1, 2. (a) Pilersaarusior­nerup pingaaruteqas­susia Jesusip qanoq erseq­qis­sarsimavaa? (b) Ingam­mik qaquguk­kut ’akis­sat naatsorsor­neqaq­qaar­tariaqar­pat’?

IL­LULIUS­SAGAAN­NI piareersarluaq­qaar­tariaqar­poq. Tun­ngavis­saa sanatin­nagu il­luliorfis­samik pis­sarseq­qaar­tariaqar­poq il­lulias­sarlu titar­taq­qaar­tariaqarluni. Sulili al­la aam­ma pisariaqar­poq. Jesus ima oqarsimavoq: ’Kinami ilarsi qaqif­filiorumaguni ingik­kal­las­san­ngin­ner­pa akis­saa naatsorsorlugu, iner­nis­saanut ator­tus­sat piginerini?’ — Lúkarse 14:28.

² Il­lulius­sagaan­ni pisariaqar­tut aam­ma aap­pariin­nik ingerlal­luar­tunik pilersitsis­sagaan­ni pisariaqar­put. Inuit ilar­pas­suisa katin­nis­sar­tik kis­saatigaat. Qas­sil­li  ’akis­saa naatsorsoq­qaar­tar­ner­paat’? Aap­pariin­neq Biibilimi ajun­ngitsumik eq­qar­tor­neqar­poq, aam­mali unam­miniar­nar­tor­tai tik­kuar­neqar­put. (Us­satit 18:22; 1 Korintumiut 7:28) Taamaat­tumik katin­niarlutik eq­qarsar­tut piviusorsior­tariaqar­put, paasil­lugu aap­pariin­neq nuan­nersor­taqarlunilu unam­miniar­nar­tor­taqar­toq.

3. Sooq Biibili katin­nis­samin­nut pilersaar­tunut iluaqutis­saal­luar­pa, apeq­qutil­lu pingasut suut akiniar­neran­ni Biibili iluaqutigisin­naavar­put?

³ Biibilili ikiuutaasin­naavoq. Un­nersuus­sutit Biibilip imarisai aap­pariin­nerup Pilersitsisuanit, Jehova Guutimit, isumas­sarsiarititaap­put. (Evfisumiut 3:14, 15; 2 Timûtiuse 3:16) Najoq­qutas­siat atuak­kami itsar­nitsami taamaat­torli ul­lutsin­nut naleq­qul­luin­nar­tumi tas­sani nas­saas­saasut atorlugit misis­soriar­tigik (1) qanoq ilil­luni paasineqarsin­naanersoq katin­nis­samut piareeq­qanerluni, (2) aap­pas­sami suut maluginiar­tariaqar­tut, aam­ma (3) aap­pas­siariin­nermi qanoq ilil­luni ileq­qoris­saar­neq ataan­nar­tin­neqarsin­naanersoq.

4. Aap­pariin­nermi pil­luar­neq atatis­sagaan­ni suna pisariaqar­pa, sooq?

⁴ Il­lulior­neq akisoorujus­suusin­naavoq, aam­mali aserfal­latsaalinera akisuujuvoq. Aam­ma aap­pariin­nermi taamaap­poq. Katin­neq im­mini unam­miniar­nar­tutut is­sin­naavoq; aam­mali puior­neqas­san­ngilaq aap­pariin­nerup ukiut ingerlaneran­ni atatiin­nar­niar­nis­saa aam­ma imaan­naan­ngitsuum­mat. Aap­pariin­nermik ataan­nar­titsiniaraan­ni suna pisariaqar­pa? Pingaar­torujus­suuvoq pisus­saaf­feqar­tutut misiginis­saq. Aap­pariin­neq Biibilimi ima al­laatigineqar­poq: „Taman­na pil­lugu angutip ataatani anaananilu qimal­lugit nuliani at­tavigis­savaa, uinin­ngus­sap­pul­lu ataaseq.“ (1 Moses 2:24) Biibili tun­ngavigalugu avis­sutaasin­naasutuaq Jesus Kristusip oqaatigisimavaa, tas­saasoq ’uersaaneq’, tas­sa inatsisinik  unioq­qutitsil­luni aap­pariin­nerup avataaniit­tumik kinguaas­siuutitigut atoqateqar­neq. (Matîuse 19:9) Katin­nis­sat eq­qarsaatigiguk­ku Biibilimi najoq­qutas­siat tamak­ku eq­qaamasariaqar­patit. Pisus­saaf­fiup an­ner­tuup tamatuma naam­mas­sinis­saanut piareersiman­ngik­kuit taava katin­nis­san­nut piareersiman­ngilatit. — 5 Moses 23:21; Nalunaajaasup oqaasii 5:4, 5.

