1, 2. Sooq qinuneq im­mik­kut pisin­naatitaaf­fit­tut isigisariaqar­par­put, aam­ma sooq qinuneq pil­lugu Biibilimi ajoqersuutigineqar­tut nalun­ngit­tariaqar­pavut?

NUNARSUAQ avataarsuanut angingaar­tumut sanil­liul­lugu mikisuararsuuvoq. Jehovamut, ‘qilam­mik nunamil­lu pin­ngor­titsisumut’, inuiaat qat­tami imer­tut kuseriar­nin­nguatut ip­put. (Tus­siaat 115:15; Esaja 40:15) Aam­mami Jehova pil­lugu ima al­las­simavoq: “Qanip­poq torlorfigisiminut tamanut, tamanut ilumoorlutik im­minut torlorfigin­nit­tunut. Mianerin­nitsiminut kis­saataan­nik ilior­tar­poq, an­nikil­lior­nermin­ni nil­lianerat tusar­tar­paa.” (Tus­siaat 145:18, 19) Taman­na qanoq isumaqar­nersoq eq­qarsaatigeriaruk! Pin­ngor­titsisup Ajugaqan­ngitsup qanis­savaatigut tusaas­sal­lutalu ‘ilumoorluta torlorfigigutsin­ni’. Guutimut qinusin­naaner­put im­mik­kut pisin­naatitaaf­fiuvoq.

² Kis­saatigigutsiguli Jehovap qin­nutivut tusar­naas­sagai taas­suma maleruagas­siai naaper­torlugit qinusariaqar­pugut. Qanorli taamaaliorsin­naas­saagut nalugutsigu qinuneq pil­lugu Biibilimi qanoq ajoqersuuteqar­nersoq? Uagutsin­nut pingaaruteqarluin­nar­poq paasis­sal­lugu taman­na pil­lugu Biibilimi qanoq al­las­simasoqar­nersoq, tas­sami qinuneq Jehovamut qanin­nerulis­sutigisin­naavar­put.

3. Jehovamut qinunis­samut pis­sutis­saal­luar­tumik eq­qaasaqarit.

³ Jehovamut qinunis­samut pis­sutis­saal­luar­tut ilagaat taas­suma  taamaalioq­qusinera. Biibilimi ima kajumis­saar­neqar­pugut: “Sumil­luun­niit isumakuluuteqar­naveeritsi, kis­saatigisasili qanoq it­tuk­kul­luun­niit Guutimut saq­qum­miut­tarsigit qinul­lusi torlulal­lusilu qujal­lusilu. Taava eq­qis­sinerup Guutimit pisup siuneqas­suser­nit tamanit an­nerungaar­tup uum­matisi eq­qarsaatisilu ser­nigis­savai Kristusi-Jiisusimi.” (Filip­pimiut 4:6, 7) Soorunami qilam­mi nunamilu Naalak­kap qutsin­ner­paasup asan­nit­tumik kajumis­saarinera taman­na sumigin­narusun­ngilar­put.

4. Qinusar­neq qanoq Jehovamut at­taveqar­nitsin­nut nakus­satsis­sutaasin­naava?

⁴ Qinunis­samut pis­sutis­saq al­la tas­saavoq Jehovamut qinusar­nerup taas­sumun­nga at­taveqar­nitsin­nik nakus­satsis­sutaasin­naanera. Ikin­ngutigiit pisariaqar­titsif­fim­min­niin­naan­ngitsoq at­taveqatigiit­tar­put. Ikin­ngutigiil­luar­tut im­min­nut soqutigisar­put, aam­ma eq­qarsaatitik misigis­sutsitil­lu isumakuluutitil­lu am­masumik oqalut­tuarisar­til­lugit ikin­ngutigiin­nerat nukit­toriar­tor­tar­poq. Jehovamut at­taveqar­ner­put ilaatigut aam­ma taamaap­poq. Jehova taas­sumalu pis­susii siuner­taalu pil­lugit Biibilimi qanoq ajoqersuuteqar­nersoq atuagaq una iluaqutigalugu paasisaqangaatsiar­putit. Taan­na kinaas­susiliviusutut ilisarisimaler­pat. Qinuneq iluaqutigalugu  qanor­piaq eq­qarsarlutil­lu misiginerlutit Ataatan­nut qilam­miusumut oqalut­tuarsin­naavutit. Taamaalior­taruil­lu Jehovamut qanin­nerujar­tuin­nas­saatit. – Jaaku 4:8.

