Jiisusi ima oqar­poq: ‘Inuiaat pikitsitsiumaar­put inuian­nut naalagaaf­fil­lu naalagaaf­fim­mut. Nunami sajun­nersuaqar­tarumaar­poq sumilu tamani kaan­nersuaqar­tarumaarluni nap­paas­suaqarlunilu toqoraataasunik.’ (Lukasi 21:10, 11) Pisus­sat tamak­ku tamarmik silarsuaq tamak­kerlugu ataatsik­kut pip­pata ‘Guutip naalagaaf­fiata qanil­lineranut’ nalunaaqutaas­sap­put. Pisus­sat tamak­ku ataatsik­kut pisimap­pat? Up­per­narsaatit misis­soriar­tigit.

1. SORSUNNERIT

Sorsun­nersuaq siul­leq 1914-imi aal­lar­tim­mat aatsaat taama an­ner­tutigisumik sorsun­neqaler­poq. Oqalut­tuarisaanermik ilisimatuut 1914 tas­saanerar­tar­paat oqalut­tuarisaanerup al­lan­ngorfia. Sorsun­nermi tamatumani aatsaavis­suaq taama an­ner­tutigisumik qamutit sorsuutit, qaar­tar­tut igeriut­tak­kat, eq­qarasuar­taatit, silaan­naq toqunar­toq sak­kul­lu toqoraataasut al­lat ator­neqar­taler­put. Taava sorsun­nersuup aap­paani atombombit ator­neqaler­put. 1914-imiil­li sumiluun­niit sorsut­toqar­tuaan­nalersimavoq, sorsun­ner­nilu inuit mil­lionilik­kuutaat toqutaasimap­put.

2. NUNAP SAJUTTARNERA

Ukiut tamaasa nunarsuarmi 100-t mis­singerlugit “aseruingaatsiar­tumik” nuna sajut­tar­poq. (Ujarlerfis­siaq Encyclopædia Britannica) Aam­ma U.S. Geological Survey nalunaar­poq “ukior­pas­suar­ni (1900-p mis­saaniil­li) nalunaarsuisar­neq naaper­torlugu ilimagisin­naagip­put ukiut tamaasa 16-it mis­singerlugit nuna sajorujus­suar­tas­sasoq”. Oqar­toqar­tar­poq malus­sarin­nerusunik ator­toris­saaruteqalerat­ta nunap sajut­tar­neri amerlaneror­pasiin­nar­tut. Nunarsuarmili nunap sajorujus­suar­tar­neri aatsaat taama naal­liuutaatigalutil­lu toqoraataatigip­put.

 3. KAANNERSUIT

Sorsun­nerit, peq­quserlun­nerit, aningaasatigut ajor­nar­torsiorujus­suar­nerit, naasoris­saasut inerititaan­nik aqutsinerluinerit sak­kor­tuumil­lu silapilun­niar­til­lugu sil­limanian­ngin­nerit kingunerigajup­paat kaan­nersuaqar­neq. 2018 pil­lugu FN-ip nunarsuarmi kaat­tunik ikiuiniarluni suliniuteqarfia ima nalunaarusior­poq: “Nunarsuarmi inuit 821 mil­lionit naam­mat­tunik nerisas­saqan­ngil­lat taak­kualu ilaat 124 mil­lionit kaat­tuaan­nar­tuup­put.” Ukiut tamaasa meeq­qat 3,1 mil­lionit perlerlutik toqusar­neran­nut naam­mat­tunik inuus­sutis­saqan­ngin­neq peq­qutaaqataavoq. 2011-mi silarsuaq tamak­kerlugu meeq­qat toqusut af­fangajaat perlerlutik toqup­put.

4. NAPPAASSUIT

Nunarsuaq tamak­kerlugu peq­qin­nis­samik suliniaqatigiif­fik, WHO, ima nalunaarusior­poq: “2000-miil­li nap­paalanersuit tuniluut­tar­tut perulun­nar­tuusut atugaanerulersimap­put. Sior­natigut nap­paataasarsimasut – kolera, nap­paalanersuaq sungar­pal­lan­nersuil­lu – nap­paataaq­qilersimap­put, al­lanil­lu nap­paas­suaqalersimal­luni – SARS, MERS, Ebola, Zika nunarsuul­lu ilarujus­suani nual­luus­suit.” Ullumik­kullu COVID-19 eqqaaneqar­sin­naavoq. Ilisimatuut nakorsal­lu nap­paatit pil­lugit ilisimasaqar­neruleraluarlutik nap­paatinut tamanut katsorsaatis­sarsisiman­ngil­lat.

5. NUNARSUAQ TAMAKKERLUGU OQALUUSSINEQ

Nalunaaqutip ilaa al­la Jiisusip eq­qaavaa ima siulit­tuigami: “Naalagaaf­fim­mil­lu iivangkiiliu taan­na silarsuarmi tamarmi oqaluus­sis­sutigineqas­saaq inuian­nut tamanut nalujun­naarsil­lugu, taavalu naggatis­saq nal­liutis­saaq.” (Mat­thæusi 24:14) Nunarsuaq ajor­nar­torsiorfiungaaraluar­toq inuit 8 mil­lioninit amerlanerusut inuian­nit tamaneersut Guutip naalagaaf­fia pil­lugu nutaarsias­saq nuan­nersoq nunani 240-ni oqaatsinilu 1.000-nit amerlanerusuni oqaluus­sis­sutigaat. Inuit oqalut­tuarisaaneran­ni sior­natigut taama pisoqan­ngisaan­narsimavoq.

Pisus­sar­pas­suit nalunaaqutis­satut Jiisusip eq­qar­tugai ul­lumik­kut eq­quup­put. Sooq taman­na soqutiginar­pa? Jiisusi ima oqarmat: “Tamak­ku tamaasa takulerus­sigit ilisimas­savarsi Guutip naalagaaf­fia qanil­lisoq.” – Lukasi 21:31.

Nalunaaqut Jiisusip eq­qaasaa aam­ma Biibilimi pif­fis­sanik naatsorsuineq iluaqutigalugit paasivar­put Guutip naalagaaf­fini 1914-imi qilam­mi pilersik­kaa Er­ninilu, Jiisusi Kristusi, kun­ngin­ngor­til­lugu. a (Tus­siaat 2:2, 4, 6-9) Ungasin­ngitsuk­kut Guutip naalagaaf­fia nunarsuarmik aqutsileruni naalagaaf­fiit inuit pilersitaat tamaasa suujun­naarsis­savai nunarsuarlu inuit naas­saan­ngitsumik najugaqarfigisas­saat­tut paratiisin­ngor­til­lugu.

Ataatar­puumi Jiisusip ilin­niar­titsis­sutigisaa una qanit­tuk­kut eq­quutis­saaq: “Naalagaaf­fiit tikiul­li, piumasat qilam­misut nunamis­saaq pili.” (Mat­thæusi 6:10) Guutip naalagaaf­fia 1914-imi aqutsileramili sunik naam­mas­sisaqarsimava? Aam­ma Guutip naalagaaf­fia naalak­kersuisutuaaler­pat pisus­sat suut qilanaarisin­naavavut?