1. Sooq in­ngilit pil­lugit paasisaqar­tariaqar­pugut?

INUK al­la ilisarisimaler­niaraan­ni amerlaner­tigut taas­suma ilaqutai pil­lugit aam­ma paasisaqar­tariaqar­poq. Jehova ilisarisimaler­niarlugu aam­ma taas­suma ilaqutariis­sui in­ngiliusut pil­lugit paasisaqar­nerusariaqar­pugut. In­ngilit Biibilimi ‘Guutip er­nerinik’ taaneqar­put. (Jobi 38:7) Taak­ku Guutip siuner­taani qanoq ator­neqar­pat? Inuiaat oqalut­tuarisaaneran­nut sun­niuteqarsimap­pat? In­ngilit inuunitsin­nut sun­niuteqar­pat? Taamaap­pal­lu qanoq?

2. Kia in­ngilit pin­ngor­tip­pai, qas­siup­pal­lu?

² In­ngilit Biibilimi hundredileriarlutik eq­qar­tor­neqar­put. In­ngilit pil­lugit paasisaqar­nerujumal­luta eq­qar­tuif­fiusut taak­kua ilaat ikit­tut misis­soriar­tigit. Kia in­ngilit pin­ngor­tip­pai? Kolos­semiunut al­lak­kat 1:16-imi ima al­las­simavoq: “Taas­sumuuna [Jiisusik­kut Kristusik­kut] suut tamarmik pin­ngor­titaap­put qilan­ni nunamilu.” Tas­sa Jehovap angajul­liliani aq­qutigalugu pin­ngor­titat anersaajusut in­ngilit tamaasa ataasiak­kaarlugit pin­ngor­tip­pai. Qas­siup­pat? Biibilimi ersersin­neqar­poq Guuti in­ngilinik mil­lionilin­nik pin­ngor­titsisoq taak­kulu tamarmik “pis­saasut”. – 2 Thes­salonikamiut 1:7; Tus­siaat 103:20. *

3. In­ngilit pil­lugit Jobimik al­lak­kat 38:4-7 qanoq paasisaqarfigaavut?

 ³ Biibilimi al­las­simavoq nunarsuaq tun­ngaviler­neqarmat ‘Guutip er­neri tamarmik niper­tik il­lugalugu qiim­mat­tar­tut’. (Jobi 38:4-7) Tas­sa in­ngilit piup­put inuit pin­ngor­tin­neqar­nerat sioq­quterujus­suarlugu, aap al­laam­mi nunarsuup pin­ngor­tin­neqar­nera sioq­qul­lugu. Versini taak­kunani aam­ma erser­poq in­ngilit misigis­suseqar­tut, al­las­simavormi ‘tamarmik tipaatsut­tut’. Malugiuk ‘Guutip er­neri tamarmik’ nuan­naar­tut. Tas­sa taamani in­ngilit tamarmik ilaqutariis­suar­nut ataasius­suseqar­tunut Jehovamut Guutimut kif­far­tor­tunut ilaap­put.

4. In­ngilit aalajaatsut inun­nik soqutigin­nin­nerat Biibilimi qanoq erser­pa?

⁴ In­ngilit inuit siul­liit pin­ngor­tin­neqar­neran­nik isigin­nit­tuup­put, taamanimiil­li in­ngilit aalajaatsut inun­nik amerliar­tor­tunik Guutil­lu siuner­taata naam­mas­sineqar­nis­saanik soqutigin­ningaarsimap­put. (1 Petrusi 1:11, 12) Pif­fis­sal­li ingerlanerani in­ngilit malugaat inuit amerlanersaasa Pin­ngor­titsiser­tik asan­nit­toq kif­far­torfiginiar­nagu aalajanger­nerat. Taman­na in­ngilinut aalajaatsunut aliasuutaasimas­saaq. Inum­mil­li ataasiin­narmil­luun­nit Jehovamut uter­toqaraangat ‘in­ngilini nuan­naarutigineqar­tar­poq’. (Lukasi 15:10) In­ngilit Jehovap kif­faasa ingerlal­luar­nis­saan­nik taama soqutigin­nitsiginerat pis­sutigalugu tupin­nan­ngilaq Jehovap kif­fani nunamiusut aalajaatsut nakus­satsin­niarlugit ser­nis­sor­niarlugil­lu in­ngilit ator­tarsimam­magit. (Hebræerit 1:14 atuaruk). Oqalut­tuanik tamatumin­nga ersersitsisunik sam­misaqariar­ta.

