Ajunaarnersua­qa­raangat Jehovap Nalunaajaasuisa isumagipal­lat­tar­paat qatan­ngutimin­nik eq­qugaasunik ikiuiniartoqarnis­saa. Taman­na ilumoortumik asaqatigiin­nit­sin­nut ersiutaavoq. (Johannesi 13:34, 35; 1 Johannesi 3:17, 18) Sutigut ikiuisar­pugut?

Aningaa­sa­tigut ikiuiniar­tar­pugut. Kristumiut siul­liit nalaan­ni Judæami kaan­nersuaqarmat kristumiut Antiokiamiit­tut kristumiunut Judæamiit­tunut aningaasanik nas­sit­sipput. (Apustilit Suliaat 11:27-30) Ul­lumik­kut­taaq tusaraangat­sigu qatan­ngutivut nunami al­lamiit­tut ikiorneqartariaqavis­sut, ilagiit najuk­kat­sin­niit­tut aq­qutigalugit aningaasanik tunis­suteqartar­pugut taak­kua timik­kut pisariaqartitaat isumagineqaq­qul­lugit. – 2 Korinthimiut 8:13-15.

Allatigut­taaq ikiuiniar­tar­pugut. Utoq­qaanertat ajunaarnersuaqar­fimmiit­tut ilagiin­niit­tut tamaasa at­taviginiartar­paat taak­kualu isuman­naat­sumiin­nerat qulak­keerniartar­lugu. Amer­lanertigut ikiuiniaqatigeeqartar­poq eq­qugaasut nerisas­saqarnis­saan­nik, mingoqan­ngit­sumik imigas­saqarnis­saanik, atisas­saqarnis­saan­nik, inisimmaveqarnis­saan­nik nakorsartin­neqarnis­saan­nil­lu isumagin­nit­tunik. Jehovap Nalunaajaasuisa ilar­pas­sui nammin­neq kajumis­sut­simin­nik nammin­ner­lu aningaasartuutigalugu ajunaarnersuaqarfiusunukartar­put ikiuiniaqataa­niar­lutik imaluun­niit anger­larsimaf­fin­nik naalagaaf­filersaarfin­nil­lu iluarsaas­siniar­lutik. Peqatigiif­fit­sin­ni ataasius­suseqarner­put suleqatigiit­tarnit­sigul­lu misilit­tagaqalersimaner­put pisariaqartit­sisoqartil­lugu ikiuiniaqatigiin­nik aaq­qis­suus­sipal­lat­tarnis­samut iluaqutigaavut. ‘Uppeqativut’ isumageq­qaartaraluartigit, ajornan­ngik­kaangat al­lanik qanor­luun­niit upperisaqaraluartunik ikiuisar­pugut. – Galatiamiut 6:10.

Biibili atorlugu aamma misigis­sut­sik­kut ikiuisar­pugut. Pingaartumik ajunaarner­suarmi eq­qugaasut tuppal­lersarneqarnis­sartik pisariaqartit­tar­paat. Pis­sut­sini taama it­tuni nakus­sat­sin­neqarumal­luta Jehova, ‘Guuti tuppal­lersaajuartoq’, saaf­figisar­par­put, nakus­sat­sin­neqartar­pugul­lumi. (2 Korinthimiut 1:3, 4) Nuan­naarutigaar­put an­nikil­liortut Biibilimi neriorsuu­tigine­qartunik oqalut­tuus­sin­naagat­sigit neriorsoq­qis­saarsin­naagat­sigil­lu Guutip naalagaaf­fia naal­liun­nernut an­niarnernul­lu pis­sutaasunik tamanik suujun­naarsit­siumaartoq. – Saqqummersitat 21:4.

• Sooq Jehovap Nalunaajaasui ajunaarnersuaqaraangat pilertortumik ikiuiniarsinnaappat?

• Aniguisut Biibili tunngavigalugu qanoq tuppallersarsinnaavavut?