OQARFIGINEQARUIT “kingor­na ajunaar­nersuaqaq­qis­san­ngilaq”, qanoq qisuarias­sagaluar­pit? Akis­sagunar­putit: ‘Sin­nat­tor­pit? Ajunaar­nersuit inuunermut ilaagin­nar­put.’ Im­maqaluun­niit eq­qarsar­putit: ‘Kinamitaavaana sal­loqit­taraa?’

Naak ajunaar­nersuit atuutiin­nar­tus­satut isik­koqaraluar­tut al­lan­ngor­toqar­nis­saa up­peris­sal­lugu tun­ngavis­saqar­poq. Al­lan­ngor­nerli inuit suliniuteqar­neratigut pis­san­ngilaq. Pin­ngor­titami qanoq aam­ma sooq taamaat­toqar­tar­toq inuit paasil­luarsin­naaneq ajor­paat, aam­ma pin­ngor­titat nukii aqus­sin­naan­ngisaan­nas­savaat. Itsaq Israelimi kun­ngi Salomo ilisimas­sutsimigut maluginiaal­laq­qis­sutsimigul­lu ilisimaneqar­toq ima al­lap­poq: “Seqer­nup ataani pisar­tut inum­mit paasineqarsin­naasan­ngitsut. Qanorluun­niit suleruloor­tigaluni ujarleraluaruni inuup tamak­ku paasisin­naan­ngilai. Ilisimasul­luun­niit oqaraluaruni tamak­ku nalunagit, taamaat­toq tamak­kunin­nga paasin­nis­sin­naan­ngilaq.” — Oqaluus­sisar­tup oqaasii 8:17.

Inuit ajunaar­nersuit aqus­sin­naan­ngip­patigit, taavami kina taamaaliorsin­naava? Biibilimi erseq­qis­sar­neqar­poq Pin­ngor­titsisorsuar­put al­lan­ngor­titsisin­naasoq. Taan­naavormi nunarsuarmik, as­sersuutigalugu er­ngup kaaviiaar­neranik, kaaviiaar­titsisuusoq. (Oqaluus­sisar­tup oqaasii 1:7) Guuti inun­nit al­laanerul­luin­nar­tumik kil­leqan­ngitsumik atorsin­naasaminik pis­saaneqar­poq. Taman­na up­per­narsar­niarlugu pruf­fiiti Jeremia ima oqar­poq: “Ila Guuti [Jehova], il­lit pis­saanersuak­kut talik­kul­lu isaas­simasuk­kut qilam­mik nunamil­lu pin­ngor­titsisutit, ilin­nut ajor­nar­toqan­ngilaq.” (Jeremia 32:17) Guutip nunarsuaq taas­sumaniit­tul­lu tamaasa pin­ngor­tik­kamigit, inuit nunarsuarmi eq­qis­sil­lutik toq­qis­sil­lutil­lu inuusin­naanias­sap­pata qanoq ilius­sanerluni nalun­ngin­ner­paavaa. — Tus­siaat 37:11; 115:16.

Qanorli ilil­luni Guuti pisariaqar­tunik al­lan­nguis­sagami? Ajor­tor­pas­suit nunarsuarmi ul­lumik­kut pisut ‘silarsuup naggatis­saanut’ ‘nalunaaqutis­satut’ oqaatigineqar­put. Jiisusi oqar­poq: “Tamak­ku tamaasa takulerus­sigit ilisimas­savarsi Guutip naalagaaf­fia qanil­lisoq.” (Mat­thæusi 24:3; Lukasi 21:31) Guutip naalagaaf­fia nunarsuarmi al­lan­nguis­saaq, al­laat pin­ngor­titami nukiit aqulis­savai. Naak Guuti nam­mineq taamaaliorsin­naagaluarluni sulias­saq er­nerminut sulias­san­ngor­tin­niarlugu aalajangersimavoq. Taan­na pil­lugu pruf­fiiti Danieli oqar­poq: “Naalagaas­susermik naalan­naam­mil­lu kun­ngius­susermil­lu tunineqar­poq; inuiaqatigiit, naggueqatigiit im­mik­kul­lu oqaasil­lit tamarmik kif­far­torfigaat.” — Danieli 7:14.

Guutip er­nera, Jiisusi Kristusi, nunarsuarmik nuan­nersun­ngor­titseq­qul­lugu al­lan­ngor­tin­neqar­tariaqar­tunik tamanik al­lan­nguinis­samut pis­saanermik pisariaqar­tumik tunineqarsimavoq. Ukiut 2000-it matuma sior­natigut Jiisusi nunarsuarmiik­kal­larami, pin­ngor­titamut pis­saaneqarluni takutil­latsiar­paa. Ilaan­ni ajoqersuk­kani ilagalugit Galilæap Tasersuani umiatsiamiitil­lutik “anorlersorsuan­ngor­poq kaavit­tuliorluni, mal­lil­lu umiatsiaq qarsuavaat ulik­kaangajal­lugulu im­matsil­lugu”. Ajoqersugai  ersiler­put. Inuuner­tik an­naanialeramik­ku Jiisusi saaf­figaat. Jiisusi qanoq ilior­pa? “Anorersuaq ap­pisaluup­paa tasersuarlu oqarfigalugu: ‘Nipangerit, qatsorit!’ Taava anoraarul­luin­nar­poq manis­sil­luin­narlunilu.” Ajoqersugai tupigusoqaat aperalutil­lu: “Kinaam­manuna anorersuup tasersuul­lu naalak­kaat?” — Markusi 4:37-41.

