Jehova pruf­fiitini Ezekieli aq­qutigalugu siulit­tuivoq in­nut­tani nunamut neriorsuutigisamut uterumaar­tut tas­saaleq­qik­kumaar­tul­lu inuiaat ataatsit. Siulit­tuut taan­na Guutimik pal­lorfigin­nit­tut ul­lus­sani kingul­ler­ni ataasius­suseqaler­nis­saan­nik aam­ma siulit­tuutaavoq.

Jehovap pruf­fiitini Ezekieli qisun­nut marlun­nut al­lagaqaq­quaa. Aap­paanut ima al­las­saaq: “Juda iligisaalu, Israelik­kut.” Aam­ma ima peq­quaa: “Qisuminermik al­lamik – tas­sa Efraimip qisuminer­taanik – tigusil­lutit tas­sunga al­lagit: Josefi iligisaalu, Israelik­kut tamarmik.” Qisuit taak­ku marluk Ezekielip as­saani ‘ataasin­ngus­sap­put’. – Ez 37:15-17.

 “Efraimi” eq­qaaneqarmat kik­kut pineqar­pat? Israelik­kut naggueqatigiis­sor­taasa quliusut naalagaaf­fian­ni avan­narlermi Efraimik­kormiut nuimanersaap­put. Aam­mami naalagaaf­fim­mi tamatumani kun­ngiusoq siul­leq, Jeroboami, Efraimik­kut naggueqatigiis­sor­taan­neersuuvoq. (5 Mos 33:13, 17; 1 Kng 11:26) Taak­ku Efraimimit, Josefip er­neranit, naggueqar­put. (4 Mos 1:32, 33) Josefi angum­minit Jaakumit im­mik­kut pil­luaq­quneqarsimavoq. Taamaat­tumik ‘Efraimip qisuminer­taata’ naggueqatigiis­sor­tat quliusut naalagaaf­fian­nut avan­narlermut as­sersuutaanera naleq­qup­poq. Kr.in.si. 740-mi, Ezekielip siulit­tuinera sioq­quterujus­suarlugu, As­syriamiut Israelik­kut naalagaaf­fiat avan­narleq ajugaaf­figaat in­nut­taalu tigusaralugit. (2 Kng 17:6) Ukiut arlal­lit tamatuma kingor­na Babylonimiut As­syriamiut ajorsar­tip­paat. Tas­sa Ezekielip qisuit marluk pil­lugit siulit­tuutini al­lam­magu Israelik­kut amerlanersaat Babylonimiut naalagaaf­fis­suan­ni sumi tamanut siam­marsimap­put.

Kr.in.si. 607-imi Babylonimiut Juda, naggueqatigiis­sor­tat marluusut naalagaaf­fiat, tiguar­paat inuil­lu Babylonimut aal­larul­lugit. Aam­ma naalagaaf­fim­mi avan­narlermi Israelimi amiak­kuusut aal­larus­simasin­naavaat. Naalagaaf­fim­mi kujal­lermi kun­ngiusut Judak­kun­neersuup­put. Palasil­lu Jerusalemimi naalaf­fim­mi kif­far­toramik Judami najugaqar­put. (2 Nal 11:13, 14; 34:30) Taamaat­tumik ‘Judap’ qisuminer­taa naggueqatigiis­sor­tat marluusut naalagaaf­fian­nut kujal­lermut as­sersuutaanera naleq­qup­poq.

Qisuit taak­ku marluk qanga ataasin­ngor­til­lugit ataatsimut kat­tutsin­neqar­pat? Taman­na pivoq Kr.in.si. 537-mi, naalagaaf­fim­mit kujal­lermeersut avan­narlermeersul­lu ilaat naalaf­fik sanaq­qik­kiar­torlugu Jerusalemimut utermata. Inuiaat Israelik­kut avis­saaq­qajun­naarlutik ataatsimoorlutik Jehova pal­lorfigeq­qiler­paat. (Ez 37:21, 22) Ataasius­suseqaler­nerat taman­na aam­ma pruf­fiitinit Esajamit Jeremiamil­lu siulit­tuutigineqar­poq. – Es 11:12, 13; Jer 31:1, 6, 31.

Ezekieli pal­lorfigin­nin­neq minguitsoq pil­lugu qanoq siulit­tuiva? Siulit­tuutigaa Jehovap pal­lorfigin­nitsini ataatsimuulersis­sagai. (Ez 37:18, 19) Neriorsuut taman­na nalitsin­ni eq­quup­pa? Aap. Siulit­tuut 1919-imi eq­quuk­kiar­tuler­poq. Tamatuma sior­na Saatanip Guutip in­nut­tai ataasius­suseqaq­qit­tus­saajun­naarsin­niaraluar­pai. 1919-imili ataasius­suseqaq­qilerlutil­lu aaq­qis­sugaasumik suleq­qiler­put.

Taamanik­kut Guutip in­nut­taasa amerlanersaasa qilam­mi Jiisusip kun­ngioqatiginis­saa palasioqatiginis­saalu neriuutigaat. (Saq­q 20:6) Taak­ku Judap qisuminer­taatut ip­put. Ikit­tun­nguil­li nunarsuarmi naas­saan­ngitsumik inuunis­samik neriugisaqar­put. Pif­fis­sal­lu ingerlanerani taamatut neriugisal­lit amerliar­tuin­nar­put. (Zak 8:23) Taak­ku Josefip qisuminer­taatut ip­put.

Ul­lumik­kut eqimat­tat taak­ku marluk Jehovamut kif­far­toqatigiip­put. Kun­ngial­lu ataasiuvoq, Jiisusi Kristusi. Taan­na Ezekielip siulit­tuutaani “kif­fara Daavi”-mik taaneqar­poq. (Ez 37:24, 25) Jiisusip ajoqersuk­kani “tamarmik ataasioq­qul­lugit” Ataataminut qin­nutigaa. * (Joh 17:20, 21) Aam­ma siulit­tuutigaa ajoqersuk­kani savar­pan­nguit tanitat ‘saval­lu al­lat’ tas­saalis­sasut “savaatit katersat ataatsit”. Taak­kua tamarmik “paarsisoq ataaseq” malis­savaat. (Joh 10:16) Jiisusip oqar­neratorluin­naq ul­lumik­kut Guutip in­nut­tai, qilam­mi nunamiluun­niit naas­saan­ngitsumik inuunis­samik neriugisaqaraluarunik, tamarmik ataasius­suseqar­put!