Tusagas­sat nuan­nersut Jehovameer­suup­put Guutimit pil­luartumit ilaqutariit tamarmik pil­luartuunis­saan­nik kis­saateqartumit. (1 Timotheusi 1:11) Taan­na katititseq­qaartuuvoq. Katis­simaneq ilaqutariit­tut pil­luartuunis­samut pingaaruteqarpoq meeq­qanut inersimasunul­lu toq­qis­sisimanartuugami. Kristumiut inatsisit najuk­kamin­ni atuut­tut malil­lugit katis­simanermut up­pernarsaateqartus­saap­put. — Atuakkit Lukasi 2:1, 4, 5.

Guutip katis­simaneq qanoq isigaa? Kis­saatigaa uiusoq nuliaasorlu aap­pariit­tuas­sasut. Jehovap katis­simasut im­min­nut ilumoorfige­qatigiin­nis­saat kis­saatigaa. (Hebræerit 13:4) ‘Avin­neq uumigaa.’ (Malaki 2:16, NW) Aap­paasorli al­lasior­simap­pat kristumiup avin­nis­saa kateq­qin­nis­saalu akueraa. — Atuakkit Matthæusi 19:3-6, 9.

Jehovap angut arnarlu im­min­nut tapertariit­tus­san­ngorlugit pin­ngortip­pai. (1 Mosesi 2:18) Uiusoq ilaqutariin­ni it­tuugami ilaqut­taminik pilersuinermut Guutil­lu oqaasianik ilin­niartit­sinermut tun­ngatil­lugu siut­tuusus­saavoq. Nam­minis­sarsiorani nuliaminik asan­nit­tus­saavoq. Aap­pariit asaqatigiil­lutil­lu im­min­nut ataq­qisariaqarput. Uiusut nuliaasul­lu tamarmik naam­mal­luin­nan­ngitsuum­mata aap­pariit pil­luas­sap­pata isumak­keerfigin­neriaan­naasarnis­saq pingaaruteqar­luin­narpoq. — Atuakkit Efesosimiut 4:31, 32; 5:22-25, 33; 1 Petrusi 3:7.

Aap­pariit­tut ajornartorsiu­teqarus­si marluul­lusi asan­nit­tumik im­mis­sin­nut pisarnis­sarsi sulis­sutigisaria­qarparsi. (1 Korinthimiut 13:4, 5) Guutip oqaasiani aap­pariit­tut nalingin­naasunik ajornartorsiuteqarneq pis­sutigalugu averusernis­saq kajumis­saarutigineqan­ngilaq. — Atuakkit 1 Korinthimiut 7:10-13.

Jehovap pil­luartuunis­sarsi kis­saatigaa. Meeraanis­sin­nik inuusut­tuunis­sin­nil­lu atorluaanis­sarsi pil­lugu pitsaanerpaanik siun­nersorpaasi. Angajoq­qaas­si ilisimasaan­nik misilit­tagaan­nil­lu iluaqutigin­nin­nis­sarsi kis­saatigaa. (Kolossemiut 3:20) Aam­ma Pin­ngortitsisis­si Jehovap nam­mineq pil­luni erninilu pil­lugu iliuuseqarnis­sigut nuan­naartuunis­sarsi kis­saatigaa. — Atuakkit Oqaluussisartup oqaasii 11:9–12:1; Matthæusi 19:13-15; 21:15, 16.

Soorunami meeq­qasi nerisas­saqartit­tariaqarlugil­lu atisas­saqartit­tariaqar­lugil­lu najugas­saqartit­tariaqarpasi. (1 Timotheusi 5:8) Meeq­qasili pil­luartuus­sap­pata aam­ma Guutimik asan­nit­tuunis­saan­nik taas­sumun­ngalu naalat­tuunis­saan­nik ilin­niartit­tariaqarpasi. (Efesosimiut 6:4) Ilis­si nam­mineq Guutimik asan­nin­nis­sigut meeq­qasi kil­lis­sin­naavasi. Guutip oqaasia tun­ngavigalugu ilin­niartit­tarus­sigit ajun­ngitsup tungaanut sun­nersin­naavasi. — Atuakkit 5 Mosesi 6:4-7; Ussatit 22:6.

Meeq­qat kajumis­saarneqar­tarlutil­lu nersualaar­neqar­tarunik ingerlal­luas­sap­put. Aam­ma oqaaq­qis­saarneqar­taria­qartar­lutil­lu perorsaatis­sin­neqartaria­qar­tarput. Taamaalil­lutik ajoqutigisin­naasamin­nik iliuuseqan­ngin­nis­samut il­lersor­neqar­tarput. (Us­satit 22:15) Meeq­qal­li misigit­taatsumik peq­qarniitsumil­lu naveerneqan­ngisaan­nartariaqarput. — Atuaruk Kolossemiut 3:21.

Jehovap Nalunaajaasui atuak­kanik arlalin­nik Biibilimik tun­ngavilin­nik ingam­mik angajoq­qaanut meeq­qanul­lu iluaqutaasin­naasunik saq­qum­mersitsi­simap­put. — Atuakkit Tussiaat 19:8, 12.