5. Sooq katik­kusut­tut pisus­saaf­fik an­ner­tooq katin­nerup nas­satarisaa merserisariaqan­ngilaat taarsiul­luguli qujamasuutigiin­nas­sal­lugu?

⁵ Im­minut pisus­saaf­filer­nis­saq inuit ilar­pas­suisa merserisar­paat. Angut inuusut­toq ima oqarsimavoq: „Inuunerup sin­nera tamaat marluul­luta najor­tuaan­nar­nis­samik eq­qarsaatip tatineqarluin­nar­tutut par­naarus­saasutul­lu misigitit­tar­paanga.“ Katik­kusutarli ilumut asal­luin­naraan­ni pisus­saaf­fik merser­nar­tutut in­navian­ngilaq, akerlianil­li toq­qis­sisimanar­tutut is­sal­luni. Pisus­saaf­fik aap­pariin­nermut atasoq pis­sutigalugu aap­pariit atoruminar­tuni atoruminaatsunilu najor­tuaan­nar­nis­sar­tik, qanorluun­niil­lu pisoqas­sagaluar­pat tapersersoqatigiin­nis­sar­tik, kis­saatigis­savaat. Apustili Paulus al­las­simavoq piviusumik asan­nit­toq ’tamatigut kamagin­nit­tar­toq’ aam­ma ’tamatigut ilalaar­tar­toq’. (1 Korintumiut 13:4, 7) „Aap­pariit­tut pisus­saaf­fiup toq­qis­sisimanerulersip­paanga,“ ar­naq oqar­poq. „Toq­qis­sisimaneq najuin­narumal­luta im­mitsin­nut najuut­tunul­lu neriorsuuteqarsimanitsigut pilersoq nuan­naarutigisar­para.“ — Nalunaajaasup oqaasii 4:9-12.

6. Sooq inuusut­tuaraatil­luni katin­niapal­lan­ngin­nis­saq pitsaanerua?

⁶ Pisus­saaf­fim­mik taama it­tumik eq­qor­titsisin­naas­sagaan­ni inersimas­suseqar­tariaqar­poq. Taamaat­tumik apustili Paulusip kristumiut siun­nersor­pai pitsaanerus­sasoq ’inuusut­tuunerup ul­lui’, kinguaas­siuutitigut misigis­sutsit sak­kor­tuserut­torfii taamaat­tumil­lu siuneqas­sutsik­kut san­ngiil­lif­fiusin­naasar­tut, qaangiup­pata aatsaat katis­sagunik. (1 Korintumiut 7:36, NV) Inuusut­tuaq­qat  peroriar­tor­nermin­ni al­lan­ngoriar­tupal­lat­tar­put. Suli inuusoqalutik katis­simasut ukiualun­nguit qaangiutiin­nar­tut paasisar­paat nam­min­neq aap­parmil­lu pisariaqar­titatik kis­saatitil­lu al­lan­ngoriar­torsimasut. Kisitsisitigut paasis­sutis­sat takutip­paat inuusut­tuaraatil­lutik katit­tut kingusin­nerusuk­kut katit­tunit pil­luaatsun­ngor­nis­samut avin­nis­samul­lu ilimanaateqar­nerusar­tut. Taamaat­tumik katin­nis­sat tuaviupiluuteqinagu. Inuusut­tuunerit aap­paqar­nak atoruk­ku katin­nis­samut naam­mat­tumik inersimas­suseqaler­nis­samut aap­paal­luar­tun­ngor­nis­samul­lu iluaqutaasunik naleqaqisunik misilit­tagaqalis­saatit. Katin­nis­sat utaq­qisik­kuk­ku aam­ma im­minut ilik­kar­nerus­saatit — taman­nalu aap­paqaleruit aap­pariin­nerup ingerlal­luar­tin­nis­saanut pisariaqarluin­nar­poq.