Kingor­nali Jiisusi anersaatut pis­saanermik oqar­tus­saas­susermil­lu suli an­nerusumik tunineqarluni qutsis­sisin­neqar­poq. Guutip naalagaaf­fiani kun­ngitut akisus­saaf­feqarlunilu pigin­naaneqar­poq inuit nunarsuarmi eq­qis­sil­lutik toq­qis­sil­lutil­lu inuusin­naaq­qul­lugit pisariaqar­tumik al­lan­nguinis­saminut.

Soorluli paasereerip­put, ajor­nar­torsiuter­pas­suit ajunaar­nersuil­lu inun­nit piliarineqarsimap­put nam­minis­sarsior­ner­tik pigisalerituner­til­lu pis­sutigalugit. Ajor­tulior­tuaan­nar­tut al­lamil­lu isumataarusun­ngitsut Guutip naalagaaf­fianit qanoq pineqas­sap­pat? Naalak­kap Jiisusip tikiun­nis­saa pil­lugu Biibilimi ima al­las­simavoq: “Jiisusi in­ngilini pis­saasut ilagalugit qilam­mit [saq­qum­mersitaas­saaq] in­nermi ikualasorsuarmi, aggiul­lugu pil­laatis­saq Guutimik ilisimasaqan­ngitsunut Naalak­kamil­lu Jiisusimik iivangkiiliumut naalak­kuman­ngitsunut”. Aap, “aserus­savatil­lu nunarsuarmik aseruisut”. — 2 Thes­salonikamiut 1:7, 8; Saq­qum­mersitat 11:18.

Tamatuma kingor­natigut ‘Kun­ngit Kun­ngiata’, Jiisusip Kristusip, pin­ngor­titap nukinga tamak­kiisumik aqulis­savaa. (Saq­qum­mersitat 19:16) Naalagaaf­fium­mi in­nut­taasut ajunaar­nersuar­nit eq­qor­neqaq­qin­ngin­nis­saat qulak­kiis­savaa. Pin­ngor­titap nukinga pis­susis­samisut ingerlaalersil­lugu sila ukiul­lu nikerar­neri inuian­nut iluaqutaasus­san­ngorlugit pis­saanini atus­savaa. Taamaalil­luni Jehovap in­nut­taminut qangarsuarli neriorsuutigisani piviusun­ngor­tis­savaa: “Taava pif­fis­sat eq­qorlugit nunas­sin­ni sial­lersitsisas­saanga nuna naatitaqar­til­lugu or­piil­lu narsaatiniit­tut inerititaqar­til­lugit.” (3 Mosesi 26:4) Inuit il­lulior­tas­sap­put ajunaar­nersuaqar­til­lugu an­naanis­saat an­nilaan­ngatiginagu: “Il­luliorumaar­put nam­min­neq inigisas­samin­nik viin­nequtinil­lu ik­kus­suil­lutik inerititaat nerisas­samin­nik.” — Esaja 65:21.

Qular­nan­ngitsumik il­lit al­latul­li nunarsuaq ajunaar­nersuaqarfiun­ngitsoq nuan­nerunar­tip­pat. Taman­na misigis­saguk­ku qanoq ilius­savit? ‘Guutimik ilisimasaqan­ngitsut’ aam­ma ‘iivangkiiliumut naalak­kuman­ngitsut’ nunarsuarmi ajunaar­nersuaqarfiun­ngitsumi inooqataas­san­ngil­lat, taamaat­tumik Guuti pil­lugu maan­nangaaq ilin­niar­tariaqar­pugut taas­sumalu nunarsuarmik aqutsineranik tapersersuisariaqarluta. Guutip piumasaraa ilisarilis­sagitsin­ni naalagaaf­fim­mil­lu tusagas­saq nuan­nersoq er­nermigut pilersitani akueris­sagip­put.

Taman­na paasiumal­lugu periaaseq pitsaaner­paaq tas­saavoq Biibilimik peq­qis­saar­tumik atuaq­qis­saar­tar­neq. Naalagaaf­fiup aqutsinerani toq­qis­sisimasumik inuunis­samut pisariaqar­tut ilin­niar­neqarsin­naap­put. Soormi Biibilimi suut ajoqersuutigineqar­nersut paasiumal­lugit Jehovap Nalunaajaasuinut ikioq­quguit? Ikior­niarlutit piareersimap­put. Ataaseq qularutis­saan­ngilaq — Guuti ilisimaler­niarlugu nutaarsias­sarlu nuan­nersoq naalan­niarlugu ilungersoruit oqaatsit Us­satit 1:33-miit­tut ilin­nut aam­ma eq­quutis­sap­put: “[Uan­nut] naalat­toq aarlerinaatsumik najugaqas­saaq eq­qis­sil­lunilu inuus­sal­luni perlus­sanik aarlerigisaqar­nani.”