Atuartartut apeqqutaat

Kristumiu nipinik tusaasaqartoq pinngitsoorani anersaapilunnit erloqisitaava?

Naamik. Misigisanut taamaattunut anersaapiluit pissutaasinnaapput, amerlanertigulli ilaat nipinik tusaasaqaraangamik imaluunniit nassuiarneqarsinnaanngitsunik toqqissisimananngitsunillu misigisaqaraangamik, nakorsap misissuineratigut paasineqartarpoq nappaateqartut.

Ukiuni hundredelinni siullernili qularnaatsumik paasineqarsimavoq anersaapilunnit saassunneqarneq timikkut ajoquteqalernertut kinguneqarsinnaasoq. Matthæusi 17:14-imit 18-imut nukappiaraq Jesusimit ajorunnaarsinneqartoq atuarparput. Naak nukappiaraq sualuttumik noqarnermut assingusumik nappaateqaraluartoq naalliunneranut anersaapiluk pissutiviuvoq. Kisianni siusinnerusukkut amerlasuut ajorunnaarsikkiartorlugit Jesusimukaanneqarmata ajorunnaarsitassat „anersaapilulinnik aamma noqartartunik“ ilaqarsimapput. (Matthæusi 4:24) Qularnanngitsumik noqartartut tamarmiunngitsut anersaapiloqarnerat paasineqarsimavoq. Nappaataat timikkut pivoq.

Ilaat skizofrenimik nappaateqartut — nappaat amerlanertigut nakorsaatinik katsorsarneqarsinnaasoq — nipinik tusaasaqartarput imaluunniit tupinnartumik sunnerneqarsimarpaluttutut isikkoqartarput. * Timip pissusii allat aamma eqqarsartaatsikkut paatsiveerunnermut pissutaasinnaapput ilaasa kukkullutik anersaapilunninngaanneerneraraluaraat. Nipinik tusaasaqartartup allanilluunniit aarleritsannartunik misigisaqartartup, soorunami anersaapilunnit saassunneqarsinnaaneq naatsorsuutigiunnaassanngilaa, kisianni kajumissaarneqartariaqarpoq nakorsiaqqullugu qularnaallillugu paasiniarlugu misigisat nuanniitsut nappaammik pissuteqarnersut. (wE 5/1 03)

[Quppernerup ataani ilanngussaq]