7. Sooq katin­niarluni eq­qarsar­toq im­minut misis­soq­qaar­tariaqar­pa?

⁷ Aap­pas­satut takorluuk­kavit inut­tut pis­suserisas­sai taagus­sal­lugit ajor­nan­ngitsip­piuk? Inuit amerlanerit taamaat­tar­put. Il­lim­mi nam­mineq inut­tut pis­sutsitit? Il­lit inut­tut pis­sutsitit sorliit aap­pariin­nermik pil­luar­nar­tuutitseqataasin­naas­sap­pat? Uitut nuliatul­luun­niit qanoq it­tuus­savit? As­sersuutigalugu, kuk­kunitit nas­suerutigeriaan­naasar­pigit siun­nersuutinil­lu akuerseriaan­naasarlutit, imaluun­niit naq­qin­neqaraangavit im­minut il­lersor­niar­tuaan­nar­tar­pit? Nuan­naar­tuuit isumal­luar­tuul­lutil­lu, imaluun­niit nikal­lungaq­qajaagin­nar­tuuit naam­magit­taal­lioq­qajaasuul­lutil­lu? (Us­satit 8:33; 15:15) Eq­qaamas­savat aap­pariin­neq inut­tut pis­sutsik­kut al­lan­nguutiginavian­ngin­nak­ku. Kisimiit­tuunin­ni makitasuujuguit, ajual­lajasuuguit isumal­luan­ngip­pal­laar­tuuguil­lu katik­kuit aam­ma taamaas­saatit. Al­lat uagutsin­nut isigin­nin­nerat­tut im­mitsin­nut isigiuminaatsit­tarat­ta pitsaas­saaq angajoq­qaat  ikin­ngul­luun­niit tatigisaq aperis­sal­lugit siunersius­sal­lugil­lu suk­kut pitsan­ngoriaateqarsin­naanerluni. Al­lan­nguif­figisin­naasan­nik paasitin­neqaruit katin­nis­samik eq­qarsaateqalin­ngin­nin­ni taman­na sulis­sutigisin­naavat.

8-10. Katin­nis­samut piuk­kun­narsaataasin­naasunik sunik Biibilimi un­nersuus­suteqar­pa?

⁸ Biibilimi kajumis­saar­neqar­pugut Guutip anersaava im­mitsin­ni sun­niuteqar­teq­qul­lugu, pis­sutsil­lu soorlu ’asan­nin­neq, nuan­naar­neq, eq­qis­sineq, kamagit­tar­neq, ajun­ngis­suseq, up­per­neq, saamaneq im­minul­lu naalak­kersin­naaneq’ im­mitsin­ni ineriar­tor­til­lugit. Aam­ma oqaaq­qis­saar­neqar­pugut ’nutaan­ngor­tis­sasugut anersaatsigut isumaqaatitsigut inut­taarlu Guuti as­silil­lugu pin­ngor­titaq atis­sagip­put iluar­til­lugu il­ler­nar­til­lugulu ilumoor­nik­kut’. (Galâsiamiut 5:22, 23 NV; Evfisumiut 4:23, 24) Kisimiit­tuunin­ni un­nersuus­sutit tamak­ku malik­kuk­kit as­sigis­savaa aningaasanik aningaaserivim­mi katersisutit. Siunis­samimi katik­kuit iluaqutigilerumaar­pat.