5. In­ngilit inun­nik ikiuineran­nik Biibilimi oqalut­tuarineqar­tunik eq­qaasaqarit.

⁵ Loti naaper­tuil­luar­tuusoq paniilu il­loqarfiit guutiitsuuf­fiusut Sodomap Gomorral­lu piuneerun­neqar­neran­nit aniguisin­naaq­qul­lugit in­ngilinit marlun­nit ulorianar­torsiorfiusup avataanukaan­neqar­put. (1 Mosesi 19:15, 16) Tamatuma kingor­na ukiut hundredil­lit qaangiut­tut pruf­fiiti Danieli itersaliamut løvit inaan­nut igin­neqar­poq, ajoqusin­ngilarli. Danieli ima oqar­poq:  “Guutima in­ngilini aal­lar­til­lugu løvit qar­ni matuai.” (Danieli 6:23) Kristumiut siul­liit nalaan­ni in­ngilip apustili Petrusi par­naarus­sivim­mit aniguisip­paa. (Apustilit Suliaat 12:6-11) Jiisusi nunami kif­far­tor­nermi aal­laq­qaataani in­ngilinit qiim­mas­sar­neqarlunilu nakus­satsin­neqar­poq. (Markusi 1:13) Jiisusil­lu toqun­ngitsiar­nerani in­ngili taas­sumun­nga takutip­poq “nakus­satsil­lugulu”. (Lukasi 22:43) Jiisusip inuunermini pif­fis­sani pingaarutilin­ni taak­kunani taamatut ikior­neqar­nini tup­pal­lersaatigingaarlugulu qiim­mas­saatigingaarsimas­savaa.

6. (a) In­ngilit Guutip in­nut­taanik ul­lumik­kut qanoq ser­nis­suisar­pat? (b) Apeq­qutit suut maan­na sam­mis­savavut?

⁶ In­ngilit Guutip kif­faanut nunarsuarmiit­tunut takutis­saar­nikuup­put. Inun­nit takuneqarsin­naan­ngik­kaluarlutik Guutip in­nut­taanik ser­nis­suisar­put, pingaar­tumik anersaak­kut ajoqusiisin­naasunut tamanut. Biibilimi ima al­las­simavoq: “Naalak­kap in­ngilia taas­sumin­nga mianerin­nit­tut eq­qaan­ni inis­sis­saaq, aniguisis­savaalu.” (Tus­siaat 34:8) Tamatumin­nga ilisiman­nin­neq tup­pal­lersaataangaar­poq. Sooq? Anersaapiloqarmat ulorianar­tunik uagutsin­nik piuneerutsitserusut­tunik! Taak­ku kik­kuup­pat? Sumin­ngaan­neer­pat? Qanoq ajoquser­niar­paatigut? Apeq­qutit taak­ku akis­sutis­sarsiumal­lugit inuit oqalut­tuarisaanerata aal­laq­qaataani pisimasoq sam­milaariar­tigu.

7. Saatanip Guutimik tunus­sititsiniaanermini qanoq iluatsitsigaa?

⁷ Soorlu kapitali 3-mi paasigip­put in­ngilit ilaata al­lanut naalagaarusus­suseq ineriar­tor­tip­paa. Taamaalil­luni pin­ngor­titap anersaajusup taas­suma Guuti tunup­paa, kingusin­nerusuk­kul­lu Saatanitut Diaavulutut ilisimaneqaler­poq. (Saq­qum­mersitat 12:9) Saatanip Evamik nakutitsinermi kingor­na ukiuni 1600-ni tul­liut­tuni inuit tamarluin­nangajaasa Guutimik tunus­sitip­pai. Ikit­tuin­naat, soorlu Abeli, Enoki Noalu, aalajaat­tuar­put. – Hebræerit 11:4, 5, 7.