5. Jehovap qin­nutit ilaan­naat tusar­naar­tarai sumit erser­pa?

⁵ Jehovap qin­nutit tamaasa tusar­naar­tar­pai? Malugiuk Jehova pruf­fiitip Esajap nalaani Israelik­kun­nut pikitsitsiumatuunut qanoq oqar­toq: “Qanorluun­niit qinutigigaluarus­si tusas­san­ngilas­si. As­sasi aam­mik ulik­kaar­put.” (Esaja 1:15) Tas­sa iliuutsit ilaat Guutip qin­nutitsin­nik tusar­naan­ngin­neranut pis­sutaasin­naap­put. Kis­saatigigutsigu Guuti qin­nutitsin­nik tusar­naas­sasoq piumasaqaatit tun­ngaviusut eq­qor­tit­tariaqar­pavut.

6. Guuti qin­nutitsin­nik tusar­naas­sap­pat piumasaqaatit pingaar­nerit ilaat suua, taman­nalu qanoq eq­qor­tis­sin­naavar­put?

⁶ Up­per­tuusariaqar­pugut. (Markusi 11:24 atuaruk). Apustili Paulusi ima al­lap­poq: ‘Up­persuseqar­nani Guutimit iluarisaaneq ajor­naqaaq, Guutimum­mi pisup up­perisariaqar­paa taan­na tas­saareersoq ujarlersinilu akis­sarsisis­sagai.’ (Hebræerit 11:6) Up­per­neq piviusoq tas­saagin­nan­ngilaq Guuteqar­neranik taas­sumalu qin­nutinik tusar­naarlunilu akisisar­neranik ilisiman­nin­neq. Up­per­neq iliuutsitigut erser­tariaqar­poq. Inooriaaser­put ul­lut tamarluin­naasa up­per­tuunitsin­nut up­per­narsaataasariaqar­poq erseq­qis­soq. – Jaaku 2:26.

7. (a) Sooq Jehova qinunik­kut saaf­figigaangatsigu ataq­qin­nit­tariaqar­pugut? (b) Guutimut qinugaangat­ta qanoq maniguut­tuul­lutalu ilumoor­tuusin­naavugut?

⁷ Jehovap aam­ma piumasaraa im­minut qinusut maniguul­lutik ilumoorlutil­lu taamaalius­sasut. Jehova saaf­figigaangatsigu maniguun­nis­samut pis­sutis­saqarluar­pugut, ilaa? Inuit kun­ngimik præsidentimil­luun­niit oqaloqateqar­nis­samin­nut periarfis­saqaleraangamik qaf­fasis­sumik inis­sisimaf­feqar­nera pis­sutigalugu ataq­qin­nit­tumik saaf­figin­nit­tar­put. Jehova saaf­figigaangatsigu ataq­qin­ningaar­nerusariaqar­pugut,  ilaa? (Tus­siaat 138:6) Taan­nami tas­saavoq “Guuti Ajugaqan­ngitsoq”. (1 Mosesi 17:1) Guutimut qinugaangat­ta saaf­figin­neriaatsitsin­nit erser­tariaqar­poq taas­sumun­nga sanil­liul­luta qanoq mikitiginer­put nalun­ngil­luin­narip­put. Aam­ma taamatut maniguun­neq kajumis­sis­sutigalugu uum­mam­mit pisumik qinus­saagut, ileq­quliutiin­nak­kamik uteqat­taaril­luta qinunata. Jiisusi oqar­poq qinugaangat­ta ‘oqaatsivut uteqat­taar­tas­san­ngik­kivut’ (NW). – Mat­thæusi 6:7, 8.