⁹ As­sersuutigalugu, ar­naaguit qal­lik­kut isik­koq pival­laar­nagu ’inuup iser­tuk­kap uum­matip piata’ eq­qarsaatiginerunis­saa ilin­niarsin­naavat. (1 Pîtruse 3:3, 4) Peq­qutuujun­ngis­suseq isumak­kul­lu peq­qis­suseq ilisimas­suteqaler­nis­san­nut, ’nigaliliatut kusanar­tutut’ it­tumik pigisaqaler­nis­san­nut, iluaqutigis­savatit. (Us­satit 4:9, NV; 31:10, 30; 1 Timûtiuse 2:9, 10) Angutaaguit ar­nat inus­siar­nersumik ataq­qin­nit­tumil­lu pinis­saat ilin­niar­tariaqar­pat. (1 Timûtiuse 5:1, 2) Aalajangiinis­saq akisus­saaf­feqar­nis­sarlu ilin­niaatigalugit aam­ma pilimanian­ngis­suseq maniguus­suserlu ilin­nias­sal­lugit silatusaar­nerus­saaq. Naalagaaniar­pal­laar­neq aap­pariin­nermi ajor­nar­torsiutinik kinguneqar­tar­poq. — Us­satit 29:23; Mika 6:8; Evfisumiut 5:28, 29.

¹⁰ Tamak­kunatigut al­lan­ngor­niar­nis­saq oqitsuun­ngilaq, taman­nali kristumiut tamarmik sulis­sutigisas­saraat,  il­lil­lu taamaalioruit aap­paal­luar­tun­ngus­saatit.

11, 12. Inuit marluk im­min­nut naleq­qun­nerlutik naleq­qutin­ngin­nerlutil­luun­niit qanoq ilil­lutik paasisin­naavaat?

¹¹ Il­lit najuk­kan­ni nam­mineq aap­pas­samik qinersisar­neq ileq­quua? Taamaap­pat, nuan­narisan­nik nas­saaruit qanoq ilior­tariaqar­pit? Siul­lermik im­minut aperisariaqar­putit: ’Ilumut katik­kusup­punga?’ Ilimasulus­sin­nar­titsinik­kut inuup al­lap misigis­susiinik pin­nguar­neq iliuusiuvoq ajor­torujus­suaq. (Us­satit 13:12) Taava im­minut ima aperisariaqar­putit: ’Katin­nis­samut piareeq­qavunga?’ Apeq­qutinut marlun­nut taak­kunun­nga angeruit ingerlaq­qin­nis­san­nut najuk­kan­ni ileq­quusut aalajangiisuus­sap­put. Nunat ilaan­ni takumasaq sivisungaatsiaamik marseriarlugu saaf­figineqar­tar­poq ilisarisimaneruler­nis­saanil­lu kis­saateqar­nermik paasitin­neqar­tarluni. Akuersaar­neqan­ngik­kaan­nili piniin­nar­tariaqan­ngilaq. Eq­qaamas­savat aam­ma taan­na tamatumani nam­mineq aalajangiisin­naatitaam­mat. Akuersaar­pal­li peq­qin­nar­tunik sam­misaqaqatigiit­tar­nis­sarsi aaq­qis­sorsin­naavarsi. Taamaalior­nis­sigut paasisin­naalis­savarsi aap­pariilis­sagus­si silatusaar­nerus­sanersoq. * Taamaalinerani suut maluginiar­tariaqar­pigit?

¹² Taman­na akiniarlugu nipilersuutit marluk, im­maqa pat­tagiaq noqar­tilik guitarilu, takorloor­neqarsin­naap­put. Eq­qor­tumik nipigis­sar­neqarsimagunik tamarmik im­mik­kut tusar­nersorujus­suarmik nipilersuutigineqarsin­naap­put. Taavali marluutil­lugit nipilersuutiginiaraan­ni suna pisariaqar­pa? Im­min­nut naleq­qut­tun­ngorsarlugit nipigis­sar­neqar­tariaqar­put. Taamatut­taaq il­lit aap­pas­savil­lu akun­nis­sin­ni pisoqar­tariaqar­poq. Im­maqa tamas­si im­mik­kut inut­tut pis­sutsisi ’nipigis­sar­niarlugit’  ilungersorsimavusi. Maan­nali apeq­qutaaler­poq marluul­lusi ’nipeqatigiin­nersusi’. Al­latut oqaatigalugu: Im­mis­sin­nut naleq­qup­pisi?