8. (a) In­ngilit ilaat qanoq anersaapilun­ngor­pat? (b) Noap nalaani ulersuarmit aniguiumal­lutik anersaapiluit qanoq ilior­tariaqar­pat?

⁸ Noap nalaani in­ngilit al­lat Jehovamut pikitsitsip­put. Guutip  ilaqutariis­suini qilam­miusuni inigisar­tik qimal­lugu nunamut pip­put inut­tul­lu timeqalerlutik. Sooq? Taak­ku pil­lugit ima al­las­simavoq: “Inuit panii isigiler­paat pin­naralugit pileritsaas­satil­lu nulis­siut­tarlugit.” (1 Mosesi 6:2) Jehoval­li in­ngilit taak­kua taamatut iliuuseqar­tuar­nis­saat iliuusiisalu kingunerisaanik inuit ajorsiar­tuin­nar­nis­saat akuerin­ngilaa. Silarsuaq tamak­kerlugu ulersuar­titsil­luni inuit ajor­tut tamaasa piuneerup­pai. Guutip kif­fai aalajaatsut kisimik aniguisin­neqar­put. (1 Mosesi 7:17, 23) In­ngilit pikitsitsiumatuut, tas­sa anersaapiluit, taak­kua inut­tut timitik iperar­tariaqar­paat pin­ngor­titatul­lu anersaajusutut qilam­mut uter­tariaqarlutik. Taak­ku Diaavulumut  ililium­mata Diaavulu tas­saaler­poq “anersaapiluit naalagaanerat”. – Mat­thæusi 9:34.

9. (a) Anersaapiluit qilam­mut uteramik qanoq pineqar­pat? (b) Maan­na suna sam­mis­savar­put?

⁹ In­ngilit naalan­ngitsut qilam­mut uteramik, Saatanip pineqar­neratut, Guutip ilaqutariis­suinut in­ngiliusunut ilaajun­naarsitaap­put. (2 Petrusi 2:4) Inut­tut timeqaleq­qis­sin­naan­ngil­lat, sulili inun­nut ajorluin­nar­tumik sun­niuteqar­tar­put. Anersaapiluit taak­ku ikior­tigalugit Saatani ‘silarsuarmik tamarmik tam­mar­titsiniar­poq’. (Saq­qum­mersitat 12:9; 1 Johan­nesi 5:19) Qanoq? Pingaar­tumik periaatsit inun­nik tam­mar­titsinis­saq siuner­taralugu isumas­sarsiarineqar­tut atorlugit. (2 Korinthimiut 2:11 atuaruk). Anersaapiluit periaaserisar­tagaasa ilaat sam­meriar­tigit.

10. Anersaarsior­neq suua?

¹⁰ Anersaapiluit inun­nik tam­mar­titsisar­put anersaarsior­neq atorlugu. Anersaarsior­nik­kut anersaapiluit, toq­qaan­nar­tumik anersaanul­luun­niit at­taveqar­tar­toq aq­qutigalugu, at­tavigineqar­tar­put. Biibilimi anersaarsior­neq as­suarineqar­poq tamatumun­ngalu tun­ngasut tamarmik mianersoq­qus­sutigineqarlutik. (Galatiamiut 5:19-21) Anersaarsior­neq tas­saavoq anersaapiluit neqitarisagaat aalisar­tut neqitaqar­tar­nerat­tul­li. Aalisar­tup aalisak­kat sorliit pisarerusun­nerlugit apeq­qutaatil­lugu as­sigiin­ngitsunik neqitaqar­tar­neratul­li anersaapiluit anersaarsioriaatsit as­sigiin­ngitsut ator­tar­paat inuit tamalaat pis­saaneqarfigilerumal­lugit.