8. Qanoq qin­nutigisatsin­nut naaper­tuut­tumik iliuuseqarsin­naavugut?

⁸ Guutimit tusar­neqas­sagut­ta piumasaqaat al­la tas­saavoq qin­nutigisatsin­nut naaper­tuut­tumik iliuuseqar­nis­sar­put. Jehovap piumasaraa qin­nutigisar­put eq­quus­sin­naaq­qul­lugu iliuuserisin­naasavut tamaasa iliuuseris­sagivut. As­sersuutigalugu qinugut­ta “inuus­sutis­satsin­nik ul­lumi tunisigut” atorfik sulif­figisin­naasar­put suugaluar­pal­luun­niit eqiasuil­luta sulisariaqar­pugut. (Mat­thæusi 6:11; 2 Thes­salonikamiut 3:10) Uinik­kut san­ngiis­sutip ajugaaf­figinis­saanut ikior­neqar­nis­sar­put qin­nutigigutsigu avatangiisit pis­sutsil­lu us­ser­nar­torsior­titsisin­naasut ingalas­simaq­qis­saar­tariaqar­pavut. (Kolos­semiut 3:5) Piumasaqaatit tun­ngaviusut taak­kua saniatigut qinuneq pil­lugu apeq­qutinut akis­sutit aam­ma nalun­ngit­tariaqar­pavut.

9. Kimut qinusas­saagut kial­lu aq­qani?

⁹ Kimut qinusassaagut? Jiisusip ajoqersuk­kani ‘Ataatatsin­nut qilan­niit­tumut’ qinusar­nis­saan­nik ilin­niar­tip­pai. (Mat­thæusi 6:9) Tas­sa Jehovamuin­naq qinusas­saagut. Aam­mali Jehovap piumasaraa er­nituami Jiisusip Kristusip inis­sisimaf­fia akueralugu Jiisusip aq­qani qinusas­sasugut. Soorlu kapitali 5-imi paasigip­put Jiisusi nunamut aal­lar­titaavoq inuunini uter­titsis­sutitut tun­niutis­sal­lugu ajor­timit toqumil­lu aniguisin­naaq­qul­luta. (Johan­nesi 3:16; Romamiut 5:12) Taan­naavoq palasiuner­tut eq­qar­tuus­sisutul­lu toq­qagaasoq. (Johan­nesi 5:22; Hebræerit 6:20) Taamaat­tumik Biibilimi inan­neqar­pugut taan­na aq­qutigalugu, tas­sa taas­suma  aq­qani, qinusaq­qul­luta. Jiisusi nam­mineq ima oqar­poq: “Uanga aq­qutaavunga sal­lusuis­sutaal­lungalu inuus­sutaal­lungalu; uak­kuin­naq Ataatamut pisoqarsin­naavoq.” (Johan­nesi 14:6) Qin­nutivut tusar­neqas­sap­pata Jehovamut qinusas­saagut taas­suma ernerata aqqani.

10. Sooq qinunermi aalajangersimasumik inis­sisimaneq pisariaqan­ngila?

¹⁰ Qinunermi aalajangersimasumik inissisimasariaqarpugut? Naamik. As­savut paarlas­sanerivut al­latigul­luun­niit iliuuseqas­sanersugut Jehovap piumasarin­ngilaa. Biibili naaper­torlugu qinunermi timi as­sigiin­ngitsor­pas­suar­nik inis­sisimasin­naavoq. As­sersuutigalugu is­siasoqarsin­naavoq, sikingasoqarsin­naavoq, seeq­qumiar­toqarsin­naavoq nikorfasoqarsin­naal­lunilu. (Nehemia 8:6; Danieli 6:11; Lukasi 18:13, 14) Pingaar­ner­paaq tas­saanani timip inis­sisimanera al­lanit takuneqarsin­naasoq tas­saavoq uum­matik­kut eq­qor­tumik pis­suseqar­neq. Al­laam­mi ul­luin­nar­ni sam­misar­tak­katsin­nik suliaqar­til­luta ajor­nar­toor­til­lutaluun­niit nipaatsumik Guutimut qinusin­naavugut. Jehovap qin­nutit taama it­tut tusar­tar­pai inun­nit eq­qatsin­niit­tunit malugineqan­ngik­kaluar­pataluun­niit. – Nehemia 2:1-6.

