ចម្រៀងសរសើរព្រះ ៦៥:១-១៣
ជូនចំពោះមេភ្លេង។ ទំនុករបស់ដាវីឌ។
៦៥ ឱព្រះអើយ លោកនឹងទទួលការសរសើរតម្កើងនៅស៊ីយ៉ូន+យើងនឹងធ្វើតាមសម្បថរបស់យើងចំពោះលោក។+
២ ឱព្រះដែលស្ដាប់សេចក្ដីអធិដ្ឋាន មនុស្សគ្រប់ប្រភេទនឹងមកឯលោក។+
៣ កំហុសរបស់ខ្ញុំមានច្រើនពន់ពេក+ប៉ុន្តែ លោកអភ័យទោសចំពោះអំពើខុសឆ្គងរបស់យើង។+
៤ អ្នកណាដែលលោកជ្រើសរើស ហើយនាំមកជិតដើម្បីឲ្យអាស្រ័យនៅក្នុងទីធ្លារបស់លោក+ អ្នកនោះមានសុភមង្គលហើយ។
យើងនឹងស្កប់ចិត្តដោយសារបានអ្វីល្អៗពីវិហារបរិសុទ្ធ*របស់លោក។+
៥ ឱព្រះដែលសង្គ្រោះយើងអើយលោកនឹងឆ្លើយតបមកយើងដោយការសុចរិតដ៏គួរឲ្យស្ងើចអស្ចារ្យ។+
លោកជាទីទុកចិត្តរបស់មនុស្សទូទាំងផែនដី+និងនៅកោះឆ្ងាយៗផង។
៦ លោកបានតាំងភ្នំទាំងឡាយយ៉ាងរឹងមាំ ដោយឫទ្ធានុភាពរបស់លោកលោកមានឫទ្ធិខ្លាំងក្លាក្រៃលែង។+
៧ លោកធ្វើឲ្យសមុទ្រដែលកំពុងបក់បោកស្ងប់រម្ងាប់+ហើយលោកបញ្ឈប់សូររលកគ្រាំគ្រេង និងភាពច្របូកច្របល់របស់ប្រជាជាតិនានា។+
៨ អស់អ្នកដែលរស់នៅកន្លែងដាច់ស្រយាលនឹងកោតស្ញប់ស្ញែងពេលឃើញការអស្ចារ្យ*របស់លោក។+
លោកនឹងធ្វើឲ្យមនុស្សពីទិសខាងកើតដល់ទិសខាងលិចស្រែកដោយត្រេកអរ។
៩ លោកថែរក្សាផែនដីលោកធ្វើឲ្យផែនដីបង្កើតភោគផលល្អៗយ៉ាងបរិបូរ។+
ទន្លេដែលមកពីព្រះមានទឹកពេញហៀរហូរលោកឲ្យពួកគេមានស្រូវ។+នេះហើយជារបៀបដែលលោកបានរៀបចំផែនដី។
១០ លោកបន្សើមដី ហើយពង្រាបដីដែលបានភ្ជួររួចលោកបន្ទន់ដីដោយបង្អុរភ្លៀង រួចលោកឲ្យពរដើម្បីធ្វើឲ្យដំណាំដុះលូតលាស់យ៉ាងល្អ។+
១១ នៅចុងឆ្នាំ លោកផ្ដល់អ្វីៗដ៏ល្អជាច្រើន ប្រៀបដូចជាបំពាក់មកុដឲ្យផ្លូវរបស់លោកពេញទៅដោយរបស់ល្អៗច្រើនអនេក។+
១២ រីឯវាលស្មៅនៅតំបន់ស្ងាត់ជ្រងំតែងតែលាស់ខៀវខ្ចី+ហើយតាមភ្នំតូចៗមានអំណរពន់ពេកក្រៃ។+
១៣ មានហ្វូងចៀមត្រៀបត្រាលើវាលស្មៅទាំងនោះហើយជ្រលងភ្នំ*ពេញទៅដោយស្រូវ+អ្វីៗទាំងអស់នោះស្រែកច្រៀងទាំងអរសប្បាយ។+