13. Sooq up­peqatigin­ngisamik peerar­taar­nis­saq silatusaan­ngil­luin­nar­nerua?

¹³ As­sigiim­mik up­perisaqarlusilu inuunermi najoq­qutaqar­nis­sarsi pingaar­torujus­suuvoq. Apustili Paulus ima al­las­simavoq: ’Up­pin­ngitsut uniaam­mik al­laner­tamik uniaqatiginiaqinasigik.’ (2 Korintumiut 6:14; 1 Korintumiut 7:39) Up­peqatigin­ngisamut katik­kaan­ni ajor­nar­torsiutinik an­ner­tuunik pilersoqar­nis­saa ilimanaateqar­torujus­suus­saaq. Marluul­lusili Jehova Guutimik asan­nik­kus­si ataasius­suseqarlualersin­naas­saasi. Jehovap kis­saatigaa pil­luas­sasusi tamanil­lu qanin­ner­paamik at­taveqatigiin­nermik nuan­naarutigin­neqatigiis­sasusi. Kis­saatigaa asan­nin­nerup nimianik pingasulim­mik Im­minut ilis­sin­nul­lu ’qilersimas­sasusi.’ — Nalunaajaasup oqaasii 4:12.

14, 15. Up­peqatigiin­neq aap­pariin­nermi ingerlal­lualer­nis­samut tun­ngavis­satuaava? Nas­suiaruk.

¹⁴ Naak Guutimik pal­lorfigin­neqatigiin­neq ilaqutariin­ni ataasius­sutsimut tun­ngaviugaluar­toq pingaar­ner­paaq, taamaat­toq al­la suli pisariaqar­poq. Aap­pas­sal­lu ’nipeqatigiilersin­naas­sagus­si’ inuunis­sin­ni as­sigiim­mik anguniagaqar­tariaqar­pusi. Sunik anguniagaqar­pisi? As­sersuutigalugu, meeraqaler­nis­saq marluul­lusi qanoq isigaasiuk? Inuunis­sin­ni suut sal­liutip­pisigik? * (Matîuse 6:33) Aap­pariit ingerlal­luar­tut ikin­ngutigiil­luar­tuup­put, najor­tigiin­ner­til­lu nuan­naarutigaat. (Us­satit 17:17) Taman­na pisin­naas­sap­pat soqutigisaqaqatigiit­tariaqar­put. Taamaan­ngik­kaangat qanimut ikin­ngutigiin­nerup, ingam­mil­lu aap­pariin­nerup, atatiin­nar­niar­nis­saa  ajor­nakusoor­torujus­suusar­poq. Imali paasisariaqar­pa aap­pas­savit iliuutsit aalajangersimasut, soorlu pisut­tuar­tar­nerit, nuan­narip­pagit il­lil­lu nuan­narinagit, taava katit­tariaqan­ngitsusi? Taamaat­tariaqan­ngilaq. Im­maqa al­lanik pingaar­nerusunik soqutigisaqaqatigigiip­pusi. Aam­malu aap­pas­sat nuan­naar­tis­sin­naavat sam­misas­sanik peq­qin­nar­tunik ingam­mik taas­suma nuan­narisaanik sam­misaqaqatigisaruk­ku. — apustilit suliait 20:35.

¹⁵ Aap­pariis­sin­naanis­sas­sin­nut qanoq as­sigiitsiginersi pin­nani qanoq im­mis­sin­nut naleq­qus­sarsin­naatiginersi aalajangiisuuneruvoq. Sunut tamanut as­sigiim­mik isigin­nin­nersusi isumaliutiginagu pitsaanerus­saaq im­mis­sin­nut ima aperigus­si: „Isumaqatigiin­ngik­kaangat­ta qanoq pisoqar­tar­pa? Ataq­qeqatigiil­luta eq­qis­sisimasumil­lu isumaqatigiin­ngis­sutigisar­put oqaloqatigiis­sutigisin­naavar­put? Imaluun­niit as­sor­tuun­nerit oq­qan­nersuan­nguut­tar­pat?“ (Evfisumiut 4:29, 31) Katik­kusuk­kuit makitasuut as­sor­tuiumatuul­lu, isum­mamin­nik qasuk­kar­titsiuman­ngisaan­nar­tut, imaluun­niit naalagaaniarumatuut nam­min­nerlu isumar­tik kisiat malil­lugu iliuuseqarumatuut mianersorfigis­savatit.