11. Nam­minermut tun­ngasut suut qin­nutitsin­nut ilan­ngus­sin­naavavut?

¹¹ Suut qinnutigisinnaavavut? Biibilimi al­las­simavoq “piumasaminut naaper­tuut­tumik qin­nuigigutsin­ni [Jehovap] tusarumaaraatigut”. (1 Johan­nesi 5:14) Tas­sa Guutip piumasaanut naaper­tuut­toq sunaluun­niit qin­nutigisin­naavar­put. Guutip piumasaraa uagutsin­nut tun­ngasut isumakuluutivul­lu pil­lugit qinusas­sasugut? Ilaana! Jehovamut qinuneq ikin­ngutigil­luak­kamik oqaloqateqar­nermut as­sersuun­neqarsin­naavoq. Am­masumik oqalus­sin­naavugut ‘uum­mam­miugisavul­lu tamaasa taas­sumun­nga saq­qum­miul­lugit’. (Tus­siaat 62:9) Pitsaas­saaq anersaaq il­ler­nar­toq qin­nutigisarutsigu, taan­nami eq­qor­tumik ilior­nis­satsin­nut iluaqutigis­savar­put. (Lukasi 11:13) Aam­ma Guutimut qinusarsin­naavugut misilin­neqar­ner­ni piner­tusaar­nis­samut nakus­satseq­qul­luta isumatusaar­tumil­lu  aalajangiinis­samut siulersoq­qul­luta. (Jaaku 1:5) Ajor­tuliorsimagaangat­ta qinusariaqar­pugut Kristusip pil­liutaa tun­ngavigalugu isumak­keerfigeq­qul­luta. (Efesosimiut 1:3, 7) Soorunami qin­nutivut nam­minermut tun­ngasuin­naas­san­ngil­lat. Aam­ma inuit al­lat – up­peqativut ilaqut­tavul­lu – qin­nut­tariaqar­pavut. – Apustilit Suliaat 12:5; Kolos­semiut 4:12.

12. Ataatatsin­nut qilam­miusumut tun­ngasut qanoq qin­nutitsin­ni pingaar­ner­paatis­sin­naavavut?

¹² Qinugaangat­ta Jehovamut tun­ngasut pingaar­ner­paatit­tariaqar­pavut. Ajun­ngis­susersua pil­lugu un­nersiutiginis­saanut qutsaviginis­saanul­lu pis­sutis­saqarluar­pugut. (1 Nalunaarsuutit 29:10-13) Jiisusip qinunermut najoq­qutas­sip­paatigut. (Mat­thæusi 6:9-13 atuak­kit). Ataatar­puumi ilin­niar­tip­paatigut Guutip aq­qata il­ler­narsisin­neqar­nis­saa, tas­sa il­ler­nar­tutut pineqar­nis­saa, siul­liul­lugu qin­nutigisas­sagip­put. Tul­liul­lugu Jiisusip qin­nutigaa Guutip naalagaaf­fiata tikiun­nis­saa taas­sumalu piumasaata “qilam­misut nunamis­saaq” pinis­saa. Jiisusip qin­nutigineqar­tut Jehovamut tun­ngasut pingaaruteqar­tut taak­ku qin­nutigereerlugit nam­minerisamut tun­ngasut aatsaat sam­miler­pai. Taamatut­taaq Guuti qin­nutitsin­ni pingaar­ner­paatit­tarutsigu ersersis­savar­put im­minuin­naq eq­qarsaatiginata.

13. Qin­nutit­ta qanoq takitiginis­saat pil­lugu Biibilimi qanoq al­las­simasoqar­pa?

¹³ Qinnutivut qanoq takitigissappat? Nam­mineq qin­nutit katersorsimasul­lu sin­nerlugit qin­nutit qanoq takitigis­sanersut Biibilimi kil­liler­neqan­ngilaq. Qin­nutit takis­susii as­sigiin­ngis­sin­naap­put neriler­nermi naatsun­nguusin­naal­lutik nam­mineerlunilu Jehovamut uum­mam­miugisanik sivisuumik aniatitsisoqarsin­naal­luni. (1 Samueli 1:12, 15) Jiisusil­li inuit al­lanit malugeq­qusaarlutik sivisuumik qinusut as­suarai. (Lukasi 20:46, 47) Qin­nutit taama it­tut Jehovap iluarin­ngilai. Pingaar­ner­paavoq uum­mam­mit pisumik qinunis­saq. Tas­sa qin­nutit­ta takis­susiat al­lan­ngorarsin­naavoq pisariaqar­titsineq pis­sutsil­lu apeq­qutaatil­lugit.

