស ៣:១៥; យ៉ាកុប ១:១៧, ១៨
លោកអ្នកក៏ប្រហែលជាចូលចិត្តដែរ
សំណួរនិងចម្លើយពីគម្ពីរ
បើខ្ញុំអធិដ្ឋាន តើព្រះនឹងជួយខ្ញុំឬទេ?
តើព្រះពិតជាចាប់អារម្មណ៍នឹងបញ្ហារបស់យើងម្នាក់ៗឬទេ?
ហេតុអ្វីត្រូវអធិដ្ឋានក្នុងនាមលោកយេស៊ូ?
នៅយប់ចុងក្រោយពេលលោកនៅផែនដី លោកបានបើកផ្លូវថ្មីមួយដើម្បីឲ្យអ្នកកាន់តាមលោកអាចជិតស្និទ្ធនឹងព្រះ។