16, 17. Takumasami suut maluginiar­tariaqar­pat?

¹⁶ Ilagiin­ni kristumiuni akisus­saaf­feqar­titaasut ’misilin­neqaq­qaar­tar­put’. (1 Timûtiuse 3:10) Periaaseq taman­na aam­ma il­lit atorsin­naavat. Ar­naq im­minut ima aperisin­naavoq: ’Angut taan­na qanoq tusaamasaava? Kik­kut ikin­ngutigai? Im­minut naalak­kersin­naas­suseqar­pa? Utoq­qar­nut qanoq pis­suseqar­pa? Ilaqutariin­nit qanoq it­tuneersuua? Ilaqut­taminut qanoq pis­suseqar­pa? Aningaasanut qanoq isigin­nit­taaseqar­pa? Imer­pal­laar­pa? Kamajasuua, im­maqalu al­laat nakuuser­niar­tarluni? Ilagiin­ni sunik akisus­saaf­feqar­pa, akisus­saaf­fim­minil­lu qanoq naam­mas­sin­nit­tar­pa? Ataq­qil­luin­narsin­naavara?“  — 3 Moses 19:32; Us­satit 22:29; 31:23; Evfisumiut 5:3-5, 33; 1 Timûtiuse 5:8; 6:10; Títuse 2:6, 7.

¹⁷ Angut im­minut ima aperisin­naavoq: ’Ar­naq taan­na Guutimik asan­nit­tuul­lunilu ataq­qin­nit­tuua? Angerlarsimaf­fim­mik paarsisin­naava? Ilaqutaasa qanoq ilimasuf­figaatigut? Sianisuujua, eqiasuitsuua aam­ma ileq­qaar­tuua? Suut oqal­lisigisar­pai? Al­lanik piviusumik isumas­suil­luin­nar­tuua, imaluun­niit im­minuin­naq eq­qarsaatigisuua susas­sarin­ngisaminul­lu akuliutiasuul­luni? Tatigisas­saava? Oqar­tus­saasumut naalatsigitin­nis­samut piumas­suseqar­pa, imaluun­niit uteriitsuua, al­laat pikitsitsiniarumatuujul­luni?’ — Us­satit 31:10-31; Lúkarse 6:45; Evfisumiut 5:22, 23; 1 Timûtiuse 5:13; 1 Pîtruse 4:15.

18. Peeq­qap san­ngiis­sutaanik min­nerusunik malugisaqaraan­ni suna puior­tariaqan­ngila?

¹⁸ Puius­san­ngilat takumasat al­latul­li tas­saam­mat inuk naam­mal­luin­nan­ngitsoq Adamimut kinguaajusoq, taamaat­tumil­lu oqalut­tualiami asan­nin­nilersaarum­mi inut­taasutut sutigut tamatigut iluarinar­tutut in­ngitsoq. Kik­kut tamarmik kuk­kusar­put, kuk­kuneril­lu ilaat isigin­ngitsuusaagin­nagas­saap­put. (Rûmamiut 3:23; Jâko 3:2) San­ngiis­sutsit im­mis­sin­ni paasisasi anersaak­kut ineriar­tuutigisin­naavasi. As­sersuutigalugu, peerariin­nis­sin­ni as­sor­tuus­suteqarus­si eq­qarsaatigisin­naavarsi al­laat inuit asaqatigiil­lutil­lu ataq­qeqatigiit­tut ilaan­nik­kooriarlutik isumaqatigiin­ngis­sin­naasar­tut. (Naleq­qiuguk Mosesimik al­lak­kat siul­liit 30:2; apustilit suliáinik agdlagkat 15:39.) Im­maqa marluul­lusi ’im­minut naalak­kersin­naanerup’ pis­sutsil­lu eq­qis­sisimanerusumik oqaloqatigiis­sutiginis­saata ilin­niar­nerunis­saat atorfis­saqar­tiin­nar­parsi. (Us­satit 25:28) Peeq­qat pitsan­ngoriaateqarusun­nerminik ersersitsiva? Il­lim­mi? Malus­sarin­ngin­nerulaar­nis­sat ajual­lajan­ngin­nerulaar­nis­sal­lu atorfis­saqar­tip­piuk? (Nalunaajaasup oqaasii 7:9) Ajor­nar­torsiutinik aaq­qiiniar­tar­neq ilik­karus­siuk katis­sagus­si  pisariaqarluin­nar­toq, tas­sa at­taveqatigiil­luar­neq, ineriar­tor­tis­sin­naas­savarsi. — Kulorsamiut 3:13.