14. ‘Qinut­tuin­nar­nis­satsin­nik’ Biibilimi kajumis­saar­neqar­ner­put qanoq paasisariaqar­pa, taman­nalu sooq tup­pal­ler­nar­pa?

 ¹⁴ Qanoq akulikitsigisumik qinusassaagut? Biibilimi kajumis­saar­neqar­pugut ‘qinunitsin­ni qasusuis­sasugut’ aam­ma ‘qinut­tuin­nas­sasugut’. (Romamiut 12:12; 1 Thes­salonikamiut 5:17) Soorunami imaan­ngilaq ul­loq naal­lugu kipisuitsumik Jehovamut qinusas­sasugut. Biibilimiliuna kajumis­saar­neqar­tugut akulikitsumik qinusas­sasugut. Jehova uagutsin­nut ajun­ngisaar­tar­nera pil­lugu qutsavigiuar­tariaqar­par­put, saaf­figiuar­tariaqar­par­pul­lu siun­nersoq­qul­luta, tup­pal­lersaq­qul­luta nakus­satseq­qul­lutalu. Tup­pal­ler­naqaaq ilisimal­lugu qanoq akulikitsigisumik qanorlu sivisutigisumik qinusar­nis­sar­put Jehovap kil­lilin­ngik­kaa. Qinunerup im­mik­kut pisin­naatitaaf­fiunera pingaar­tik­kutsigu Ataatatsin­nut qilam­miusumut qinunis­samut kajumis­sisin­neqar­tuas­saagut.

15. Sooq nam­mineq qinuneq katersorsimasunilu qinoqatigiin­neq naggaserlugu “amen”-neer­tariaqar­pugut?

¹⁵ Qinuneq naggaserlugu sooq “amen”-neertariaqarpugut? Oqaaseq “amen” isumaqar­poq “ilumut” imaluun­niit “taamaalili”. Oqalut­tuanit Biibilimeersunit arlalin­nit erser­poq nam­mineq qinuneq katersorsimasul­lu qinoqatigiin­nerat naggaserlugu “amen”-neer­tar­neq naleq­qut­tuusoq. (1 Nalunaarsuutit 16:36; Tus­siaat 41:14) Nam­mineq qin­nut naggaserlugu “amen”-neer­nik­kut up­per­narsar­neqar­tar­poq oqaaserisat tamaasa ilumoorul­lugit. Katersorsimasuni inuk al­la qinoqatigiis­sitsereersoq eq­qarsaatik­kut tusaaneqarsin­naasumil­luun­niit “amen”-neerut­ta ersersis­savar­put oqaaserineqar­tut isumaqatigigivut. – 1 Korinthimiut 14:16.

16. Qin­nutinut tun­ngatil­lugu suna up­peril­luin­narsin­naavar­put?

¹⁶ Jehova qin­nutinik akisisar­pa? Aap, up­peril­luin­narsin­naavar­put ‘qin­nutinik tusar­tar­tup’ inuit eq­qor­tuliorusut­tut mil­lionilik­kuutaat qin­nutaan­nik akisisar­nera! (Tus­siaat 65:3) Jehovap qin­nutivut as­sigiin­ngitsutigut akisin­naavai.

17. Sooq oqarsin­naavugut Guutip qin­nutivut akigaangamigit in­ngilini kif­fanilu nunamiit­tut ator­tarai?

 ¹⁷ Jehovap in­ngilini kif­fanilu nunamiit­tut atorlugit qin­nutit akisar­pai. (Hebræerit 1:14) Inuit Biibilimik paasin­nik­kusul­lutik Guutimut ikioq­qunerisa kingunin­nguatigut Jehovap kif­faanit pulaar­neqar­tarsimaneran­nik oqalut­tuar­pas­suaqar­poq. Misigisat taamaat­tut Guutip naalagaaf­fianik oqaluus­sis­sutigin­nin­nerup in­ngilinit siulersor­neqar­neranut up­per­narsaataap­put. (Saq­qum­mersitat 14:6) Ikior­neqar­tariaqar­nitsin­ni qin­nutivut akiumal­lugit Jehovap kristumiu ikioriar­tor­tis­sin­naavaa. – Us­satit 12:25; Jaaku 2:16.