11. Anersaarsioriaatsit ilaat anersaapiluit neqitarisagaat suua, aam­ma sooq ingalas­simasariaqar­par­put?

¹¹ Anersaapiluit neqitarisagaasa ilaat tas­saavoq ilisimaneqan­ngitsunik siunis­samiluun­niit qanoq pisoqarumaar­neranik anersaarsior­nik­kut ilisimasaqaler­niar­neq. Tamatumun­nga ilaap­put paakor­neq, sin­nat­tunik nas­suiaaniar­tar­neq, ul­loris­sat najoq­qutaralugit, itumak atuarlugu, nal­lukat­taasat tarok­kor­tit krystalkugliluun­niit atorlugit siulit­tuiniar­tar­neq. Inup­pas­suit isumaqar­put siulit­tuiniar­tar­nermik sam­misaqar­neq  ajoqutaan­ngitsoq, Biibilimili ersersin­neqar­poq siulit­tuiniar­tar­tut anersaapilun­nik suleqateqar­tar­tut. As­sersuutigalugu Apustilit Suliaat 16:16-18 naaper­torlugit ‘anersaaq siulit­tuisar­toq’ niviarsiamik siulit­tuisin­naatitsivoq. Niviarsiarlu siulit­tuisin­naajun­naar­poq anersaapiluk taas­suman­nga qimagutin­neqarmat.

12. Sooq toqusimasunut at­taveqar­niar­neq ulorianar­pa?

¹² Anersaapiluit inun­nik tam­mar­titseriaasiat al­la tas­saavoq toqusimasunut saaf­figin­nin­nis­samut kajumis­saarineq. Inuit asasamin­nik toquk­kut an­naasamin­nik aliasuutigin­nit­tut toqungasut pil­lugit isum­manit kuk­kusunit sal­loqit­tar­teriaan­naasar­put. Anersaanut at­taveqar­tar­toq im­maqa im­mik­kut it­tunik paasis­sutis­siisin­naavoq toqungasul­luun­niit nipaanut as­singusumik nipeqarluni oqalus­sin­naal­luni. Taman­na pis­sutigalugu inup­pas­suit isumaqavip­put toqusimasut sumi arlaan­ni ilumut uumasut taak­kunun­ngalu at­taveqar­nik­kut qimagaasut aliasut­tut tup­pal­lersar­neqarsin­naasut. ‘Tup­pal­lersaal­li’ taama it­toq sunaluun­niit sal­luliuutaavoq ulorianarlunilu. Sooq? Anersaapiluit toqusimasup nipaa ilaarsin­naal­lugulu  taan­na pil­lugu anersaanut at­taveqar­tar­tumut paasis­sutis­siisin­naam­mata. (1 Samueli 28:3-19) Aam­mami, kapitali 6-imi paasisatsitut, toqungasut piujun­naareer­put. (Tus­siaat 115:17) Tas­sa kinaluun­niit ‘toqoreersunik siunersiuisoq’ anersaapilun­nit tam­mar­titaasimavoq Guutil­lu piumasaanut akerliusumik iliorluni. (5 Mosesi 18:10, 11 atuakkit). Taamaat­tumik mianersor­tariaqar­pugut anersaapiluil­lu neqitarisagaat ulorianar­toq taman­na itigar­til­lugu.

13. Inup­pas­suit anersaapilun­nik siooragin­nis­simagaluar­tut susin­naasimap­pat?

¹³ Anersaat ajor­tut inun­nik tam­mar­titsiin­naratik aam­ma siooralersitsisar­put. Saatanip anersaapiluil­lu susin­naajun­naarsin­neqar­nis­samik tungaanut ‘pif­fis­sakis­suser­tik’ nalun­ngilaat, aatsaal­lu taama peq­qar­niitsigiler­put. (Saq­qum­mersitat 12:12, 17) Taamaak­kaluar­toq inuit tuusintil­lit anersaanik ajor­tunik siooragin­nik­kun­naarsimap­put. Qanoq ilioramik? Anersaarsior­neq akuliusimaf­figereeraan­ni qanoq ilior­toqarsin­naava?