19. Peerariin­nermi nalor­ninar­tunik an­ner­tuunik saq­qum­mersoqar­pat qanoq ilior­nis­saq silatusaar­nerus­sava?

¹⁹ Taavami eq­qis­sisimanar­tin­ngil­luin­nak­kan­nik peeq­qan­ni malugisaqaruit? Taamaap­pat pis­sutsit eq­qarsaatigeq­qis­saar­tariaqar­patit. Qanorluun­niit asan­nilersooq­qatigigaluaruit qanorluun­niil­lu katik­kusutsigigaluaruit kuk­kunerit ingasat­tut isigin­ngitsuusaar­tariaqan­ngilatit. (Us­satit 22:3; Nalunaajaasup oqaasii 2:14) Nalor­ninar­toqar­titan­nik peeraqaruit silatusaar­nerus­saaq at­taveqarfigiun­naas­sal­lugu ataavar­tumil­lu aap­pariin­nermik pilersitseqatigin­ngitsuus­sal­lugu.

20. Peerariit ileq­qus­satigut as­suarisas­sar­taqan­ngin­nis­sar­tik qanoq ilil­lutik qulak­keersin­naavaat?

²⁰ Aap­pas­siariin­nermi ileq­qoris­saar­neq qanoq ilil­luni atatin­neqarsin­naava? Siul­lermik, ileq­qus­satigut ilin­nut navianar­tus­saqan­ngin­nersoq qulak­keeq­qaaruk. Katis­siman­ngitsut tasior­tar­nerat imaluun­niit kunit­tar­nerat eqitaar­tar­neral­lu najuk­kas­sin­ni pis­susis­samisoor­tutut isigineqar­pat? Taamatut misigis­sutsinik ersersitsinis­samut akerliliis­sutis­saqan­ngik­kaluar­pal­luun­niit aatsaat katin­nis­sarsi aalajangiutereerus­siuk taamaaliorsin­naasariaqar­pusi. Mianersuutigisiul­li im­mis­sin­nut nuan­nariin­nis­sin­nik ersersitsisar­nis­si ileq­qorlun­nermik al­laal­luun­niit kan­ngunar­tulior­nermik kinguneqan­ngin­nis­saa. (Evfisumiut 4:18, 19; naleq­qiuguk Taal­liat asan­nin­nilersaarutit 1:2; 2:6; 8:5, 9, 10.) Uum­mat tatigisas­saan­ngitsuum­mat il­lumi, biilimi unin­ngasumi al­lamiluun­niit eq­qun­ngitsumik iliuuseqar­toorfigisin­naasas­sin­ni kisimiit­tan­ngin­nis­sarsi marluul­lusi eq­qumaf­figigus­siuk silatusaas­saasi. (Jeremia 17:9) Aap­pas­siariin­nersi ileq­qus­satigut minguitsuutik­kus­siuk takuneqarsin­naas­saaq im­mis­sin­nut naalak­kersin­naas­suseqar­tusi nam­minis­sarsiorasilu inum­mut al­lamut ajun­ngitsus­saq ilis­sin­nut  ajun­ngitsus­samit sal­liutik­kis­si. Tamanil­lu pingaar­ner­paamik, aap­pas­siariin­neq minguitsuutin­neqar­toq Jehova Guutimut, kif­faminik mingut­tuumit kan­ngunar­tulior­nermil­lu nigorsimaq­qusisumut, nuan­naarutaas­saaq. — Galâsiamiut 5:19-21.