18. Jehovap kif­fami qin­nutaat akigaangamigit oqaatsini anersaanilu il­ler­nar­toq qanoq ator­tar­pai?

 ¹⁸ Jehovap Guutip aam­ma oqaatsini anersaanilu il­ler­nar­toq ator­tar­pai kif­fami qin­nutaat akigaangamigit. Misilin­neqar­nerit naam­magalugit ator­nis­saan­nut ikior­neqar­nis­samik qin­nutivut akisin­naavai anersaani il­ler­nar­toq aq­qutigalugu siun­nersorluta nakus­satsil­lutalu. (2 Korinthimiut 4:7) Siun­nersoq­qul­luta qinugaangat­ta Biibilimi akis­sutis­saqarajup­poq. Jehovap Biibili aq­qutigalugu ikior­tar­paatigut isumatusaar­tumik aalajangiinis­satsin­nut. Im­maqa nam­mineq Biibilimik atuaq­qis­saar­nitsin­ni kristumiul­luun­niit atuagas­siaataan­nik, soorlu atuak­kamik matumin­nga, atuar­nitsin­ni Biibilimi al­las­simaf­fin­nik iluaqutigisin­naasatsin­nik nas­saar­pugut. Im­maqa kristumiut ataatsimiin­neran­ni ilagiin­niluun­niit utoq­qaaner­tap isumas­suil­luar­tup oqaaserisaata kingunerisaanik Biibilimut tun­ngasunik eq­qarsaatigisariaqak­katsin­nik maluginiagaqar­pugut. – Galatiamiut 6:1.

19. Ilaan­nik­kut qin­nutivut akineqar­pasin­ngik­kaangata suna eq­qaamasariaqar­par­put?

¹⁹ Jehovap qin­nutivut akinialuusaar­pasip­pagit imaan­ngisaan­nar­poq akisin­naan­ngik­kai. Eq­qaamasariaqar­par­put Jehova tamatigut piumasani naaper­torlugu aatsaal­lu pif­fis­saq aalajangik­kani nal­liuk­kaangat qin­nutinik akisisar­toq. Pisariaqar­titavut nalun­ngilai, qanorlu isumagis­sanerlugit uagutsin­nit nalun­ngin­nerungaar­paa. Ilaan­nik­kut ‘qinutiin­nar­tarlutalu  ujarler­tiin­nar­tarlutalu kasut­tor­tiin­nar­tar­paatigut’. (Lukasi 11:5-10) Nikal­luus­sin­ngin­nitsigut Jehovamut ersersis­savar­put up­per­ner­put piviusuusoq qin­nutigisavul­lu pimoorul­luin­narivut. Aam­ma imaas­sin­naavoq Jehovap qin­nutivut ilimagin­ngisatsitut akigai. Misilin­neqaatigisaq aalajangersimasoq pil­lugu qinugut­ta im­maqa ajor­nar­torsiut peer­nagu naam­magalugu ator­nis­saanut nakus­satsil­luta akis­savaatigut. – Filippimiut 4:13 atuaruk.

20. Qinusin­naaneq im­mik­kut pisin­naatitaaf­fiusoq erlin­nar­toq sooq atorluar­tariaqar­par­put?

²⁰ Avataarsuanik Pin­ngor­titsisup iluarisamisut qinusunut tamanut qanin­nera qujamasuutigingaarsin­naavar­put. (Tussiaat 145:18 atuaruk). Jehovamut qinusin­naaneq im­mik­kut pisin­naatitaaf­fiusoq atorluar­niar­tigu. Taamaaliorut­ta nuan­naarutigisin­naavar­put ‘qin­nutinik tusar­tar­tumut’ qanil­liar­tor­tuar­ner­put.