14. Kristumiut il­loqarfim­mi Efesosimiit­tut pisimanerat­tut anersaanit ajor­tunit qanoq aniguisin­naavugut?

¹⁴ Biibilimi oqalut­tuarineqar­poq anersaat ajor­tut qanoq akior­neqarsin­naasut qanorlu at­taveqarfigiun­naar­neqarsin­naasut. Kristumiut siul­liit il­loqarfim­mi Efesosimiit­tut pil­lugit oqalut­tuaq misis­soriar­tigu. Taak­kua ilaat kristumiun­ngun­ngik­kal­laramik anersaarsior­tar­tuup­put. Anersaarsior­tarun­naar­niarlutik aalajangeramik qanoq ilior­pat? Biibilimi ima al­las­simavoq: “Angak­kuar­niar­tarsimasut ilaasa atuagaatitik nas­sar­paat tamarmil­lu tak­kuan­ni ikual­lal­lugit.” (Apustilit Suliaat 19:19) Kristumiun­ngorlaat taak­ku atuagaatimin­nik angak­kuar­nermut tun­ngasunik suujun­naarsitsinermik­kut ul­lumik­kut anersaanik ajor­tunik akiuerusut­tunut maligas­siuip­put. Jehovamut kif­far­torusut­tut anersaarsior­nermut tun­ngasut tamaasa pigiun­naar­tariaqar­paat, ilaatigut atuak­kat, atuagas­siat, filmit, as­silis­sat nipilersuutil­lu anersaarsior­nermik kajunger­nar­pasitsitsinermik­kut pis­sanganar­pasitsitsinermik­kul­lu anersaarsior­nermik  sam­misaqarusulersitsisut. Tamak­kunun­ngat­taaq ilaap­put aar­nus­sat suul­luun­niil­lu ajor­tumut il­lersuutiginiar­neqar­tar­tut. – 1 Korinthimiut 10:21.

15. Ajus­sutsip anersaavi pis­saasut akiorsin­naajumal­lugit qanoq ilior­tariaqar­pugut?

¹⁵ Kristumiut Efesosimiit­tut atuagaatimin­nik angak­kuar­nermut tun­ngasunik suujun­naarsitsineran­nit ukiualun­nguit qaangiut­tut apustilip Paulusip ima al­laf­figai: ‘Sorsun­ner­put sorsun­neruvoq ajus­sutsip anersaavinut pis­saasunut qilaap ataaniit­tunut.’ (Efesosimiut 6:12) Tas­sa anersaapiluit uniin­nar­natik suli ajugaaniarsarip­put. Kristumiut taak­ku aam­ma qanoq ilior­tariaqar­pat? Paulusi ima al­lap­poq: “Tamani kivis­simasarsiuk up­per­nerup eq­qor­tin­naveeq­qutaa, taas­sumin­nga qamis­sin­naas­sagas­sigit Ajor­tup [Saatanip] qarsui ikumasut.” (Efesosimiut 6:16) Up­per­nerup eq­qor­tin­naveeq­qutaa tamat­ta im­mik­kut pigisar­put qajan­naan­nerujar­tor­til­lugu ajus­sutsip anersaavinut pis­saasunut akiuus­sin­naanerujar­tuin­nas­saagut. – Mat­thæusi 17:20.