21. Peerariit ileq­qoris­sumik at­tavigiis­sin­naas­sap­pata suut pil­lugit am­masumik oqaloqatigiin­neq pisariaqarsin­naava?

²¹ Aap­pas­saanik, aap­pas­siariin­nermi ileq­qoris­saar­nermut aam­ma un­neq­qaris­sumik oqaloqatigiit­tar­neq ilaavoq. Katin­nis­sarsi qanil­liar­tor­til­lugu arlaan­nik am­masumik oqaloqatigiis­sutigisariaqagas­saqas­saasi. Sumi najugaqas­savisi? Tamas­si sulif­feqas­savisi? Meerar­taarusup­pisi? Aam­mat­taaq im­maqa sior­natigut pisimasunik aap­pariin­nis­sin­nut sun­niuteqarsin­naasunik qulaagaqar­nis­saq pis­susis­samisuugin­nas­saaq. Tas­saasin­naap­put akiitsut pisus­saaf­fiil­luun­niit an­ner­tuut imaluun­niit peq­qis­sutsimut tun­ngasut, soorlu nap­paat an­ner­tooq. Inuit HIV-mik (AIDS-imik kinguneqar­tar­tumik) tunil­latsis­simasut ilar­pas­sui malun­nar­neq ajormata eq­qun­ngitsulior­nerus­san­ngilaq aap­pas­saq, sior­natigut tamalikat­tuusimap­pat imaluun­niit kapoorluni ikiaroor­tar­tuusimap­pat, nam­mineq angajoq­qaal­luun­niit isumas­suisut piumaf­figis­sap­pas­suk HIV-imut misis­sor­tin­nis­saanik. Paasineqar­pat HIV-er­toq, aap­pas­saraluani at­taveqar­nermin­nik taamaatitserusuler­pat tunil­latsis­simasup pin­ngitsaalinias­san­ngilaa taamaalioq­qunagu. Inuit sior­natigut tamalikat­tuusimagaluit aap­pas­siar­taan­ngin­nermin­ni nam­min­neerlutik HIV-imut misis­sor­tis­sagunik silatusaas­sap­put.

22, 23. (a) Katin­nis­samut piareersar­nermi qanoq ilil­luni ingasat­tajaar­toor­toqalersin­naava? (b) Katin­neq aap­pariin­nerlu qanoq oqimaaqatigiis­sumik isumaqarfigisariaqar­pat?

²² Katin­nis­sas­si sior­na qaam­matini kingul­ler­ni qular­nan­ngitsumik nal­liut­torsior­nis­samut piareersarlusi  ulap­puteqas­saqaasi. Ingasat­tajaar­naveersaar­nik­kut uisakajaar­neq mil­lisis­sin­naavarsi. Nal­liut­torsior­nersuaq im­maqa qanigisanut ikin­ngutinul­lu iluarusuutaasin­naagaluar­poq, kater­ngaal­li ilaqutaasalu timik­kut aningaasatigul­lu ar­torsin­neqaatigisin­naavaat. Ilaatigut pis­susis­samisoor­tar­poq ileq­quusut malis­sal­lugit, ileq­qorli unam­mil­ler­palaar­toq piaaraluni malik­kaan­ni persuarsior­nerup isumaanik matusis­saaq katin­nermilu nuan­naar­neq piis­sal­lugu. Al­lat misigis­susii eq­qarsaatigisariaqar­put, pingaar­ner­paamil­li uis­saq katin­nermi nal­liut­torsior­nermi susoqar­nis­saanut atatil­lugu aalajangigas­sanut akisus­saavoq. — Juánase 2:9.

²³ Eq­qaamas­savarsi katin­neq ul­lormik ataasiin­narmik sivisus­suseqarmat, aap­pariin­nerli inuuneq tamaat atasus­saal­luni. Taamaat­tumik katinnissinni iliuusis­sat ingasat­tajaarun­naveersaarsigik. Tamatumun­ngali taarsiul­lugu Jehova Guutimut siulersor­tigitsi, aap­pariit­tul­lu inuunermut piareersarlusi. Taamatut piareersarus­si aap­pariit­tut pil­luar­neq angusin­naas­savarsi.