ចម្រៀងសរសើរព្រះ ៤៨:១-១៤
ទំនុករបស់កូនចៅកូរ៉ា។+
៤៨ ព្រះយេហូវ៉ាជាព្រះដ៏ឧត្តុង្គឧត្តម និងគួរឲ្យសរសើរបំផុតនៅក្នុងក្រុងរបស់ព្រះយើង គឺនៅភ្នំបរិសុទ្ធរបស់លោក។
២ នោះជាភ្នំស៊ីយ៉ូនស្ថិតនៅខាងជើងបំផុតជាក្រុងរបស់ស្ដេចដ៏ឧត្ដម+ភ្នំនោះខ្ពស់ត្រដែតមានសោភ័ណភាពស្អាតអស្ចារ្យនាំឲ្យផែនដីទាំងមូលសប្បាយរីករាយ។+
៣ នៅក្នុងប៉មដ៏រឹងមាំរបស់នាងព្រះបានធ្វើឲ្យមនុស្សទាំងអស់បានដឹងថាលោកជាទីជ្រកដ៏មានសុវត្ថិភាព។+
៤ មើល! ស្ដេចទាំងឡាយបានជួបជុំគ្នា*ហើយពួកគេក៏លើកគ្នាចេញទៅ។
៥ ប៉ុន្តែ ពេលពួកគេឃើញក្រុងនោះ ក៏តាំងស្ញែងខ្លាចពួកគេបានរត់ចេញទៅទាំងតក់ស្លុត។
៦ នៅទីនោះ ពួកគេភ័យឡើងញ័រខ្លួនហើយឈឺចុកចាប់ដូចស្ត្រីដែលកំពុងសម្រាលកូន។
៧ លោកកម្ទេចសំពៅតើស៊ីសដោយខ្យល់ពីទិសខាងកើត។
៨ ក្នុងក្រុងរបស់ព្រះយេហូវ៉ានៃបណ្ដាកងទ័ពស្ថានសួគ៌ គឺក្នុងក្រុងរបស់ព្រះយើងយើងបានឃើញដោយផ្ទាល់ភ្នែកនូវអ្វីដែលយើងបានឮ។
ព្រះនឹងការពារក្រុងនោះជានិច្ច។+ (ស៊ីឡា)
៩ ឱព្រះអើយ យើងរំពឹងគិតអំពីសេចក្ដីស្រឡាញ់ដ៏ស្មោះត្រង់របស់លោក+នៅក្នុងវិហាររបស់លោក។
១០ ឱព្រះអើយ ដូចនាមរបស់លោកត្រូវគេស្គាល់ទូទាំងផែនដីលោកក៏បានទទួលការសរសើរតម្កើងទូទាំងផែនដីដែរ។+
លោកតែងតែប្រើឫទ្ធានុភាពរបស់លោកធ្វើអ្វីដែលត្រឹមត្រូវ។+
១១ សូមឲ្យភ្នំស៊ីយ៉ូន+មានអំណរសូមឲ្យក្រុងនានា*របស់យូដាបានអរសប្បាយដោយសារការវិនិច្ឆ័យរបស់លោក។+
១២ ចូរដើរជុំវិញស៊ីយ៉ូន ចូរដើរជុំវិញចុះ។
ចូររាប់ចំនួនប៉មរបស់ក្រុងនោះ។+
១៣ ចូរពិចារណាមើលកំពែងក្រុងនោះឲ្យបានហ្មត់ចត់+ចូរពិនិត្យមើលប៉មមាំមួនទាំងឡាយផងដើម្បីអ្នកអាចតំណាលប្រាប់ដល់កូនចៅជំនាន់ក្រោយ។
១៤ ព្រោះលោកហើយជាព្រះរបស់យើង+ជារៀងរហូតលោកនឹងដឹកនាំយើងដរាបតទៅ។*+
កំណត់សម្គាល់
^ ឬ«បានណាត់ជួបគ្នា»
^ ន័យត្រង់«កូនស្រីៗ»
^ ឬប្រហែលជាមានន័យថា«រហូតដល់យើងស្លាប់»