16. Up­per­ner­put qanoq nakus­satsis­sin­naavar­put?

¹⁶ Up­per­ner­pul­li qanoq nakus­satsis­sin­naavar­put? Biibilimik atuaq­qis­saar­tar­nik­kut. Qarmaq qajan­naatsuus­sap­pat qarmap tun­ngaviata qajan­naatsuunis­saa pingaaruteqarluin­nar­poq. Taamatut­taaq up­per­ner­put qajan­naatsuus­sap­pat up­per­ner­put tun­ngaveqarluar­tariaqar­poq. Tun­ngavigis­savaalu Guutip oqaasianeersumik eq­qorluar­tumik ilisimasaqar­neq. Ul­lut tamaasa Biibili atuar­tarutsigu atuaq­qis­saar­tarutsigulu up­perluar­tun­ngus­saagut. Qarmap qajan­naatsup il­lersuutaaneratul­li up­per­neq taama it­toq anersaanit ajor­tunit sun­ner­neqan­ngin­nis­samut il­lersuutigisin­naavar­put. – 1 Johan­nesi 5:5.

17. Anersaat ajor­tut akiorsin­naas­sagaan­ni aam­ma qanoq ilior­toqar­tariaqar­pa?

¹⁷ Kristumiut Efesosimiit­tut aam­ma qanoq ilior­tariaqar­pat? Il­loqarfim­mi anersaapilus­siorfiungaar­tumi najugaqaramik aam­ma al­latut il­lersor­neqar­tariaqar­put. Paulusip ima al­laf­figai: ‘Qinujuar­nis­sin­ni torlulanis­sin­nilu tamatigut anersaak­kut qinusas­saasi.’ (Efesosimiut 6:18) Uagut aam­ma silarsuarmi anersaapilus­siorfiungaar­tumi inuugat­ta pingaaruteqangaar­poq il­lersor­neqaq­qul­luta qaman­nga pisumik Jehovamut qinunis­sar­put  anersaat ajor­tut akiorsin­naas­sagutsigik. Aam­ma qinunitsin­ni Jehovap aq­qata ator­tar­nis­saa pingaaruteqar­poq. (Ussatit 18:10 atuaruk). Tas­sa Jehovamut ima qinujuar­tariaqar­pugut: ‘An­naatsigut ajor­tumit,’ Saatanimit Diaavulumit. (Mat­thæusi 6:13) Jehovap qin­nutit taama it­tut akiumaar­pai. – Tus­siaat 145:19.

18, 19. (a) Sooq pin­ngor­titanut anersaajusunut ajor­tunut akiuun­nitsin­ni ajugaanis­sar­put qularin­ngilar­put? (b) Apeq­qut suna kapitalimi tul­liut­tumi akineqar­pa?

¹⁸ Anersaat ajor­tut ulorianar­tuup­put, Diaavululi akiorutsigu Guutil­lu piumasaatut ilior­nitsigut taas­sumun­nga qanil­ligut­ta siooragisariaqan­ngilavut. (Jaaku 4:7, 8 atuakkit). Pis­saanerat kil­leqar­poq. Noap nalaani pil­lagaap­put, siunis­samilu inaarutaasumik eq­qar­tuun­neqas­sap­put. (Judasi 6) Aam­ma eq­qaamatigu Jehovap in­ngiliisa pis­sarsuit ser­nis­sormatigut. (2 Kun­ngit 6:15-17) Kis­saatigingaar­paat anersaat ajor­tut akior­neran­ni iluatsis­sasugut. Soorlulusooq qiim­mas­saal­lutik suaar­taraatigut. Taamaat­tumik Jehova ilaqutariis­suilu in­ngilit aalajaatsut qiman­ngisaan­nar­tigit. Aam­ma anersaarsior­nermut tun­ngasut tamaasa ingalas­simatigit, siun­nersuutil­lu Guutip oqaasianeersut tamatigut maleruar­tar­tigit. (1 Petrusi 5:6, 7; 2 Petrusi 2:9) Taava anersaanut ajor­tunut akiuun­nitsin­ni ajugaanis­sar­put qularis­san­ngilar­put.

¹⁹ Soormiuna Guutip ajor­tunik anersaaqar­nis­saa ajus­sutsil­lu naal­liun­nar­tunik taama amerlatigisunik kinguneqar­tup atuutiin­nar­nis­saa akuerigaa? Apeq­qut taman­na kapitalimi tul­liut­tumi akineqar­poq.